Bani ari Minggu tanggal 21 Juli 2019 skp. 09.30 WITA marianani GKPS persiapan Banjarmasin Provinsi Kalimantan Selatan Resort Kalimantan Tengah diadongkon do Ibadah Minggu sekaligus pamasahon manjalo Tohonan Hasintuaon I (pertama) i GKPS Persiapan Banjarmasin hubani 3 halak Sintua na terpilih periode 2014 – 2019 aima St. Jhon Oberman Sumbayak, S.Sos, St. Judirman Sidauruk, St. Aguslinar Sinaga, S.KM,MM. Bani acara ibadah pakon manjalo Tohonan hasintuaon na mangidangi aima Paragenda: Sy. P. Sinaga, S. Doding : Sy. J.H. Sijabat, SH, Galangan: Sy. O Simanjorang, Tingting: Sy. M. Saragih, Organis: Monita Silalahi, Pemerhati: St. J.R. Saragih, Singers: Inang R. Br Purba dan Inang L. Br Sibarani, Parambilan: Pdt. Jhon Hendrikson Haloho, S.Th,M.A hun Pendeta GKPS Resort Kalimantan Tengah. Dob salosei ibadah ibaen homa acara kebaktian singkat ucapan syukur na dilaksanahon i gereja dipimpin Pdt. Jhon Hendrikson Haloho. Bani ambilan sanggah acara ibadah syukur ai, iondolhon do hubani sintua na domma itabalhon ase lambin pokkut bai tonggo janah marondos bai Naibata bani tugas pakon tanggung jawab pelayanan i kuria on. Salosei ibadah ibaen ma acara adat na somal aima manurduk dayok nabinatur hubani sintua na dob itabalhon, na ipadas Jemaat GKPS Banjarmasin, Ikatan Keluarga Simalungun hun Banjarmasin, Banjarbaru, Pelaihari pakon humbani Keluargani Sintua na dob itabalhon ai na iwakili Opung Aksel Simarmata br. Girsang. Dob ai itoruskon ma acara mangan riap. Dob salosei mangan bersama dilanjuthon acara padas sahap atap ucapan selamat humbani kuria na ibagi tiap-tiap seksi aima seksi Sekolah Minggu, Pemuda, Inang pakon Bapa sonai do homa parhorjani kuria, ilanjutkon hubani pengurus IKS Banjarmasin, Banjarbaru pakon Pelaihari na diwakili Ketua IKS Banjarmasin Bp. E. Sumbayak pakon Ketua IKS Banjarbaru Bp. Binsar Purba. Dob salosei mambere hata hubani ruas ni GKPS Banjarmasin pakon IKS mangappu ma hun sintua na domma itabalhon, padas hata tarimakasih hubani ganup kuria GKPS pakon IKS na hadir bani acara ai. Dob ai ditutup ma bani tonggo na iboanhon Pdt. Jhon Hendrikson Haloho. Sonai ma pardalanni acara manjalo tohonan hasintuaon i GKPS Persiapan Banjarmasin, andohar ma Naibata na mampargogohi haganup sintua na dob itabalhon bani mandalonkan horja pangidangion i pohon anggur ni Tuhan. Horas ma hubanta haganupan.
