Renungan Mingguan Seksi Bapa GKPS
Minggu, 12 Oktober 2025 (Minggu 17 dob trinitatis)
Nats : Kejadian 3:1-7
Thema : Menang dalam Pencobaan
Tujuan : Agar kaum bapak memahami bagaimana iblis mencobai manusia, sehingga dapat
Menyusun strategi agar menang melawannya.
Syalom…Horas hubanta haganupan!
Salah sada ciri khas na adong bani goluhni jolma aima merasa tidak puas. Torus do mangkatahon lang sukkup bani goluhni. Adong do memang kata-kata na gati itangar hita aima “jangan cepat puas” on martudu-tudu do ase hita selaku jolma ulang lang adong perjuangan dengan maksud na positif, artini teruslah berjuang bani horja na madear sonai age parlahou. Kata-kata on (jangan cepat puas) ase jolma torus marusaha. Lang ase dearan/jagonan goluni marimbang halak na legan, tapi ase goluhni dearan humbani goluhni na sebelumni.
Halani kalimat “jangan cepat puas” on homa ma na mambahen gati hita taruyun bani goluhta selaku Bapa. Anggo boi namin, goluh on gampang saja songon istilahni lagu timur “ngapain mau repot?”. Ibere banta hagoluhan na dear marhitei niombah na tangi bani podahta do lang sukkup banta, apala boi ma nian na gabe sonon pakon sonai nini uhurta.
Gati do homa hita selaku bapa merasa hurang do torus pambahenanni inang (sinrumahta) banta. Halani lalap bitbitan, lalap manuruh podas mulak hun kodei, lalap marungut-ungut gabe rosuhan mangidah parinangonni halak na lewat i facebook atappe tiktok. Onma salah sada cobaan/parlajouan na borat ai. Inma na adong, aima na ihamalaskon. Halani keluarga aima gereja na etek na ipasu-pasu Tuhan na totap marondos hu Bani.
Merasa puas/merasa cukup bani sibere-bereNi Naibata aima hal na maningun adong bani dirinta, selaku halak na porsaya tarlobih selaku Bapa sipambobai i tongah-tongahni keluarga. Anggo adong hape rasa cukup bani dirinta na menghargai sibere-bereNi Naibata do hita ai. Halani ibotoh Naibata do aha na gabe kebutuhan ronsi aha na gabe kemampuannta.
Hal onma na terjadi bani Adam pakon Hawa, na lang boi mengelola dengan baik pambereNi Naibata bani sidea. Akibatni aha? Akibatni aima madabuh hubagas dousa, janah relasini hubani Naibata gabe maseda.
Hita haganupan Bapa, godaan sai adong do bani goluhta. Godaan aha ma ai? Godaan marhitei materi mangkorjahon horja na lang marpintor, songon judi online, slot, na ianggap hita boi jekpot age pitah hundul-hundul tumang. Nini uhurta ngapain mau repot anggo boi sonai? Modal handphone nini uhurta. Apalagi sonon ma pargoluhan sondahan on, na hu juma hasil na lang manonntu, porini adong pe hasil ni juma, hargani ma lang bersahabat. Lape ope cuaca ekstrim na mengancam suan-suananta.
Bani na parboniaga harga barang ronsi kualitasni lang songon na pas tapi demi uang/kebutuhan, ihorjahon hita do tong. Hubani na i kantor domma buei potongan-potongan na hun atas (meminimalisir) pengeluaran kantor. Ra do itorih hita cara naha ase dong banta. Sukkun-sukkuni tahan do nani hita bani parlajouan ai?
Tahan do hita bani bueni godaan bani rekan kerja na jengesan bahkan lamlaman daripada sinuramahta? Targoda do? Masuk bani pencobaan do atap sonaha? Boi do nani hita monang bani pencobaan ai? Pasti boi carani aima:
1. Menjaga hati, anggo lang ijaga hita paruhuranta ra do timbul sagala hajahaton (Mat. 15:18-19).
2. Manjaga panonggorta (Luk. 11:34).
Ulang rosuhan mangidah na hurang dear.
3. Totap ma jaga hita haporsayaonta.
Lang ongga salah alamat pasu-pasu na ibere hubanta. Porini hurang atap lobih pasu-pasu ai ulang gabe maseda hita. Ulang murah taruyun bani hisap-hisapni daging marhitei godaanni sibolis. Tapi tahan ma ham age au ase monang humbani parlajouan. AMEN.
