Dong tolu pola na hotop muncul bani pargoluhan ni jolma na menggejala bani panorang on, ai ma: hate speech (ujaran kebencian ), hoaks (barita na lape jelas ope hasintonganni) pakon osang-osang (na lang ra mangalah bani parsahapan = gonggongan osang-osang). Keadaan on hotop do itangar hita baik melalui media sosial, sonai homa do age bani perilaku secara langsung i tongah-tongah ni pargoluhan ni masyarakat siganup ari. Hal on tarjadi do homa age i tongah-tongah ni kuria in.
Latar belakang ni pelakuni beragam: mulai humbani dakdanak, remaja, dewasa, kaum berpendidikan rendah, berpendidikan tinggi, kaum masyarakat awam, das hubani kaum terpelajar. Sasaranni boi do tartuju hu pribadi-pribadi, kelompok, lembaga, baik lembaga pamarentah sonai homa lembaga gareja. Tapi na pasti kehadiranni pola na tolu on mangkorhon terjadini gangguan ni keharmonisan ni warga masyarakat/kuria, tarjadi konflik baik sacara vertikal sonai homa secara harisontal.
Bani buei hasoman hate speech, hoaks, pakon osang-osang hotop do ianggap sada sarana na laho mambaritahon/patugahkon ketidakpuasan bani keadaan ampa kebijakan na idalankon pihak pemanggku jabatan atap penguasa. Ibaritahon ma sada keadaan na lape tontu ai ma keadaan na sasintongni na irandu marhitei hata-hata na mangkagigihon (ase mangigi mangidah pribadi ampa kebijakan) na ipadas homa marhitei gonggong ni osang-osang. Anggo domma sonon boi ma ibayanghon hita sonaha hebatni parparah ni situasi ai. Targanggu ma hinadearni parhasomanan, tuduh-menuduh, manorih kambing hitam, membenarhon diri ampa mansalahkon hasoman. Diri mando sintong hasoman lepak ma haganup. Kacau ma, kan !.
Mase hate speech, hoaks, pakon osang-osang on terjadi ? Pasti bangga do hita halani tingkat pendidikan ni kuria in domma tinggi. Domma buei na margelar Sarjana, Magister, sonai homa na menyandang gelar Doktor (S3). Secara khusus bangga do homa hita halani domma buei homa na margelar Magister pakon Doktor i kalangan parhorja ni kuria (Sintua, Syamas, Pandita sonai homa age Penginjil minimal domma berpendidikan strata-1. Tapi lang ope homa haganup idukung pendidikan mental, sikap pakon karakter. Akibatni boi do jumpah hita sada halak pataridahkon pola hidup na lang mencerminhon songon sada halak dan domma manlopusi (tamat) perkuliahan pola pikirni. Halak na terpelajar tontu lang serta merta manjalo pitah sonin sada keadaan atap barita/informasi na roh hubani. Ia pasti do ibagas na menelaah (manulimati) ibagas na dear sada ketidakpuasan bani pardalananni kebijakan na idalankon ni pemimpin, anjaha lang murah terjebak bani pola na ginoran hate speech, hoaks pakon gonggongan osang-osang na patubuhkon parsualsualan na lang mar na dob.
Anggo ipardiatei hitasasintongni kebiasaan pola hate speech, hoaks, pakon osang osang on (lape tarklarifikasi secara benar) muncul hun tongah-tongah ni kaum awam na lang terpelajar do. Hape sondahan on domma taridah das hubani kaum terpelajar. Pola hate speech, hoaks, pakon osang-osang on lang pala sadiha namin pengaruhni mangkorhon konflik anggo on roh ni humbani kaum awam, tapi sebalik ni anggo roh humbani kaum terpelajar ma: humbani sada pemangku jabatan, tokoh masyarakat, tokoh gareja (Sintua, Syamas, Pandita/Penginjil, tokoh public, pasti ma tarjadi konflik, targanggu ma homa hasadaon.
Sonaha do hita mansikapi pola on ? Bani pargoluhan on buei do jumpah hita keadaan na lang boi papuashon uhurta: baik halani kebijakan-kebijakan pakon halani pandalanonkon bani buei aturan lang dear. Satuju do homa hita lang boi haganup horja mardalan na dear. Pasti dong dapot kelemahan-kelemahan ni, lang boi sempurna. Galek do hita. Halani ai pakei hita ma istilahni hita halak simalungun: “Nanget marsisungkunan, asok marsibalosan.” Haganup do hita lang marosuh bani keadaan na lang madear, tapi manat ma hita bani hatani Tuhan Jesus na mangkatahon: “Jaga ma anjaha puho ma, ase ulang masuk hanima hu parlajouan. Hinsah do namin tonduy, tapi galek do anggo daging” (Matius 26:41). Halani ai marsianju-anjuan ma hita, marsiurupan. Bere hita kritik na positif irik mambere jalan keluar. Ulang alergi bani kritik, janah kritik lang itujuhon laho mandabuh uhum (kritik bukanlah menghakimi). Padas hita ma kritikta secara proporsional, hargohon hita ma homa parjumpahan/diskusi. Haganup do hita siparutang. Ingat,,! Hate speech, hoaks pakon marsigonggongan osang-osang pitah mangkorhon hageoron do hansa. Hape hita domma isuruh Tuhanta laho patorsa-torsahon kuria-Ni do. Nini Tuhan Jesus Bani Yohanes 4:35, “Ai lang ihatahon hanima: Ompat bulan nari jumpah ma pariama? Tapi huhatahon ma bannima: Mangkawah ma hanima, tonggor hanima ma juma in, domma gorsing, boi ma sabion.” (Mat. 9:37; Luk. 10:2.)
Salam tahun kemandirian berteologi ma hubanta haganup !
St. Jonner Damanik
Penulis Anggota Sinode Bolon GKPS Resort Sinasih
