IBADAH HARIAN KELUARGA GKPS
Selasa, 3 Februari 2026
I. Bahasa Simalungun
1. Doding Haleluya No. 348:1-2
Sauhur sapanriah ma, ganup kuria in.
Marhasadaon na dear, ibagas Tuhan in.
Riap ma hita haganup, mamuji Tuhan rup.
Mardamei marsiurupan, marsihaholongan.
Hasadaon totap toguh bani onjolan in,
ai ma haporsayaonni si sada Tuhan in.
Sada bai pandidion in na hunbai Bapa in,
ai ganup na porsaya da, mamuji Ham Tuhan.
2. Tonggo
3. Ayat Harian: 1 Tessalonika 1:5
_“Ai pangambilankonnami bani Ambilan Na Madear in bani nasiam seng pitah ibagas hata masa ai bani nasiam, tapi homa ibagas hagogohon ampa ibagas Tonduy Na Pansing do, marhasoman atok ni uhur na gok. Ibotoh nasiam do, sonaha marparlahou hanami i tongah-tongah nasiam halani nasiam.”_
4. Renungan: “Tonduy Napansing Napatoguhkon”
Kuria na hinaholongan ni Tuhan.
Anggo marbanggal ma kuria in ibagas haporsayaon janah taridah bani pargoluhanni sidea, tontu gabe sada malas ni uhur do ai hubani juak-juak na ongga ampa na sanggah mangidangi ijai. Sonai ma homa na iahapkon apostel Paulus, gok malas ni uhur mangidah haporsayaon ni kuria Tessalonika na marbanggal bani haporsayaon, usaha ampa pangarapan na lambin toguh ibagas hadirion ni kuria ai.
Ganup ai tarjadi songon na ihatahon ni Paulus, paboa Ambilan Namadear na pinadasni hubani kuria Tessalonika ai sedo pitah ibagas hata tapi homa ibagas hagogohon ni Tonduy Napansing. Sihol ipadas apostel ai paboa ia pakon hasomanni sahorja aima pitah siholang do hansa na ipanalom Naibata laho padaskon barita malas ni uhur ai. Ambahni ai kuasa Tonduy Napansing ma na marhorja na patalupkon sidea padaskon ambilan na madear ai hubani ganup halak. Janah kuasa ni Tonduy Napansing na sarupa homa na marsora bani hadirion ni halak na manangar ase gabe porsaya ia. Songon na ihatahon ni si Paulus, paboa haporsayaon ai tubuh marhitei na manangar hata ni Naibata, aima na pinadas ni sipangajari hubani na niajari.
Bani pangarusion ni Paulus, Ambilan Namadear aima humbani Naibata janah sintong do ai. Hata ai markuasa boi mangubah ganup hauhuron ni halak na manjalo gabe porsaya. Ai do na ihaporsayai Paulus janah homa na dob isaksihon kuria Tessalonika. Ase kuria ai pe mangarusi paboa aha na dob pinadas ni apostel ai hubani sidea aima hasintongan janah marhorja do Tonduy Napansing ijai, jadi ai sedo harosuh ni manisia, laho mansuhuni na porlu bani manisia, dob diidah sidea ai sanggah na rap sidea ijai pakon Paulus. Ganup na madear na dob ijalo kuria sedo bahen haporluan ni apostel ai bani dirini sandiri.
Goluhni Paulus sadokah na riap sidea i Tessalonika aima na gabe bukti sonaha kuasa ni Tonduy Napansing marhorja itongah-tongah ni sidea. Isobutni do paboa goluhni bulat gabe bukti pasal hapintoron ampa integritas selaku juak-juakni Naibata.
Halani ai marhitei nas sadarion, ipaingat do hita ase marsidukungan ma hita juak-juak pakon kuria ase rap marbanggal ibagas haporsayaon. Janah totap homa ihaporsayai hita paboa pangidangionta ai sedo pitah ibagas hata hansa tapi ibagas hagogohon ni Tonduy Napansing na mangurupi juak-juak laho padaskon hasintongan ai janah laho mangurupi kuria laho mangarusi ampa manghagoluhkon hata ai bani ganup goluhni. Ase riap ma hita ganup ipatoguh bani haporsayaonta hubani Tuhan. Janah lambin ihaporsayai hita ma paboa kuasa Tonduy Napansing na patalupkon hita padaskon Ambilan Namadear lintas generasi. Janah patalupkon hita manggoki pandiloonta das hubani ujungni. Ampa Tonduy Napansing na manramotkon hasadaonta ase lambin marbanggal, marbuah janah matoras ibagas Tuhan in. Amen.
5. Doding: Haleluya No. 381:1+4
Ringgas au pararatkon Hata-Ni Tuhan in,
ronsi hasangapon-Ni, ge holong uhurNiin.
Ambilan siharganan, Hata ni Tuhan in,
pasonang paruhuran ampakon Tonduy in.
Tongtong do marmulia barita ni Tuhanta,
sai lambin tarambilan Goranni Tuhan in.
Sai tong marhagogohon, Hata ni Tuhan in,
totap do in manggoluh humbani na hinan
Ai in manogu ahu hubani Bapa in,
ijin ma da igoki malas ni uhurhin
Tongtong do marmulia barita ni Tuhanta,
sai lambin tarambilan Goranni Tuhan in.
