Silhouette of a man at the Cross
Renungan Mingguan/PA Bapa, 12 Mei 2024 (Exaudi)
Nas : 2 Timotius 3: 14-17
Usul Doding : Haleluya No. 205:1-3
Tema : Firman Tuhan membaharui umat-Nya
Tujuan : Agar kaum Bapak hidup dalam terang Firman Tuhan
Nasiam Bapa na hinaholongan
Haganupan do hita on adong be sipinghirhonon pakon pergumulan, manusia tidak terlepas dari yang namanya pergumulan hidup. Ise pe hita, sonaha pe jabatanta, piga tahun umurta janah ija pe hita gading pakon na legan, pasti do manjumpahkon na ginoran beban hidup. Halani sadokah hita manggoluh i tanoh on pasti do mandompakhon na sonai ai.
Hita haganupan, sonai ma hita sadokah manggoluh i tanoh on. Na gabe sukkun-sukkun, sonaha do hita manjumpahkon hamaholon-hamaholon ni goluh, sonaha do sikapta bani namanjumpahkon haganupan ai. Bani ganupan diri ni jolma in mandompakkon bagei persoalan ni goluh tontu marbeda do cara mandompakkon haganupan ai. Adong do na mintor roh pandoleian bani, seng dong semangat bani halani bueni sipingkirhonon ni, marhitei na soh lang marhorja, marhitei na totap manorihi ianan na boi pasonangkon uhur, misalni hu kode tuak, cafe, pakon ianan nalegan. Hansipe age domma masuk bani ianan na sonai ai, seng dong ope penyelesaian persoalan ni ai. Adong do homa na totap semangat janah marondos hubani Tuhan. Halani ibagas pingkiranni, pitah hubani Tuhan do adong penyelesaian persoalan, lang hubani nalegan. Mase boi marbeda sikap ni jolma bani namandompakhon persoalan pakon pasaloseihon persoalan, hal on tergantung hubani tingkat haporsayaon ni jolma in do.
Nasiam hasoman,
Timoteus aima niombah Pastoral ni Apostel Paulus. Surat ni Apostel Paulus hubani si Timoteus on, bersifat parmahanion/penggembalaan. Sonaha persoalan na idompakhon Kuria in, ibahen do pendekatan pasal ai. Bani parmahanion on do homa boi mangidah aha na sedang terjadi bani jemaat sonai homa bani diri pribadi ni jemaat in. Pendekatan secara Pastoral ma na ipakei ijon nalaho mangidah aha na masa na terjadi na idompakkon jolma in. Tontu hal na songon on do homa nairapkon itongah-tongah ni Kuria in. Anggo adong persoalan na idompakkon ham, tontu marosuh do ham anggo adong na sirsir marsahap atap marbuali janah marhitei na sonai aima adong otik lumbang niuhur anggo domma ipadas aha na ibagas uhur hubani hasoman.
Hita haganupan, porlu do anggo adong hasoman na sirsir manangihon age mampardiatei hita tene. Tambah do malas ni uhur age semangat anggo pajumpah hita pakon hasoman na boi mangurupi hita. Curahan hati seng pitah bagian ni Naboru, tapi age sahalak Bapa pe porlu do patugahkon aha na sedang terjadi bani dirini hubani hasoman. Tarlobih ma anggo patugahkon aha na ibagas uhurta hubani Tuhan, sai na itangihon do haganupan in.
Bapa na hinaholongan,
Sonaha pe na masa, sonaha pe bagei ni persoalan sonai homa bagei ni ajaran na pakahouhon haporsayaon in, ase totap ma margogoh janah maronjolan bani hata Ni Tuhan. Markuasa janah margogoh tumang do kuasa ni Hata ni Tuhan bani goluh ni na porsaya. Nini bani Teks on, bani ayat 14: “Tapi anggo ham totap ma ham bani na dob ginuruhon mu ampa na hinaporsayaonmu, ai ibotoh ham do Ise namangajarhonsi bamu”.
Humbani ayat on, sihol patugahkon bahwasani adong do hape na sihol pakahouhon haporsayaon ni halak na porsaya in, marhitei namangajarhon na kahou. Bani situasi na songon on, anggo hurang do haporsayaon tontu murah tumang do hita taruyun bani haganupan na masa. Ajaran pasal Kristus in pe, ra do homa sipata galek haporsayaon, dobni hurang pangarusion pasal-Si. Kesempatan na banggal ma on na i pake parpodah na kahou pasal ajaran na pakahouhon in. Nini Bani teks on, ase ulang magou haporsayaon totap ma maronjolan bani hatani Tuhan. Nini bani Psamen “Hatamu do rigapan pakon panondang ni dalanku”. Totap ibagas hatani Tuhan mambahen hita on seng taruyun bani parpodah na kahou in. Sonaha hita ase totap ibagas hatani Tuhan? Marhitei na gati manjalo janah manangar hata-Ni. Ulang marayoh bani namandihuti partumpuan ni seksi Bapa. Husukkun ma nasiam Bapa, piga hali ma nasiam mambasa, manangar janah mangguruhon hatani Tuhan ibagas na saminggu? Boi do hita marbalos, 1 hali, 2, hali, 3 hali, atap boi do homa adong na marbalos setiap hari. Artini balos ai, tergantung hubani tingkatan kerohanianta. Marbeda do ham pakon hasoman mu nalegan, marbeda do au pakon nasiam, marbeda do Bapa ai pakon Bapa nalegan ai. Artini lang dos haganupan. Tapi na sihol sobuton, lambin gati hita manangar pakon manjalo hatani Tuhan, lambin toguh do haporsayaonta. Anggo domma toguh haporsayaon, seng urah hita taruyun bani na masa, age bani podah na pakahouhon hita. Kuncini, totap setia janah mangandalhon Tuhan bani goluh on.
Nasiam hasoman, bani teks ni ambilan on pe domma ipatangkas mulai humbani haetekon nari domma ipadas hatani Tuhan. Timoteus ibagas haposoonni domma manjalo hatani Tuhan. Tontu marhitei na sonai ai do ase boi ia patugahkon hubani halak na porsaya in ase totap toguh haporsayaon janah totap mandalankon horja namadear. Anggo gati ma Bapa on mambahen namadear, sonai homa mangguruhon hatani Tuhan tontu lambin taridah do homa age bani goluh ni gabe Bapa sitiruon.
Nasiam Bapa, halani ai ase totap ma manggoluh ibagas hata-Ni janah mangguruhon hata-Ni Tuhan. Lambin pasomal-somal mamberehkon diri hubani horja namadear ase dihut dear age pargoluhan ni. Manggoluh ibagas sondang hatani Tuhan ai do homa na mambahen lambin dear goluh ni Bapa. Ibagas uhur na lamlam mandalani goluh on. Ulang halani gati ni manangar parsahapan i kodei tuak, na gati marhitei sora na karas, das age hubani rumah tangga sipata ra do podas emosi, sipata ra do homa manggila hubani niombah, pnl. Hata ni Tuhan bani ambilan on, ase manggoluh ma Bapa in ibagas sondang ni hatani Tuhan. Taridah ma ai bani parsahap age parlahou. Amen.
