Admin 
Kunjungan Seksi Bapa GKPS Pancurbatu hu GKPS Tongging
Bani ari Sabtu – Minggu, 15 -16 Juni 2019 borhat do seksi Bapa GKPS Pancurbatu mangadongkon kunjungan hu GKPS Tongging. Malas tumang uhur, janah tarpujima goranni Tuhan, haganup do acara na dob ipersiapkon mardalan ibagas na torsa. Haganupan peserta menikmati acara ai ibagas malas ni uhur irik martarimakasih bani Tuhan.
Domu hubani Time schedule na ibahen panitia, martumpu ma ganup bapa na sihol borhat i lokasi rumah gereja (samping gereja) janah dob ibobahon marhitei tonggo, borhat ma ganup rombongan naik 7 mobil (mobil pribadini sebagian anggota) janah hunjai ma berangkat menuju Tongging. Adong do 38 halak bapa janah 4 halak pemuda.
Pukul 19.30 WIB das ma rombonganni seksi Bapa i Aula GKPS Tongging, ialo-alo janah isambut baik anggota seksi Bapa GKPS Tongging. Lobei mangan riap do ase ipungkah ganup rangkaianni acara. Bani bornginni ai iadongkon do kebaktian malam na binobankonni Sy. Ev.Jonry Purba, STh. Ambilan ibuat humbani 1 Kor. 12:12-31 domu hubani temani kunjungan ai: “Sisada angkula do hita ganupan”. Age pe bbuei ragamni pagori tapi sada pangahapan do ganup halak na porsaya. Age pe buei ragamni angkula in tapi berfungsi do ai untuk saling melengkapi, mangurupi janah saling mendukung bani horja na madear, ima horjani Tuhan.
Dob salosei kebaktian malam ilanjutkon ma use bani acara Kebersamaan (Makrab) antara seksi bapa GKPS Pancurbatu pakon seksi Bapa GKPS Tongging aima marhitei hata sambutan humbani ketua seksi bapa Pancurbatu Kptn. Ramli Saragih, sonai homa ketua seksi bapa Tongging. Acara bornginni ai iuduti bani Games, Barbeque (manggang-manggang), mandoding antar seksi bapa pakon manortor.
Bani acara games, setiap anggota seksi bapa marsitandaan siotikan tolu halak pakon anggota seksi bapa humbani kuria nalegan (seksi bapa Pancurbatu marsitandaan pakon 3 halak seksi bapa Tongging sonai homa seksi bapa Tongging marsitandaan pakon 3 halak seksi bapa Pancurbatu). Pukul 12.00 borngin ma ase salosei acara makrab ai, janah istirahat modom ma ganup rombonganbapa GKPS Pancurbatu i aula GKPS Tonnging.
Pukul 05.00 WIB, Minggu 16 Juni 2019, ipukkahma kegiatan marhitei saat teduh (kebaktian Subuh), ilanjutkon bani acara minum kopi, teh, sarapan pakon menikmati keindahan ciptaan Tuhan, i Danau Toba. Pukul 08.30 WIB piga-piga halak seksi bapa GKPS Pancurbatu mangidangi bani Sikolah Minggu GKPS Tongging, aima Sy. Ev. Jonry Purba, Sy. Sakiben Sinaga, pakon St. Hendra Haloho. Antusias tumang do anak sikolah minggu GKPS Tongging bani kehadiran pakon pelayananni seksi bapa ai.
Pukul 10.30 WIB riap marminggu do ganup rombongan pakon kuria GKPS Tongging janah seksi bapa GKPS Pancur Batu do na mangidangi bani panorang ai. Parambilan: Sy. Ev. Jonry Purba, S.Th, Paragenda: St. J.R. Damanik, Siboan Doding: Sy. Sakiben Sinaga, Parmusik: Agi Ritznu Girsang, Partonggo Syafaat: St. J.D. Sijabat, Singers: Ajen Purba, Juni Jamertuah Purba pakon Sudarto Silalahi, Panggalang: Sy. James Damanik, Sy. Sadarman Damanik pakon St. Jontan Saragih.
Bani kebaktian ai markoor janah mar vocal group do Seksi Bapa GKPS Pancurbatu sonai homa Vokal Group bapa GKPS Tonging. Dob honsi salosei acara kebaktian minggu, seksi bapa GKPS Pancurbatu mambere bingkisan kenang-kenangan hubani GKPS Tongging berupa lukisan perjamuan kudus, sekaligus ma homa parmisi, mambere kesan dan pesan, marphoto riap janah marsisalam-salaman pakon seksi bapa Tongging.
Acara selanjutni aima acara kebersamaan antara seksi bapa Pancurbatu i pantai Danau Toba marhitei marlange-lange, makkail dekke janah mamanggang dekke jair i Pantai Silopak i Paropo. Bani pukul 18.00 WIB salosei ma haganup acara na mambere kesan kebersamaan janah hataridahanni na sisada angkula ibagas Tuhan in. Dob iujungi marhitei tonggo borhat ma ganup rombongan mariring-iringan das use hu GKPS Pancur Batu sekitar pukul 00.30 WIB.
Diatei tupa ma bani Tuhan Naibata na patupahon ganup pardalanan pakon rangkaianni kegiatan ronsi das use i Pancur Batu. Domma inikmati hanami kebersamaan i tongah-tongahni seksi bapa sonai homa pakon kuria GKPS Tongging, ambahni menikmati alam Danau Toba na jenges janah jagiah. Sai lambin sada ma tongon seksi Bapa GKPS Pancur Batu janah tarpuji ma goranni Tuhan Naibata.
Sy. S. Sinaga, Pengurus Seksi Bapa GKPS Pancurbatu