6. Tonggo Ham Bapanami
II. Bahasa Indonesia
1. Nyanyian Kidung Jemaat No. 249:1-2
Serikat persaudaraan, berdirilah teguh!
Sempurnakan persatuan di dalam Tuhanmu.
Bersama-sama majulah, dikuatkan iman,
Berdamai, bersejahtera, dengan pengasihan.
Serikatmu tetap teguh di atas Alasan,
yaitu satu Tuhanmu, dan satulah iman,
dan satu juga baptisan dan Bapa satulah,
yang olehmu sekalian dipuji, disembah.
2. Doa
3. Ayat Harian: 1 Tesalonika 1:5
_”Sebab Injil yang kami beritakan bukan disampaikan kepada kamu dengan kata-kata saja, tetapi juga dengan kekuatan oleh Roh Kudus dan dengan suatu kepastian yang kokoh. Memang kamu tahu, bagaimana kami bekerja di antara kamu oleh karena kamu.”_
4. Renungan: “Roh Kudus Meneguhkan”
Jemaat yang terkasih di dalam Tuhan.
Jika jemaat bertumbuh di dalam iman dan terlihat lewat kehidupan mereka, maka itu akan menjadi sukacita bagi para pelayan yang pernah melayani dan sedang melayani di tempat itu. Demikianlah juga perasaan sukacita yang dirasakan oleh Paulus melihat iman jemaat Tesalonika yang bertumbuh terlihat dari iman, usaha dan harapan yang teguh yang dimiliki oleh jemaat itu.
Kemudian lebih lanjut Paulus mengatakan bahwa Injil yang disampaikan kepada jemaat Tesalonika itu tidak hanya sebatas kata-kata tetapi ada kuasa ilahi yakni melalui kekuatan Roh Kudus. Paulus mau menyampaikan bahwa ia sebagai rasul dan teman sekerja yang lainnya hanya perantara saja yang dipakai oleh Allah untuk menyampaikan berita sukacita itu. Kuasa Roh Kuduslah yang bekerja yang memampukan mereka menyampaikan Injil itu kepada banyak orang. Dan kuasa Roh Kudus jugalah yang menggerakkan hati setiap orang yang mendengar sehingga hatinya percaya. Seperti yang Paulus katakan bahwa iman timbul dari pendengaran akan firman Tuhan yakni dari pengajar disampaikan kepada yang diajar.
Dalam pemahaman Paulus, Injil itu berasal dari Allah dan itu adalah kebenaran. Firman itu berkuasa sehingga mengubah setiap orang yang menerima dan percaya. Itu keyakinan penuh Paulus yang juga disaksikan oleh jemaat Tesalonika. Hendaknya jemaat itu juga semakin memahami bahwa apa yang telah disampaikan kepada mereka dan yang telah mereka terima itu adalah pekerjaan Roh Kudus, bukan keinginan manusia dan untuk kepentingan manusia seperti yang telah mereka lihat ketika bersama dengan Paulus. Semua untuk kebaikan jemaat tersebut bukan untuk kepentingan pribadi rasul itu. Hidup rasul Paulus selama berada di Tesalonika adalah bukti yang cukup bagaimana kuasa Allah bekerja di antara mereka. Ia mau mengatakan bahwa hidupnya secara utuh sebagai bukti tentang kejujuran dan integritas sebagai hamba Tuhan.
Melalui nas renungan hari ini, kita diingatkan untuk dapat saling menopang antara pelayan dan jemaat agar dapat bertumbuh di dalam iman. Dengan tetap meyakini bahwa pelayanan kita bukan hanya lewat kata-kata tetapi ada kekuatan Roh Kudus yang memampukan para pelayan untuk menyampaikan kebenaran dan Roh Kudus yang sama juga memampukan para jemaat untuk mengerti dan memahami firman serta menghidupinya. Sehingga kita bersama-sama dikokohkon dalam iman kepada Allah. Kuasa Roh Kudus memampukan kita untuk menyampaikan Injil lintas generasi. Juga Roh Kudus meneguhkan untuk menunaikan panggilan kita dengan setia hingga akhir. Serta Roh Kudus memelihara persekutuan kita untuk dapat sama-sama bertumbuh, berbuah dan matang di dalam Tuhan. Amin.
5. Nyanyian Kidung Jemaat No. 427:1+4
‘Ku suka menuturkan cerita mulia, cerita Tuhan Yesus
dan cinta kasihNya. ‘Ku suka menuturkan cerita yang benar,
penawar hati rindu, pelipur terbesar.
‘Ku suka menuturkan, ‘ku suka memasyurkan cerita
Tuhan Yesus dan cinta kasihNya.
‘Ku suka menuturkan cerita mulia; pun bagi
yang percaya tak hilang indahnya. Dan nanti kunyanyikan
di sorga yang kekal cerita termulia yang lama kukenal.
‘Ku suka menuturkan, ‘ku suka memasyurkan cerita
Tuhan Yesus dan cinta kasihNya.
6. Doa Bapa kami
_KANTOR SINODE GKPS_
