Admin 
KUNJUNGAN KASIH DAN PERAYAAN PASKAH KE GKPS TANGKAHAN BARU RESORT MENTENG INDAH – DISTRIK IV
Sadalan hubani Programni Seksi Pemuda GKPS Maranatha bani tahun 2019 aima mangadongkon Kunjungan Kasih Pelayanan 2 hali janah na parlobei aima hu GKPS Tangkahan Baru na ipamasa bani Minggu Quasimodogeniti tanggal 28 April 2019 na ipasada homa pakon perayaan paskah gabungan Pemuda GKPS Maranatha pakon Pemuda GKPS Tangkahan baru.
Bani minggu pukul 7 pagi domma martumpu haganupan i gereja rombongan na sihol berangkat bahatni 52 halak, janah riap berangkat do haganupan menuju Tangkahan Baru. Bani sadarini ai Pemuda GKPS Maranatha do na mangidangi bani Kebaktian Minggu marhiteihonni acara na domma ipersiapkon hun Medan. Na gabe Parambilan aima Pdt. Jaminton Sipayung, S.Th, Paragenda Sy. Janfiterson Saragih, SP, Siboban Doding aima Boy Haloho, SE (Ketua Pemuda Resort), Panggalang, Sijalo Tamu, Singers pakon Pemusik haganup aima hun Pemuda GKPS Maranatha. Kebaktianiadongkon i Lods Desa halani sedang ibagas pembangunan ope gedung gereja GKPS TangkahanBaru. Dear do mardalan Kebaktian bani panorang ai janah dong do homa ibahen Pemuda GKPS Maranatha evangelisasi Pujian Koor bahatni 3 koor bani panorang ibadah sonai homa age Persembahan Vocal Group Pemuda GKPS Tangkahan Baru. Bani ambilan na ipadas ni Bpk Pendeta patugahkon ase marhiteihon ni Kunjungan Kasih Pelayanan Pemuda GKPS Maranatha manohu Kuria GKPS Tangkahan Baru lambin tubuh ma holong pakon hasadaon na toguh i tongah-tongah ni pargoluhanta siganup ari sonai age parsaoran i kuria tarlobih bani goluhni Pemuda siganup ari ase marbuah hubani hadearon.
Dob salosei ibadah ilanjutkon ma bani acara ramah tamah pakon tukar cenderamata na gabe siluah ase adong tandani hasadaon bahwasani sada do Kuria GKPS Maranatha pakon Kuria GKPS Tangkahan Baru janah dob salosei ai ilanjutkon ma bani acara Perayaan Paskah Gabungan Pemuda GKPS Maranatha pakon Pemuda GKPS Tangkahan Baru na marianan i Pantai Tirta Sayum Sabah Sembahe janah mangan riap ijai ma haganupan Pemuda pakon Majelis Jemaat janah dob salosei mangan riap ilanjutkon ma bani Acara Paskah na domma ikonsep pengurus pemuda GKPS Maranatha aima dalam bentuk Ibadah Paskah, Keakraban Pemuda, Sharing bersama, pembagian telur paskah pakon Games Paskah na manambah malas ni uhur bani panorang ai halani tartawa ma haganupan marhiteihon ni games-games na lucu pakon yel-yel kelompok na kreatif na ibahen ni Pemuda.
