Bani ari Senin, 12 Agustus 2019, roh do pengurus Wanita Jemaat GKPS Cikoko hu Rumah RBM na i Bulupange. Side roh laho mangidah pelayanan ni RBM GKPS hubani penyandang disabilitas. Gok ibagas malas ni uhur do parjumpahan ai, marhitei pamujian hubani Naibata pakon mangan riap.
Malas uhur, iboan sidea di siluah ni aima duit Rp 45 juta na ipatumpu seksi wanita jemaat GKPS Cikoko marhitei “celengan diakonia” (dalam rangka tahun diakonia 2018). Ijalo Panitia Pembangunan Rumah RBM do duit on laho manorushon pembangunan Rumah RBM. Andohar saud ma ikeramiki rumah RBM ase ulang marabu be dakdanak na laho marlajar. Ihasomalhon do homa bani tamu na roh ase manuan hayu i lingkungan rumah RBM. Isuan ma hayu mangga na gabe tanda parrohni sidea.
Hanami humbani keluarga besar RBM GKPS mangkatahon tarimakasih banggal hubani nasiam wanita jemaat GKPS Cikoko, andohar boi use pajumpah bani ari-ari na laho roh. Selamat menjadi sahabat RBM. Horas!
Pdt. Edi Jasin Saragih
