Renungan Seksi Bapa
Tanggal 25 Januari 2026
Thema : Tuhan mengenal jalan orang Benar
Tujuan : Agar kaum bapak menyadari pentingnya mendengar dan merenungkan firman Tuhan
Nasiam bapa hinaholongan…
Dong do istilah mangkatahon: “pergaulan mempengaruhi prilaku”. Anggo itulimati hita dong do parsintongni istilah on. Salah sada contoh anggo gati hita margaul pakon sahalak seniman, pasti do homa hita marosuh bani doding age seni na legan, sonai homa anggo margaul hita pakon sahalak na marosuh olah raga pasti do homa lambin marosuh hita bani istilah-istilah olahraga, pakon na legan. Tontu sonai do homa bani goluh siganup ari, anggo margaul hita pakon halak na bujur atap parpintor tontu hita pe gabe halak na bujur atap gabe halak parpintor. Tapi sebalikni anggo marosuh hita margaul pakon halak na jungkat hita pe dobni gabe halak na jungkat do. Aido ase ihatahon bani kitab 1 Korintus 15:33 magou do biak na madear anggo na hombari namasambor. Tentu saja, anggo gai hita mambasa buku-buku halak na hebat misalni Mahatma Gandi, Barack Obama, Martin Luther King Jr. Nelson Mandela, maka pikiran kita akan diisi dengan pemikiran-pemikiran hebat. Pikiranmu dan hidupmu akan ditentukan dari orang-orang yang ada disekitarmu. Itulah diri kita. Anggo sonai berarti ise do hasomanta margaul janah buku-buka na ija do ibasa hita tontu tergantung hita do.
Nasiam hasoman, bani renunganta sahali on, ipangkas renunganta on do sonaha hatuahon atap kebahagiaan na isobut par psalmen on. Tontu anggo isobut martuah hira haganupan do jolma mangkasiholhon ai. Bahkan goran-goran ni jolma pe bahat do mamakaei hata TUAH. Harapan orang tua na mamabehen goran ai ase dapotan tuah ma holi ia. Atap pe bani goluhni dapotan kebahagiaan ma ia. Hansa na gati ianggap hita sumber kebahagiaan atap hatuahon aima tolu H, aima hatuahon, hsangapon pakon hagabeon. Justru on do na mewarnai pardalanan ni goluhta, bahkan domma gabe sada budaya na manggoluh itongah-tongah kehidupanta. Aimase porini pe susah orangtua ipala palai do ase sikolah niombahni, dengan maksud niombah ai holi lang songon orangtua ai be pargoluhanni.
Tapi bani renunganta sahalion ternyata balik do hape kebahagiaan na idunia on na iparlei-lei hita pakon kebahagiaan na itawarhon parpsalmen on. Nini parpsalmen on, kebagiaan atap hatuahon aima anggo ia seng ra mangihutkon riah ni halak parjahat. Baggal tumang do hape pangkorhonni anggo isimbili hita riah ni halak parjahat, lang ra jongjong bani dalan halak pardousa pakon lang hundul bani halak sipanrisai. Tapi titah Jahowa do harosuh ni uhurni, titah aido ipiongkiri arian pakon borngin. Halak na mangkarosuhkon firman Tuhan janah merenungkon arian pakon borngin pasti mempengaruhi pargoluhanni. Pasti do homa boi idaihon hasoman pambahenanni na madear ai bani pardalanan ni goluhni. Halak na marsouh bergaul pakon Tuhan, pasti do mandapotkon malas ni uhur na sejati. Janah lang ipaturut Naibata halak na dohor hubani menderita, porini pe menderita ia pastido lang celaka ibahen Tuhanta in. Aido ase ihatahon halak na martuah goluhni pas songon hayu na sinuan itopi bah mardalan. Porini pe roh logou na maningting ia totap marbuah. Tontu buah on aima pambahenan na boi idaihon hasoman. Berbeda pakon halak parjahat, goluhni sidea songon lapa-lapa atap sekam. Goluhni sidea lang manontu ihabangkon logou hujai hujon. Lang tahan sidea bani ari paruhuman ai.
Nasiam haspman, ibotoh Tuhan do hape dalan na ija ihorjahon hita, halani memang lang ongga tartunduh Jahowa sijaga hita. Dalan na ija do ipilih hita? Apakah jalan yang benar atap rap mardalan pakon halak na jahat? Tontu domma ibotoh hita dalan sidalankononta bani pargoluhanta on. Pilihan ai dong bani pikiranta marsada-sada. Tontu pilihan ai homa dong be do konsekuensini. Anggo idalankon hita titah pakon hata ni Jahowa ijai ma hita isobut halak na berbahagia, tapi anggo irikkon hita dalan parjahat tontu hu hamagouan do hita dobni. Lang ongga ipaksa Naibata hita laho mangirikkonSi, tapi sebagai halak na dob itobus Tuhan Jesus, tontu lang dong alasanta be daoh manadingkon hatani Tuhan Naibata. Halani ai lengkapilah diri kita dengan Firman untuk menjalani kehidupan yang kudus, dan jadikanlah diri kita sebagai alat Tuhan dalam memberkati orang lain. Amin!!!
