PA Bapa, 24 Maret 2024 (Palmarum)
Nas : Ibrani 4:14-16
Usul Doding : Haleluya No. 237:1,3
Tema : Teguh berpegang pada pengakuan iman kita
Tujuan : Agar kaum bapak teguh dalam iman dan percaya kepada Allah
Horas ma hubani nasiam seksi bapa GKPS, arap uhur sehat jorgit nasiam haganupan itumpaki Naibata.
Sintua ni Malim bani padan na basaia horjani aima gabe perantara. Sintua ni Malim mewakili halak Israel bani na manggalangkon galangan, martonggo ronsi mambela/mangapiti bangsa ai i lobei-lobeini Naibata. Sintua ni Malim bani padan na basaia aima sahalak jolma na mewakili jolma i lobei-lobeini Naibata. Hajongjongan ni Sintua ni Malim aima i holang-holang ni jolma pakon Naibata. Galangan na sinombahkonni Sintua ni Malim bani padan nabasaia aima pinahan na sinayat pakon galangan-galangan na legan domu hubani goran pakon tujuan ni galangan ai. Sintua ni Malim gabe posisi na paling tinggi bani system keagamaan Jahudi. Sintua ni Malim do hansa na boi masuk hu bagas ruang maha kudus ibagas Bait Allah. Bani nas on Jesus aima Sintua ni Malim na Bolon na dob torus das hu nagori atas. Sebagai sahalak Sintua ni Malim na Bolon, Jesus mangahap bani hagalekonta, ilajou, manaron, mangahapkon parsahiton, ipahiri do Ia. Ia aima jolma na mangahap songon hita mangahap. Sonaha hita ilajou, manaron bagei-bagei sitaronon, mangahapkon boritni pargoluhan sonai ma homa Jesus. Sonaha hita mamorsan bagei ni paruntolon, sonai do homa Jesus. Ia sedo sasahalak na lang ongga mangahapkon pangahapan songon na niahapkonta. Dos do hajolmaonta pakon Jesus, tapi na mambedahon hita pakon-Si aima Ia borsih humbani dousa. Sanggah ijahati halak Ia, lang mardomdom Ia, sanggah ilajou Sibolis Ia, lang mardousa Ia. Halani ai, boi ma hita yakin bahasa mangarusi do Jesus bani pangahapta halani Ia pe ongga do mangahapkon sitaronon na borat, janah boratan do na pinorsan-Ni marimbang na pinorsanta. Songon penggalan lirik lagu: “Dia mengerti Dia peduli persoalan yang sedang terjadi, Dia mengerti, Dia peduli, persoalan yang kita alami, namun satu yang Dia minta agar kita percaya, sampai muzijat menjadi nyata….”. Pangarusion ni Jesus banta, sedo pangarusion na pura-pura, tapi pangarusion na roh humbani sasahalak na mengalami songon na ongga ialami hita. Jesus lang pura-pura mengerti, tapi sungguh-sungguh mengerti. Ra satuju do hita anggo misalni adong ma sahalak na mabalu, lobih ra ma ia manangihon podah ampa apoh-apoh humbani na domma parlobei mabalu, marimbangkon na lang ongga mangahapkon gabe sahalak na mabalu. Hira-hira sonai ma homa hita dompak Jesus, sonaha pe pangagapanmu, roh ma ham bani Jesus, halani Ia pe ongga do manaron sitaronon songon na tinaronmu ai.
Irik hujai homa marhitei nas on, ipasingat do hita pasal toguh bani haporsayaonta. Roh do Jesus hun nagori atas hu tanoh on laho manggalar utang dousanta. Ia sandiri na manggalangkon diri-Ni sandiri, sedo pinahan, gabe tobus na lang martikas do Ia, na sahali untuk sadokah ni dokah ni bani haganup jolma na manghaporsayai-Si. I hayu parsilang igalar utangta. Halani ai talup ma hita mandohori Naibata halani Sintua ni Malim na Bolon (Jesus) ai. Jesus aima Tuhan na domma gabe jolma padameihon hita pakon Naibata sekaligus ma homa mambuka dalan banta laho martonggo ibagas Jesus Kristus hubani Bapanta na i nagori atas ai. Halani Jesus, ija pe boi ma hita martonggo, lang be maningon marhitei sahalak malim na mewakili hita i rumah panumbahan. Adong “kebebasan” laho mandohori Naibata, lang marganjang-ganjang proses ni songon na bani Padan na Basaia. Irik hujon, tontu lambin rajin ni ma hita martonggo. Isuruh Jesus do hita martonggo, sedo na lang ibotoh Tuhan aha na ipangindo hita ronsi aha na porlu banta anggo lang martonggo hita. Tapi, ibagas na martonggo adong komunikasi dari hati ke hati, antara hita pakon Tuhan na bagas janah panorang martonggo boi ma sobuton ai gabe semacam quality time ta pakon Naibata. Panorang na ikhususkon laho ‘marbuali’ pakon Tuhan. Songon sonaha sahalak bapa rosuh uhurni marbuali pakon inang sonai niombah, sonai ma homa hita pakon Tuhan in. Hubungan na dohor pasti manghasiholhon komunikasi halani dong sihol ni uhur. Domma ibuka Jesus dalan ase boi hita markomunikasi langsung pakon Tuhanta in.
Halani ai, nasiam seksi bapa GKPS, jolom ham ma ibagas na toguh haporsayaonmu. Mangauhon pandiloon ni Jesus gabe halak Kristen domma sada keputusan na tepat ai. Pasti do lang manosal ham mangauhon pandiloon ni Jesus hubamu, halani ibagas haporsayaon na toguh hubani Jesus, monang do ham mandalani ari-ari ni goluhmu. Amen.
