PA Bapa, 31 Maret 2024 (Paskah I)

PA Bapa, 31 Maret 2024 (Paskah I)

Nas                  : Filipi 3:10-11

Usul Doding    : Haleluya No. 240:1,5

Tema               : Kuasa Kebangkitan

Tujuan             : Agar kaum bapak menyadari bahwa dengan kuasa kebangkitan Kristus, kita akan dibangkitkan

Aha do na tang siporlunan bamu? Aha do na tang ihasiholhon ham bani goluhmu? Na ta siporlunan manontuhon sikap ronsi prioritas ni goluhta. Contoh ni, anggo duit do na tang siporlunan, sagala cara ipakei laho manghasilhon duit, anggo kekuasaan do na tang siporlunan, naha pe cara, na halal pakon na haram ipakei ma ase memiliki kekuasaan. Anggo Tuhan do siporlunan, aha na hinarosuhkon ni Tuhan aima siporlunan ihorjahon. Age naha godaan laho manlembangi rosuhni Tuhan, isimbili do ai janah pag mengambil resiko sonaha ase boi totap mardalan bani rosuhni Tuhan. Sahali nari, aha na tang siporlunan banta manontuhon sikap hidup ronsi prioritas ta.

Nasiam bapa GKPS, paima nas on, Paulus patorangkon masa laluni, na ija ia penuh bani pencapaian-pencapaian ronsi prestasi-prestasi parugamaon (Jahudi). Bani Pilippi 3:5-6 ia manobut sonon: “Tarsunat bani ari paualuhkon, marasal humbani halak Israel, humbani marga Benjamin, halak Heber anjaha tubuh humbani halak Heber, halak Parisei mangihutkon titah in, garang mardakdak kuria in, seng dong sihataon ibagas hapintoron mangihutkon titah”. Secara pencapaian sebagai pemuka agama Jahudi, boi sobuton berprestasi do si Paulus. Tapi na sinobut prestasi hinan gabe tompoh-tompoh do ai, ase bani Kristus (Pil. 3:8). Hatalupon i lobei-lobeini Naibata seng boi anggar prestasi parugamaon. Tompoh-tompoh do haganupan usaha-usaha age prestasi ai halani lang dong prestasi atap pencapaian na sungkup ase talup ai gabe dalan hubani hagoluhan pakon haluahon. Dalan hubani hagoluhan pakon haluahon aima manghaporsayai Jesus parmatei pakon parpuhoon-Ni ai. Songon na hinatahon ni Paulus bani Efesus 2:8-9: “Ai humbani idop ni uhur do ase maluah nasiam, marhitei haporsayaon; sedo binahen nasiam, sibere-bere ni Naibata do. Sedo humbani horja, ase ulang adong na mamuji diri”. Hunjon ibotoh hita na bahasa pencapaian songon parsunaton, keturunan, usaha tarmasuk pembelaan bani agama age sampai hubani mamakei kekerasan (songon Paulus na garang mardakdak kuria in halani bani panorang ai ia menganggap bahwa mardakdak siihutkon Jesus aima dalam rangka pembelaan bani agama Jahudi) lang boi gabe dalam haluahon. Jesus na matei pakon puho ai do na boi gabe dalam haluahon.

Ase, hasadaon pakon sitaronon ni Kristus gabe hal na mutlak maningon dong bani halak na porsaya. Jesus aima Guru ta janah hita aima susian-Ni (murid). Tujuan ni susian aima maniru horja ni guru. Gabe halak Kristen pasti do manaron, lang boi lang, sitaronon lang be hal na aneh banta. Sanggah iputushon hita ibagas uhurta bahasa irikkononta ma Jesus ibagas na satia, ijai sasintongni iauhon hita do sitaronon halani Kristus, lang halani dirinta sandiri. Dihut bani parpuhoon ni Jesus mararti dihut bani parmateini Jesus, dihut homa bani sitaronon ni Jesus. Sitaronon halani Jesus hampung do porsanon halani ipargogohi Tonduy Napansing do hita mamorsan ai janah pasti margogoh. Janah bani na manghaporsayai Jesus, lang sungkup pitah porsaya bahwa Jesus ongga hadir gabe jolma i dunia on mangirikkon fakta-fakta sejarah, tapi manghaporsayai parpuhoon-Ni ai. Lang pitah porsaya bahwa Jesus puho (bangkit), tapi na tang siporlunan aima haporsayaon bahasa dihut do hita bani parpuhoon-Ni ai. Ipadomu do hita bani parmateini Jesus, janah lang singgan jai tumang, ipadomu do hita bani parpuho ni Jesus. Halani puho Jesus, hit ape puho do bani ari simagira janah dob honsi ai, riap ma hita na porsaya pakon Tuhan ronsi sadokah ni dokah ni.

Naha do hita manghaporsayai bahasa tongon-tongon do hita dihut bani parpuhoon ronsi haluahon na manongtong ai. Tonduy Napansing do na manggerakhon dirinta ase boi porsaya. Nini bani Rom 8:11: “Tapi anggo marianan ibagas nasiam Tonduy ni na mamuhoi Jesus humbani na matei, pagoluhonni sipuhoi Jesus humbani na matei in do age badan nasiam na ra matei in, marhitei Tonduy-Ni na marianan ibagas nasiam”. Tonduy na mamuhoi Jesus aima Tonduy Napansing, Tonduy Napansing marianan ibagas hita, mambahen hita mangarusi janah margogoh manghaporsayai parpuho ni Jesus ai. Lang saksi mata hita, tapi saksi haporsayaon do, janah haporsayaon aima na paluahkon hita.

Mulak ma hita hubani sungkun-sungkun pamungkah na i atas ai, aha do siporlunan bamu? Anggo Kristus do siporlunan bamu, Ia ma prioritasmu, lang marsidalian be ham mangirikkon-Si age pe maningon mandompakkon bagei-bagei sitaronon halani Kristus. Ia na domma matei janah mulak mangoluh, Ia do Tuhan na domma manobus hita ibagas kuasa parpuhoon ni ai. Amen.