Dob salosei haganupan acara itutup ma ibagas tonggo janah pukul 18.00 WIB mulak ma haganupan rombongan hu medan ibagas damei, janah sanggah i pardalanan pe malas tumang do homa uhurni pemuda janah tartawa sepanjang jalan halani memang dong do sebagian rombongan na mar mobil pick-up selama 1 ½ jam i pardalanan, ase dong do homa pemuda na sompong mangkatahon “sodap tene anggo sonon, pas songon na i huta in ma pangahap janah taringat use diri sanggah sikolah minggu hinan anggo laho marsayembara naik mobil sonon ma”. Das ma haganupan rombongan i medan pukul 20.00 WIB malam ibagas na sehat janah malas ni uhur. Tarimakasih ma hatahonon nami hubani haganupan Kuria GKPS Tangkahan Baru na domma manjalo hanami ibagas na dear sonai age Pemuda GKPS Tangkahan Baru na domma pasirsirhon haganupan na porlu bani panorang ai bahen hatotorsa ni horja sadari ai ase mardalan ibagas na dear. Sonai homa age hubani Pimpinan Majelis Jemaat na domma mendampingi hanami St. Jasihol Sinaga, SE (Pengantar Jemaat GKPS Maranatha) sonai age Pembimbing Pemuda na totap setia mendukung kegiatan ni Pemuda aima Sy. Mafe Robbi Simanjuntak, MM pakon haganupan Kuria GKPS Maranatha na domma mendukung kegiatan ni Pemuda marhiteihon ni Tonggo sonai age dana. Tarpuji ma Tuhan
Evangelisasi Koor Pemuda GKPS Maranatha di GKPS Tangkahan Baru
KUNJUNGAN KASIH PELAYANAN HU GKPS MARDOSNIUHUR RESORT TIGARUNGGU – DISTRIK III
Foto Bersama Pemuda GKPS Maranatha pakon Pemuda GKPS Mardosniuhur
Bani Program na paduahon aima mangadongkon Kunjungan Kasih Pelayanan hu GKPS Mardosniuhur Resort Tigarunggu na ipamasa bani Ari Sabtu – Minggu (1-2 Juni 2019). Bani kegiatan on ibentuk do na songon Panitia Kunjungan Kasih na laho manghobaskon horja on, na ipilih bani bulan maret na salpu janah langsung do ilantik Pembimbing Pemuda sidea bani Ibadah Partonggoan Pemuda. Na gabe Panitia inti aima, Ketua: Andre Damanik, Wakil Ketua: Frianter Haloho, Sekretaris: Nova Sirait, A.Md, Bendahara: Fitri Siagian, S.Pd, ilengkapi pakon seksi-seksini. Hurang lobih 3 bulan marhorja do panitia na laho mempersiapkon acara on ibagas suka pakon duka, buei do pergumulan na idompakkon ni panitia marhiteihon ni dana, latihan-latihan koor sonai age persiapan acara na domma isusun, tapi totap do marondos hubani Naibata haganupan aha pe pergumulan na idompakkon ni panitia aido ase boi torsa janah dear haganupan mardalan rangkaian kegiatan ni horja on.
Bani ari sabtu tanggal 1 Juni pukul 05.00 WIB pagi domma mulai martumpu pemuda i gereja na laho berangkat menuju Sitalasari – Tigarunggu, janah topat jam 6 berangkat ma rombongan bueni 55 halak menuju Sitalasari via Pematang Siantar janah das ijai pukul 11.00 WIB. Malas do tumang uhur nami halani ijin das hanami siluk do ialo-alo Pemuda GKPS Mardosniuhur i lobeini gereja janah dihut do homa sidea mangangkati barang pakon perlengkapan na iboban hanami; sada hal na luar biasa do on bannami halani awal perkenalan domma taridah hasadaon na dear i tongah-tongah ni pemuda, dob salosei isusun haganupan perlengkapan, mangan siang riap ma haganupan pemuda pakon majelis jemaat janah dob salosei mangan ilanjutkon ma bani acara ibadah pembuka pakon perkenalan sonai age ucapan syukur halani domma das haganupan rombongan ibagas na sehat-sehat. Salosei ibadah pembuka ilanjutkon ma bani acara kebersihan gedung gereja pakon lingkungan gereja halani rumahni Naibata maningon do borsih idahon ase hita pe beribadah nyaman janah ibagas malasni uhur. Dob salosei kebersihan ilanjutkon ma bani acara keakraban marhiteihonni games sonai age kegiatan-kegiatan na manambah keakraban i tongah-tongah ni pemuda. Bani acara on domma taridah kekompakanni pemuda na hun Medan pakon mardosniuhur, taridah do ai marhiteihonni kerjasama pakon kebersamaan setiap kelompok bani games pakon yel yel kreatif pemuda.
