Pinuji ma goran ni Naibata ta na marsangap anjaha marmulia,halani Idopni Uhur-Ni Bani hari Rabu Tanggal 26 Juni 2019, mardalan do ibagas na dear kegiatan Kunjungan Kasih Seksi sekolah Minggu GKPS Kisaran hu BKM (Bumi Keselamatan Margarita) Marihat.
Kegiatan on ilaksanahon sadalan hubani Program Kerja Seksi Sekolah Minggu GKPS Kisaran 2019 martujuan ase boi patubuhkon ahap holong ampa sisada ahap bani dakdanak Sekolah Minggu. Rombongan Sekolah Minggu riap pakon PMJ, Pembimbing Sekolah Minggu berangkat hun Kisaran pukul 08.20 WIB anjaha das ma pukul 11.10 WIB ibagas na jorgit janah gok malas uhur.
Kegiatan Kunjungan ipungkah marhitei Ibadah pembuka marhitei renungan na ibobanhon Pdt. Henki A. Saragih, STh. Marhitei renungan on iarahkon do haganupan dakdanak (sonai age haganup na martumpu) ase boi membangun cara berpikir na pataridahkon na domma jumpahan hita on bani haluahon na humbani Naibata marhitei pasu-pasu na dob ijalo hita, hansa iporluhon haporsayaon pakon pangarusion laho mangahapkon ai.
Dob salosei Ibadah, riap mangan do haganup rombongan nah un Kisaran riap pakon haganupan keluarga besar BKM Marihat.
Haganupan acara iujungi marhitei penyerahan bingkisan kasih hubani BKM Marihat na iondoskon Pandita, PMJ, Pembimbing SM, Pengurus SM, GSM, perwakilan Sekolah Minggu pakon orang tua. Malas tumang uhur bani parjumpahan ai na pataridahkon na sada janah marsanina do hita ganup ibagas Tuhan in. Sai Tuhanta ma namarsangap bani ganup goluhta. Tarpujima Naibata..
Sy. Abdi MH Purba, S.Pd
(Wakil Ketua Sekolah Minggu GKPS Kisaran)
