IBADAH HARIAN KELUARGA GKPS
Rabu, 4 Maret 2026
I. Bahasa Simalungun
1. Doding Haleluya No. 13:1+3
Sai jolom Ham tangan ku, sai togu au;
Ronsi rotap hosahku, parorot au;
Na dong au ra mardalan, sahalak au
Sai Ham ma ale Tuhan manogu au
Ai anggo hasunsahan, buei do in;
Sonai pe pangahapan, sonang do in
Age golap huidah i tanoh on
torang do marpangidah bai uhurhon.
2. Tonggo
3. Ayat Harian: Daniel 1:8
_”Tapi anggo si Daniel domma iputuskon ibagas uhurni, na so ra ia pabutak dirini marhitei sipanganon ni raja ai ampa marhitei anggur siinumon ai; halani ai ipindohon ma bani kopala ni juak-juak ai, ase ipalopas ia mamantangkon ai, ase ulang butak ia.”_
4. Renungan*
Hita ganupan nahinarga ibagas Tuhanta Jesus Kristus, tontu haganupan do hita sihol mandalani goluh on ibagas hasintongan atap romban humbani rosuhni uhur ni Naibata bani ganup goluhta. Tapi sanggah komit hita mandalankon ai, justru bani panorang ai do homa gati idompakhon hita bageini godaan, tantangan, parlajaouan, na boi namangambati hita konsisten mandalankon hapintoron ai, janah ra do hita terpengaruh bani rosuhni haduniawion. Dob ni gabe lambin daoh ma hita humbani Tuhan.
Halani aima, bani renunganta sadarion ipargogohi do hita marhitei hata-Ni Naibata ase boi hita manlawan godaan ai marhitei na marlajar hita humbani hatotapan ni uhur ni Daniel ampa hasomanni, na mampartahankon haporsayaonni. Halak Kasdim paima nasta on domma manggattih goranni sidea, tapi anggo uhur, parlahou ni Daniel ampakon hasomanni seng targattih sidea. Goran aha pe na sihol ibere bani sidea, anggo haporsayaon ni Daniel ampa hasomanni totap do bani Naibata Jahowa. Bani buei ni godaan na idompakhon sidea na sihol manlawan identitasni, Daniel totap do bani hatotapanni, lang mubah-ubah, lang ra ia pabutakhon diri ni marhitei sipanganan ni raja sonai age anggur na gabe siinumon ni raja ai.
Haputusan ni Daniel on sedo patuduhkon sikap na manlawan, manggila bani raja ai, tapi haputusan on aima humbami uhurni sibagasan. Mabiar do sidea mangankon sipanganan ni raja ai halani adong kemungkinan sipanganan ampa siinumon ai domma parlobei igalangkon bani naibata na legan na isombahni raja Nebukadnezar ai.Dob ai, jelas do ai anggo bani halak Jahudi adong do piga-piga sipanganan na lang boi ipangan sidea.
Kuria ni Tuhan ibagas Jesus Kristus,
Halak Jahudi ibedahon do humbani bangsa-bangsa na legan pasal sipanganon (3 Musa 11:45-46). On ma na ipertahankon Daniel ampa hasomanni ai, aima na so ra ia targoda, butak halani sipanganon ai. Mabiar sidea magoan identitasni sebagai bangsa pinilih ni Naibata janah anggo ipangan sidea ai, tontu ilanggar sidea ma titah ni Naibata. On ma nagabe pangajaran banta sadarion, naija hita sebagai halak na domma itobus Tuhanta Jesus ase ulang be kompromi pakon dosa. Buei do memang tantangan, godaan na boi mambaen hita pagori GKPS taruyun, madabuh hubani dosa. Tapi marhitei nas on ipasingat do hita anggo horja, parlahou na itawarhon banta marlawanan pakon harosuhni Tuhan, maningon boi do hita manulak ai. Maningon boi do hita mangkatahon “lang” bani rosuhni si bolis.
Kuria ni Tuhan, iarahkon do hita ase lambin roh ringgasni ma manjaga diri humbani rayuanni sibolis na menggoda hita manghorjahon dosa. Dakdanak, namaposo, inang, bapa sonai age na lansia harus boi pamateihon ibagas uhurta hisap-hisap ni daging atap harosuhni dunia on, padaohkon diri humbani dosa. Maningon ipasomal-somal hita ma panrajaion diri mulai sondahan on. Maningon boi do hita manulak tawaran na lang iharosuhkon Tuhan in, hansipe mambere kenikmatan. Hagoluhkon ma identitasta ai aima sebagai anak-anak ni Naibata, na lang be jabolon ni dosa tapi domma ipaluah, janah isuruh Tuhanta Jesus do na lao mamboan ambilan na madear in das hubani ujung ni dunia on. Andohar Tuhan na mangurupi hita manggoluh ibagas hapansingon pakon mandalankon pandiloonNi ai. Amen.
5. Doding Haleluya No. 339:1-2
Jesus haposanku, Ham ma hasomanku
Ulang au tarpunjung, seng dong hasomanku
Jesus haposanku, hasomani ahu
Ham ma hasomanku, bai pardalananku
Ham tumang Rajangku, Ham do balosanku
Jalo Ham ma ahu gabe jabolon-Mu
Sai sonang ma ahu ai tangkas ma bangku
Ham tumang Rajangku janah balosanku
6. Tonggo Ham Bapanami
II. Bahasa Indonesia
1. Nyanyian Kidung Jemaat No. 406:1+3
Ya Tuhan, bimbing aku di jalanku,
sehingga ‘ku selalu bersamaMu.