Salosei ma acara games pakon keakraban pukul 18.00 WIB janah mulak ma pemuda hu tempat penginapan na dob ipersiapkon i rumah jemaat na ibagi gabe 4 rumah aima na laho bersiap-siap pakon makan malam paima ibadah KPI pukul 20.00 WIB. Pukul 7.30 domma kembali use rombongan pemuda na hun medan hu Gereja aima na laho persiapan Ibadah KPI janah pukul 20.15 ipukkah ma Ibadah KPI, na mangidangi bani panorang ai aima Parambilan : Pdt. K Tomy Purba, S.Th, Paragenda : Sy. Mafe Robbi Simanjuntak,MM (Pembimbing Pemuda), Worship Leader : Saide Saragih, A.Md (Ketua Pemuda GKPS Maranatha), singers, tonggo syafaat, penerima tamu sonai age panggalang Pemuda GKPS Maranatha do haganup na mangidangi, janah Tim Musik na mangidangi bani Ibadah KPI pe homa aima Tim Musik Band na iboban hun GKPS Maranatha bahatni 6 halak riap pakon perlengkapan band pakon sound system iboban do ganup hun Medan. Puji Tuhan bani Ibadah KPI Luar biasa do kehadiran ni Jemaat pakon undangan na roh aima hurang lobih 300 halak, i luar ni Kuria GKPS Mardosniuhur roh do homa undangan aima Pemuda GKPS Tigarunggu, Pemuda GKPS Kampung Baru pakon Pemuda GKPS Bayu Tongah, janah hadir do homa Fulltimer GKPS Resort Tigarunggu bani Ibadah KPI ai aima Pdt Rayon Sinaga pakon Pdt Tantri Saragih. Dear do mardalan ibadah KPI janah penuh dengan sukacita do haganup undangan na roh marhitei doding-doding na ibahen sonai age ambilan na ipadasni Bapak Pendeta na manambah sukacita KPI bani borngin ai, dob salosei ibadah KPI ilanjut ma bani Evangelisasi Koor na ibobanhon Pemuda GKPS Maranatha bahatni 2 Koor janah bani Ibadah Minggu irencanahon 3 Koor pakon ramah-tamah sonai age kata-kata sambutan irik ma homa sekalian menikmati snack malam na dob ipasirsir Pemuda. Na gabe penutup acara bani borngin ai, aima api unggun sonai age Keakraban antara Pemuda GKPS Maranatha pakon Pemuda GKPS Sa-Resort Tigarunggu, janah dob salosei haganup kegiatan mulak ma haganupan bani ianan ni bei.
Bani Ari minggu pagi, mulai ma persiapan haganupan Pemuda laho mangidangi bani Kebaktian Sekolah Minggu Pakon Kebaktian Minggu GKPS Mardosniuhur, sesuai na dob irencanahon Pemuda GKPS Maranatha do haganupan na mangidangi bani Kebaktian Sekolah Minggu janah dear do mardalan kebaktian ai, sanggah laho mulak sidea ibere Pemuda do na songon malas ni uhur bani dakdanak sikolah minggu berupa bingkisan selamat hari minggu hurang lobih ipersiapkon bahatni 200 bingkisan, janah dapotan do haganupan sidea janah malas do uhur ni sidea halani anggo dakdanak ibere siluah mittor do megah pangahap ni sidea, dob salosei Ibadah Sekolah Minggu persiapan ma haganupan Pemuda na laho mangidangi bani Kebaktian Minggu, na mangidangi bani panorang ai aima :
Parambilan: Pdt. Renni H Damanik, M.Si; Paragenda: St. Tiurlina Purba, S.Pd; Sibasa Doding: Boy Haloho, SE; Tonggo Syafaat: St. Japitah Sinaga, SE; Pemusik dan Singers: Tim Musik Band dan Tim Singers GKPS Maranatha (The Voice Maranatha Tim)
Dear do mardalan Ibadah Minggu bani panorang ai, lurlur janah jenges do haganupan mengalir doding, pujian, tonggo, koor, sonai age ambilan na ipadas ni inang Pendeta na begitu luar biasa janah menggugah jemaat na hadir bani panorang ai, tambah do homa malas ni uhur bani ibadah ai marhiteihon ni Persembahan Koor Wanita GKPS Mardosniuhur, Vocal Group Pemuda GKPS Mardosniuhur sonai age Evangelisasi Koor ni Pemuda GKPS Maranatha bahatni 3 Koor na ibobahon bani Panorang Ibadah. Janah luar biasa do homa kehadiran ni jemaat na roh marminggu sanggah panorang ai, hurang lobih 500 halak janah bahat ope na lang dapotan tempat duduk agepe domma ipake ganup kursi na i gedung sekolah minggu, taridah ma memang semangat janah antusias ni kuria na i GKPS Mardosniuhur bani panorang ai ibagas na manjalo hanami rombongan na hun medan. dob salosei ibadah ilanjutkon ma bani acara ramah tamah ronsi pemberian cenderamata na domma iboban hanami sebagai kenang-kenangan bahwasani sada do Kuria GKPS Maranatha pakon Kuria GKPS Mardosniuhur, ase dong homa sidingaton na domma ongga hanami mangidangi hu kuria ai. Janah adong do homa ibahen hanami na songon aksi kasih mambere kaca mata baca hubani orangtua na domma susah mambasa janah hurang lobih 90 halak ma na mamorluhon kaca mata ai.
