Teks : 2 Musa 34:8-17
Thema : Tuhan tidak pernah lupa akan janji-Nya
Tujuan : Agar kaum Lansia bias terus merendahkan diri dan menyembah Tuhan dengan setia dalam ketaatan sampai akhir hidup
Horas ma bani nasiam haganupan orang tua nami, salam sehat janah tetap semangat ma hubani nasiam orangtua nami.
Nasiam bapa inang, mungkin ongga do itangar hita istilah na mangkatahon: “kesempatan tidak datng dua kali”. Memang sintong tumang do istilah on. Taringat bani kesempatan memang lang gati roh, pitah sahali do sipata roh bani pardalanan ni goluhta. Tapi bani teksta on kesempatan na ibere Naibata hubani bangsa Israel lang pitah sahali tapi marulak-ulak do. Tontu anggo ibere ma kesempatan na paduahon maningon harga do ai banta lang mungkin isia-siahon be. Halani kesempatan ai memang mahal tumang do halani ibere ope kesempatan padua halihon. Tontu on ma bedani Naibata pakon hita jolma, anggo hita jolma gati do lang mambere kesempatan na paduahon hubani halak na ongga mengecewahon hita, tapi anggo Naibata lang ongga marnabosan mangidah parmulak ni parjahat in.
Halani ai Naibata mamarentahkon Musa ase naik hu Gunung Sinai, na ija Naibata marjanji mambere loh batu, na ija ijai ma Naibata mambere perintah baru na marisi parentah pakon harosuh ni Naibata sidalankonon ni bangsa ai. I dolog ai Musa rap pakon Naibata anjaha ise pe lang adong ijai. Ijai ma ia marpuasa sadokah 40 ari dokahni lang mangan lang minum. Halani ai do Naibata mandilo Musa ase padearhon dua loh batu. Mase isuruh use padearhon loh batu? Halani loh Batu na parlobei ai domma maseda, domma igantih sidea marhitei patung lombu. Halani ai manggila tumang ma Musa. Tontu marhitei ipadear use loh batu paduahon on, lambin taridah ma sonaha holong ni Naibata hubani bangsa-Ni.
Nasiam bapa inang, Loh batu na dob igantih ai, on ma sebagai tanda janji Naibata na dob iperbaharui pakon halak Israel. Naibata marjanji bahwa Ia totap mambahen tanda halongangan hubani bangsa-Ni, janah totap do ia manjaga bangsani humbani parmaraan age bagei-bagei tantangan bani pardalanan ni goluh ni sidea. Tapi Naibata pe mangindo hubani bangsa ai ase totap homa manjolom padan na dob ipadankon ni Naibata hubani sidea. Janah marhitei na jolom sidea bani janji ai Naibata totap manjaga sidea hubani bangsa-bangsa na adong isekitar sidea ai, bangsa Amori, bangsa Kanaan, halak Het, Halak Fersi pakon halak Yebus. Tapi bangsa ai maningon padaohkon diri humbani sisombahan bangsa-bangsa na legan ai. Tontu bani hal on sihol uhurni Naibata ase bangsa ai totap setia janah lang boi bercampur pakon na legan ai. Halani mabiar Naibata bangsa ai murah tumang taruyun bani bangsa-bangsa sekitar sidea. Tontu Naibata melarang bangsa ai bercampur pakon bangsa sekitar, sedo Naibata sihol bangsa on gabe bangsa na lang boi bergaul. Tapi Naibata sihol ase sidea on gabe bangsa na toguh bani identitas sidea, lang manundalhon Tuhan janah totap mardingat ise do paluahkon sidea hun Masir. Anggo sonai bapa inang aha do na gabe renungkononta marhitei teks on:
- Maningon isadari hita do hape paboa Naibata gok ibagas holong do. Anggo hita jolma mungkin sahali dua hali mambahen hasalahan mintor ra do ihakimi hita, janah ra ihatahon hita ehe bokkouni mando songon in ninta. Hape anggo Naibata ualng antara sahali dua hali age marulak-ulak anggo holong Naibata totap do. Tapi porini pe marulak-ulak sifat ni Naibata mangkaholongi hita tontu lang homa iulakkon kesalahan yang sama. Halani mahal do hita itobus.
Lang ongga lupa Naibata bani janji-Ni. Anggo ierungkon hita marhitei teks ta on, aha ma rugini Naibata porini pe lang itobus hita on. Porini huhamagaouan hita on tontu lang rugi Naibata tene. Tapi lang sonai hape Naibata, totap do holongn-Ni hubanta on sonari nari ronsi sadokah ni dokahni. Halani ai nasiam bapa pakon inang atap aha pe na gabe sumber kekuatiranta, lang pala mabiar hita ondoshon ma bani Tuhan. Tapi totap ma homa hita setia ronsi ujung ni goluhta. Amen.