Engganlah ‘ku melangkah setapak pun,
‘pabila Kau tak ada disampingku.
Dan bila tak kurasa kuasaMu,
Engkau senantiasa di sampingku.
Ya Tuhan, bimbing aku di jalanku,
sehingga ‘ku selalu bersamaMu.
2. Doa
3. Ayat Harian: Daniel 1:8
_”Daniel berketetapan untuk tidak menajiskan dirinya dengan santapan raja dan anggur yang biasa diminum raja; dimintanyalah kepada pemimpin pegawai istana itu, supaya ia tak usah menajiskan dirinya.”__
4. Renungan
Saudara-saudari yang terkasih dalam Kristus Yesus, setiap kita tentunya ingin menjalani hidup dengan benar, sesuai dengan kehendak Tuhan dalam hidup sehari-hari. Namun dalam hal pelaksanaanya, kita justru sering berhadapan dengan berbagai godaan, tantangan, halangan, ejekan dari orang lain, dan berbagai pencobaan yang berusaha menggoda kita supaya kita kompromi dan kembali lagi ke kehidupan yang lama dan mengikuti arus dunia ini. Hidup semaunya saja dan tidak menghiraukan apa jalan Tuhan akibat dari godaan duniawi tersebut.
Namun, hari ini kita diingatkan kembali oleh firman Tuhan untuk melawan hal itu, dengan belajar dari keteguhan hati Daniel dan kawan-kawannya kepada Tuhan dan ibadah agamanya. Sebelumnya memang orang Kasdim telah mengubah namanya, tetapi mereka tidak mampu mengubah sifatnya. Nama apa pun yang ingin mereka berikan kepadanya, ia tetap mempertahankan semangat, identitas orang Israel sejati. Di balik banyaknya tangtangan, godaan untuk melakukan berbagai tindakan melawan identitasnya, Daniel tetap berketetapan untuk tidak menajiskan dirinya dengan santapan raja, tidak mau berurusan dengannya, begitu juga dengan anggur yang biasa diminum raja.
Keputusan Daniel ini tidak timbul karena sikap merajuk, kesal, ataupun dorongan untuk melawan, tetapi dari asas hati nurani. Mereka bersikap sangat teliti menyangkut santapan itu, karena itu bisa saja melanggar hukum Allah. Adakalanya makanan yang dihidangkan bagi mereka jelas-jelas dilarang hukum Taurat. Selain itu, mereka mungkin khawatir kalau-kalau makanan itu telah dipersembahkan dahulu sebagai korban untuk berhala, atau diberkati dalam nama allah lain yang disembah raja itu (berhala).
Saudara-saudari yang terkasih, orang Yahudi sangat dibedakan dari bangsa-bangsa lain, salah satunya dalam hal makanan (Im. 11:45-46). Inilah yang dipertahankan oleh Daniel dan kawannya, yakni mereka tidak mau kehilangan martabat sebagai orang Israel sejati, bangsa pilihan Allah.
Inilah yang menjadi pembelajaran bagi kita hari ini, dimana kita sebagai orang yang sudah diselamatkan oleh Yesus Kristus supaya jangan kompromi dengan dosa lagi. Banyak tantangan, godaan yang membuat kita orang Kristen, secara khusus kita warga GKPS menyimpang dari kebenaran bahkan meninggalkan Tuhan. Namun, melalui nas ini diingatkan apabila perintah Allah bertentangan dengan perilaku atau sikap yang tidak baik itu, maka kita harus meninggalkannya. Jemaat GKPS harus lebih patuh kepada ketetapan Allah.
Saudara-saudari di dalam Kristus, Tuhan mengajak kita supaya lebih bersungguh-sungguh lagi dalam menjaga diri dari rayuan untuk berbuat dosa. Alangkah baiknya dan sangat terpuji apabila semua orang, baik anak-anak, kaum muda, kaum ibu maupun kaum ayah, mati terhadap segala kenikmatan badaniah, tidak mendambakannya dan tidak menikmatinya, tetapi menjauhkan diri dari dosa-dosa. Kita harus terus melatih tubuh kita dan menguasainya seluruhnya mulai saat ini. Belajarlah berkata “tidak” pada hal yang tidak disenangi oleh Tuhan, meskipun kelihatannya menarik. Pertahankan dan hidupilah identitas kita sebagai anak-anak Bapa, yang bukan lagi hamba dosa, melainkan diutus oleh Yesus Kristus untuk membawa kabar baik hingga ke ujung zaman. Kiranya Tuhan menolong kita untuk hidup kudus dan melaksanakan panggilanNya. Amin.
5. Nyanyian Kidung Jemaat No. 457:1-2
Ya Tuhan, tiap jam ‘ku memerlukan-Mu,
Engkaulah yang memb’ri sejahtera penuh.
Reff: Setiap jam, ya Tuhan, Dikau kuperlukan;
‘ku datang, Jurus’lamat, berkatilah!
Ya Tuhan, tiap jam dampingi hambaMu;
jikalau Kau dekat, enyah penggodaku.
Reff: Setiap jam, ya Tuhan, Dikau kuperlukan;
‘ku datang, Jurus’lamat, berkatilah!
6. Doa Bapa Kami
_KANTOR SINODE GKPS_