Tim Paduan Suara Pemuda GKPS Maranatha
Dob salosei haganup kegiatan bani siang ai mangan riap ma haganupan Pemuda sonai age majelis jemaat GKPS Mardosniuhur. Dob salosei mangan siang ilanjutkon ma bani acara penanaman pohon i lingkungan gereja, dob salosei ai ilanjutkon ma bani acara penutup kegiatan sekalian homa kesan pakon pesan bani na domma 2 ari riap markegiatan sonai age riap mangidangi. Salosei haganupan kegiatan itutup ma ibagas tonggo janah paima mulak lang lupa haganupan Pemuda paborsihkon gareja, ase jenges janah borsih homa itadingkon rumah-Ni Naibata. Pukul 17.00 WIB topat mulak ma rombongan haganupan hu Medan ibagas malas ni uhur halani domma dear mardalan haganupan rangkaian kegiatan sonai age pelayanan selama na 2 ari. Singgah do homa rombongan menikmati kuliner di kota Siantar janah das ma haganupan rombongan i Medan jam 23.00 WIB malam ibagas na sehat janah malas ni uhur.
Marhiteihonni AB on ma hanami mangkatahon tarimakasih hubani haganupan na domma mendukung kegiatan ni Pemuda hurang lobih ibagas na 3 bulan persiapan, aima hubani Fulltimer GKPS Resort Medan Selatan, Pimpinan Majelis Jemaat GKPS Maranatha, Pembimbing Pemuda na totap setia mendapingi ronsi mambere solusi hubannami anggo adong masalah Bpk Sy. Mafe Robbi Simanjuntak MM, Majelis Jemaat na domma dihut mendampingi hanami hu GKPS Mardosniuhur, St. Japitah Sinaga SE, St. Tiurlina Purba S.Pd, St. Rosmaria Girsang S.Pd, Sy. Darwin Saragih S.Kom, Sy. Janfiterson Saragih SP, pakon Pembimbing Pemuda. Ihatahon hanami do homa tarimakasih nami hubani haganupan Majelis Jemaat GKPS Maranatha ronsi pengurus sektor na totap setia mendukung hanami Pemuda, tarlobih ma hubani haganupan kuria na domma mandukung hanami ibagas tonggo sonai age dana ase boi dear mardalan horja nami on. Lang lupa homa padason nami tarimakasih nami hubani haganupan Kuria GKPS Mardosniuhur sonai age Pemuda GKPS Mardosniuhur na domma manjalo hanami ibagas na dear sadokah 2 ari hanami mangidangi ijai, hubani Pimpinan Majelis Jemaat sonai age Majelis Jemaat GKPS Mardosniuhur na domma sirsir homa mangajari hanami janah hubani orangtua nami ijai na domma pasirsirhon ianan hubannami laho istirahat sadokah ijai aima Keluarga Sy. Jhon Edi Mansari Damanik, Keluarga Bpk Likben Haloho, Keluarga St. Budiman Purba Tanjung pakon Keluarga Oppung Rudi. Tarimakasih do homa ihatahon hanami hubani Fulltimer GKPS Resort Tigarunggu na domma mambere panorang laho hadir bani panorang ai sonai homa age hubani Pdt. Tomy Purba pakon Pdt. Renni Damanik na domma mangidangi riap pakon hanami selama 2 ari i GKPS Mardosniuhur, Sai Tuhanta ma totap na mamasu-masu hita haganupan janah na mambere hajorgiton homa hubanta, ase lambin ringgas janah semangat ni ma hita ibagas na laho mangidangi pakon mamuji pasangapkon goran-Ni Tuhan in. Tarpuji ma Goran-Ni Tuhan, Tarimakasih ma hubani hita haganupan, sampai bertemu kembali di Kunjungan Kasih Pelayanan tahun depan.
Anggo i Distrik sapuluh adong GKPS Bandar Maruhur
Anggo i Distrik sada adong GKPS Padang Sidempuan
Tarimakasih ma hubani nasiam Kuria GKPS Mardosniuhur
Tuhan Naibata ma totap na mamasu-masu hita haganupan
diateitupa ma bani nasiam
Mantap… Semangat trus buat playanan teman2 pemuda….
Gabe tunas na majenges ma tongon