Ilustrasi gambar: https://merahputih.com/media/dc/fc/12/dcfc121e713ec21ebb042b2d71f25584.jpg
PA Bapa GKPS, 17 Maret 2024
Nas : Roma 5:1-11
Usul Doding : Haleluya No. 339:1-3
Tema : Bermegah dalam pengharapan
Tujuan : Agar kaum bapak selalu hidup dalam iman, ketekunan dan pengharapan
Horas ma hubani nasiam seksi Bapa GKPS, pangarapan nami horas-horas nasiam das hubani panorang on.
Sadokah manggoluh hita, sai na dong do tong pangarapan-pangarapan na dong ibagas uhurta na ija porlu tumang uhurta ase boi masa pangarapan ai bani panorang sidearan. Pangarapan lang boi ganggang humbani uhurta halani ai ma sinjata banta laho mandalani goluh ari-ari na ija mandompakhon bagei-bagei parontolon ni goluh ronsi na masa na gati lape songon na ibagas uhurta. Pangarapan mambahen sahalak bapa totap marhorja marbois gogoh laho manghopkop keluarga ni agepe maningon turak-turak hadogas ia manghorjahon horjani ai. Dob masa aha na iarapkon ai, malas ma tumang uhur, adong kebanggaan tersendiri ibagas uhurni sahalak bapa tingki anakni das bani kondisi songon na iarapkonni. Irik hujai homa, laho padaskon sura-sura iporluhon do usaha-usaha na lang boi putus.
Nasiam bapa, laho mangayaki sura-sura i dunia on mamorluhon usaha-usaha na lang marnasoh. Tapi pangarapan pasal ari simagira, lang mambutuhkon usaha tapi mambutuhkon haporsayaon (iman), halani usaha aha pe na ibahen jolma, seng adong na boi laho mambahen pardameian pakon Naibata. Mamungkah humbani pardabuhni Adam pakon Hawa ronsi hubanta nuan on, dousa domma mambahen hita marmusuh pakon Naibata janah hamateian ma na gabe upah ni parmusuhan ai. Tapi, halani sonai ma holong ni uhur ni Naibata banta, lang ipaturut hita totap gabe musuh ni Naibata, tapi ipadamei do hita pakon diri-Ni. Pardameian ai ibahen marhitei na pasurut ringisni Naibata marhitei mandalankon uhuman na ipaporsanhon hubani Jesus Kristus Tuhan na domma matei i hayu parsilang. Ise na manjalo Jesus Kristus sebagai Tuhan pakon sipaluah ai do na maluah janah ipintori. Na pintor (benar) do hansa na talup i lobeini Naibata janah dalan masuk hubani pamintorion ai aima “haporsayaon” janah na porsaya gabe “ipintori” Naibata, anggo domma gabe halak na ipintori gabe mardamei ma hita pakon Naibata, ase pamintorion gabe dalan masuk hubani “pardameian” janah pardameian on ma na mamboban hita hubani “haluahon”.
Haganupan ai, aima idop ni uhur na mararti ijalo hita lang halani usaha ronsi hataluponta sandiri, tapi na ipatalup Naibata do. Laho padameihon hita pakon Naibata, Ia sandiri do na marhorja ibagas hamarsikon ni Jesus Kristus Anak sasada- Ni ai. Ase, pori tingki ibagas hamarsikon pe hita, dingat hita ma bahasa Jesus pe mamorsan hamarsikon do, janah hamarsikon ni ai borat do tumang. Irik hujai sihamalaskononkon do hape hamarsikon. Mase? Halani hamarsikon manghorjahon hasabaron, hasabaron ai manghorjahon hatalupon, anjaha hatalupon ai manghorhon pangarapan. Anjaha pangarapan ai seng parohkon habadoron (ayt. 3-5). Sihamalaskononkon do ujian sonai age paruntolon ni goluh halani ujian pakon paruntolon ai manghasilhon hasabaron atap hapongkuton (ketekunan). Hasabaron aima karakter na jenges tumang na boi adong banta marhitei proses ni hamarsikon. Hasabaron ai mambahen roh gogohni hita bani pangarapan. Penderitaan memperluas dan memperkuat kapasitas rohani kita untuk mampu tetap memiliki harapan. Songon si Abraham, na lang bimbang tapi totap gogoh ibagas haporsayaon. Kemampuan laho bertahan janah na lang menyerah maningon adong do bani Bapa GKPS halani ai do na membentuk karakter na tahan uji janah toguh, janah on ma na gabe alasanni ase mampu hita marmalas ni uhur ibagas hamarsikon. Marhitei hamarsikon marhorja do Naibata manopa Bapa GKPS gabe halak na berkarakter tahan uji.
Dob ai, pangarapan ai seng paroh habadoron (tidak mengecewakan). Iuseihon Naibata do holong ni hu bagas uhurta marhitei Tonduy Napansing. Aktif do Tonduy Napansing marhorja ibagas dirinta laho pagogohkon hita manghorjahon rosuh ni Bapa in. Hal on patoguh uhurni Bapa GKPS laho memiliki keyakinan bahasa mampu do Bapa GKPS gabe bapa na berkarakter tahan uji. Lang ibagas kemampuanta sandiri hita mambalosi Naibata, adong do ipangurupi bolon banta laho patoguhkon hita gabe halak sipambalosi bani Naibata. Tonduy Napansing mambahen hita mampu manggoluh ibagas hapansingon. Sonai ma holong ni Naibatanta ai banta. Seng pitah ipaluah, tapi ‘ijaga-jaga’ Tonduy Napansing do hita ase gogoh uhurta mambalosi Naibata janah totap hita ibagas haporsayaon, hasabaron pakon pangarapan.
Ase, megah do homa hita ibagas Naibata. Hamegahonta ai lang marasal humbani dirinta pakon usaha-usahanta, tapi na ihamegahkon hita aima Jesus Kristus na gok holong ai gabe Tuhanta. Ipadamei do hita pakon Naibata sanggah musuhni ope hita. Nuan, domma gabe hasoman ni Naibata hita, lang be musuh-Ni. Ai ma sihamegahkononta bani goluhta. Aha na ibanggahon hita (dalam artian positif) bani goluh on na tang sibanggalan aima pardameianta pakon Naibata, lang be hu paruhuman hita, tapi hu hasonangan ma halani Jesus Kristus. Nasiam Bapa GKPS, dalani hita ma goluh on ibagas haporsayaon, hasabaron pakon pangarapan.
