SIRSIR MA NASIAM MANGAJARI

PEMATANG SIANTAR. GKPS.OR.ID. Laho menindaklanjuti program database na dob mardalan i GKPS, bani ari Jumat, 24 Mei 2024, Litbang GKPS borhat hu GKPS Resort Pamatang Purba mangadongkon pelatihan database na ipamasa i GKPS Pamatang Purba.

Pelatihan ipungkah marhitei ibadah na binobahonni Pendeta GKPS Resort Pamatang Purba Pdt. Sanpendawati Purba, janah peserta na roh mandihuti pelatihan on aima Pengurus Resort pakon Pimpinan Majelis Jemaat na hun kuria GKPS Pamatang Purba, GKPS Huta Raja, GKPS Marubun Purba, ampa GKPS Bagot Raja.

Bani hata pamungkah, Kepala Litbang GKPS Pdt. Posma Purba mangkatahon program database aima salah sada program GKPS na ikoordinir Litbang GKPS, janah salah sada hal na penting ibagas Renstra GKPS tahun 2021-2025. Domu hujai Pdt. Posma mangarapkon ase program database on mardalan ibagas na dear horja database, janah porlu keterlibatanni buei pihak, termasuk Sintua, Syamas, ampa parjumatanganan. Bani proses mangisi data na iformat database, salah sada strategini aima marhitei na manisei ronsi mangadongkon perkunjungan.

Sanggah mardalan proses pelatihan, adong sada hal na menarik na pinadasni sahalak bapa hun peserta. Nini sonon, “lang sai iarusi hanami namin in dahkam, tapi anggo sir-sir nasiam mangajari, inunut-nunut hanami pe”. Hal on ma homa na mambahen Pimpinan Majelis Jemaat sa Resort Pamatang Purba lambin semangat maningkatkon kerjasama pakon pangidangion itongah-tongah ni kuria, tarlobih ibagas na memperlengkapi data-data. Database fungsini aima laho mambotoh jumlah na akurat humbani haganup pagori ni kuria, bani haporluan administrasi, sosial, sonai age mangidah keaktifan ni kuria na mandihuti program-program i kuria. Mangidah sonin buei ni haporluanni database on iarapkon Kepala Litbang do ase torus ma terbangun komunikasi haganup pihak, baik Litbang sonai homa PMJ ampa operator na dob ihunjuk PMJ. Humbani data setiap pribadi, keluarga, jemaat, resort, distrik janah haganupan ai ipadas ma hu kantor sinode GKPS.

“Memang domma ongga iadongkon pelatihan database sisonon i tiap Distrik, hansa panorang ai na iontang pitah utusan humbani tiap resort do. Bani parjumpahan panorang ai tontu marbeda-beda do daya tangkap pakon mangarusi materi na ipadas. Sada hal na dear janah porlu do homa on iadongkon i tongah-tongahni resort ase lambin leluasa laho marsungkun janah mardiskusi,” nini Pdt. Posma.

Bani kehadiranni Majelis na mandihuti acara ai hadir do homa salah sada utusan na domma ongga homa mandihuti pelatihan database. Lambin roh bueini ma homa na gabe sipangajari itongah-tongahni tiap kuria na hurang ope mangarusi pasal pengisian database ai.

Na gabe kendala sadokahon laho mangisi database ai aima lape haganup data ai terkumpul janah na mangisi formulir database. Arapanni marhitei pelatihan ai kendala/akar masalah na gati idompakkon i lapangan boi taratasi.

Songon na laho pagolpahon, Kepala Litbang GKPS mangojur ase Majelis ma na gabe garda terdepan laho pasingatkon, patumpuhon data janah ipadas ma ai hubani operator atap na domma itodoh bani pasal pengerjaan ai. (bgs/hks)

Pewarta: Pdt. Mey Saswati Saragih