Salah sada program kerja i GKPS Resort Yogyakarta aima pembinaan majelis pakon parhorja bani ganup jemaat na adong. Sadalan hujai iadongkon do Pembinaan Majelis pakon Parhorja bani dua kuria aima Jemaat GKPS Pekalongan pakon Tegal na ipamasa bani tanggal 27 Juli 2019 marianan i Pekalongan.
Secara khusus tujuan ni pembinaan on iadongkon aima nasihol mambohali anggota majelis i GKPS Resort Yogyakarta bani namandalankon horja pangidangion i kuriani bei. Pembinan on idihuti anggota majelis pakon ketua-ketua seksi na adong i Jemaat Pekalongan pakon Tegal.
Adong 4 topik atap materi na ipadas bani pembinaan on aima :
- Tugas Sintua dan Syamas Ampa Jabatan Tahbisan
Naibobahon Pdt. Gomgom Adi Sahputra
- Penatalayanan Keuangan GKPS
Naibobahon Sy. E. Phosman Sumbayak
- Peraturan Siasat Gereja di GKPS
Naibobahon St. Memory Waruwu
- Podah Parambilanon dan Liturgi Ibadah Minggu GKPS
Naibobahon Pdt. Rudiaman Saragih
Bani materi naparlobei patorangkon sonaha syamas pakon sintua aima sada horja pandiloon ni Naibata na laho mangidangi i Kuria-Ni. Pangidangion on sedo pitah memimpin ibadah kebaktian minggu atap partonggoan tumang tapi mencakup do homa pelayanan penggembalaan hubani warga jemaat. Sekaligusma homa materi on nasongon pembekalan bani sada halak sintua na laho itabalhon i GKPS Pekalongan.
Bani materi Penatalayanan Keuangan GKPS ipatorang do masalah keuangan pakon sonaha mandalankon keuangan na adong i jemaat khusus ni ma ai naidalankon bendahara jemaat pakon bendahara-bendahara bani ganup seksi.
Dob ai materi Ruhut Paminsangon patorangkon sonaha ase haganup anggota GKPS sadar bani tugas pakon tanggung jawabni selaku warga gereja, sadar bani pambahenanni nalepak atap namanlanggar aturanni gereja ase totap manggoluh bani Hatani Naibata.
Materi na parpudi mambohali anggota majelis na laho mempersiapkon ambilan pakon padashon ambilan. Ipatorang do homa arti pakon tujuanni ambilan atap khotbah aima: menyampaikan pesan (kerussein), mengabarkan injil (euanggelion), kesaksian (marturein) pakon pengajaran (didaskalein). Bani sesi on ipatorang do homa makna liturgi bani gareja sekaligus padashon model liturgi ibadah minggu GKPS na baru na sihol dalankonon. Bani mangujungi sessi on iondoshon do homa Agenda GKPS na baru hubani Jemaat GKPS Pekalongan na ijalo Pengantar Jemaat St. Poltak Hutabarat pakon hubani Jemaat GKPS Tegal naijalo Pengantar Jemaat St. Daulat Sinaga.
Dear do mardalan acara Pembinaan Majelis on, janah marguna atap bermanfaat tumang na gabe bohal bani anggota majelis pakon parhorja ni kuria na laho mangidangi i tongah-tongah ni kuria in. Syalom.
Sy. E. Phosman Sumbayak
Bendahara Resort
About the Author
