BAHAN PA SEKSI BAPA
MINGGU : 19 NOVEMBER 2023 (24 Set. Trinitatis)
NAS : YAKOBUS 1 : 12
Usul Doding : Hal. No.266:1+3
Tema : Bertahan Dalam Pencobaan
Tujuan : Agar kaum Bapa mengimani bahwa kasih dan kuasa Tuhan jauh melampaui segala pencobaan yang kita alami.
MANDOMPAKKON PARUNTOLON IBAGAS HAPORSAYAON
PARLOBEINI
Ganup do jolma mansurahon ase pardalanan ni goluh ni i dunia on daoh humbani paruntolon atap sitaronon. Hansa, faktani seng dong jolma na luput humbani persoalan hidup. Pagantih soluk do tong malasni uhur pakon pusok ni uhur roh mandorap pargoluhanta. Ase, sanggah panorang ibagas na mandompakkon bagei ni parlajouan apa sitaronon, na porlu marianan ibagas uhurta aima tenger ni uhur ampa pangarapan na pitah dompak kuasa ampa idop ni uhur ni Tuhan na lang marnarotop manramotkon goluhta. Halani ai, sikap na tarudu mansalahkon hasoman (tarlobih Tuhan) aima sikap na lang patut jumpah ibagas hadirionta. Porini masa sonai, tontu gabe indikasi konkret do ai pasal haporsayaonta na lape sintong. Ambit tongon do hita marhaporsayaon hubani Tuhan in tontu pos do uhurta seng anjai tadingkononNi hita ibagas sitaronon ampa paruntolon na lang marpunsa tapi tarudo do IA mangurupi ronsi memulihkan pargoluhonta.
HATORANGANNI
Gabe halak Kristen, siirikkon Jesus, bani panorang ijia aima pilihan na sulit halani buei tumang do halak na lang mangkarosuhkon kehadiran ni sidea. Lang pitah humbani lingkungan sekitar, tapi dihut do homa pihak pamarentah/Penguasa mangodoh-odoh halak Kristen na dong panorang ijia. Hinorhon ni situasi on buei do halak na porsaya gabe mabiar laho manaksihon Ambilan na madear in bahkan cenderung mamparnalang Jesus Kristen pitah laho mangayaki zona hidup nyaman. Domu hujon ma Apostel Jakobus paingathon halak na porsaya na ijia ase totap satia manjolom haporsayaon hubani Jesus Kristus agepe maningon mandagei buei sitaronon (bnd. Judulperikop) :”Nasiam sanina, hira nasiam ma in malas ni uhur tumang, anggo madabuh nasiam hubani bagei ni parlajouan..”. Hunjon pe domma tangkas taridah aha na gabe fokus persoalan na sanggah igumuli Apostel Jakobus panorang ai: halak na porsaya na dob mangaku sihol manjalo Jesus Kristus gabe Tuhan janah Sipaluah ternyata maningon mandompakkon buei paruntolon. Realitas on memicu buei reaksi na hurang talup. Reaksi na paling dominan aima mansalahkon Tuhan na ianggap hurang reaktip laho mangapiti irik paluahkon sidea humbani parlajouan. Bani situasi on ma Jakobus roh marayak ganup halak na porsaya panorang ijia laho pajonamhon ajaran hakristenon na sintong, khususni meyangkut sitaronon ampa parlajouan na gati gabe momok bani halak Kristen janah mambahen gagal paham hita pasal idop ni uhur ampa kuasa ni Tuhan Naibata.
Nas renungan on secara spesifik manobut bahasa halak na marsitaronon atap tarlajou halani mangirikkon Jesus janah marsaksi pasal Ambilan na Madear in aima halak na “Martuah”. Tontu anggo sepintas irimang-rimangi hita ra do tarmahol mangauhon ajaran on. Somalni, mangihutkon nalar warasta, na martuah aima jolma na dapotan pasu-pasu, na goluhni igoki malas ni uhur. Contohni; hinadongan lambin marjunjun, usaha atap bisnis bertumbuh, jabatan meningkat, niombah sukses.pnl.. Na menarik ijon:Jakobus manobut Martuah ma halak na tahan bani parlajouan..kata kuncini na sasintongni aima hata: “halak na tahan bani parlajouan”. Intini anggo na igoran parlajouan ganup do jolma maningon mandompakkon ai ibagas goluhni (lang dong na luput). Ase, Jakobus sihol pagolpahon halak na porsaya do ase magasup laho mandompakkon paruntolon ai marhitei haporsayaon na sintong. Meminjam istilah na senang viral nuan on, “melihat pergumulan dengan kaca mata baru”. Tontu on do pangarapan ni Jakobus jumpah ibagas hadirion ni ganup halak na porsaya panorang ijia. Agepe mayoritas kuria ai masih relatif baru gabe halak Kristen tapi totap margogoh mandompakkon ganup parlajouan ampa sitaronon. Bohal na tang siporlunan iabagas na laho mandompakkon paruntolon ai aima haporsayaon ampa tenger ni uhur hubani Tuhan Jesus na dob patalarhon idop ni uhur ampa kuasaNi hubani haganup jolma. Na pasti, nas ta on mambere jaminan bahasa lang soya-soya hasatiaan ni halak na porsaya in halani ipasirsir Tuhan in do sortali hagoluhan sisadokah ni dokahni bani ganup jolma na bujur janah pongkut marhaporsayaon (bnd.Pang. 2:10c).
HAHONAANNI
- Das hubani panorang on,hotop do hita taruyun bani polapikir na lepak pasal na mangirikkon janah mangkaporsayai Tuhan Jesus. Ninuhurta, ango domma gabe halak Kristen jumpah hita ma rumang ni goluh na bebas hambatan, tanpa masalah janah pitah malas ni uhur tumang. Nas Ambilan on sihol mangoreksi pangarusion na lepak pasal konsekuensi mangirikkon Jesus na porlu jonam ibagas hadirionta ganup. Fakta sejarah patuduhkon realitas na bertolak belakang pakon pangarusion ni buei halak bani zaman ni Apostel Jakobus. Mangirikkon Jesus justru sangat berpotensi mambobai goluh ta hubani zona tidak nyaman, buei paruntolon ampa sitaronon. Terkait hujon ma Jakobus sihol mambere panorangion ase lambin tambah haporsayaonta janah lambin tenger uhurta bahasa na markuasa do Tuhan laho mangurupi hita janah paluahkon hita humbani bagei ni paruntolon, khususni paruntolon halani mangambilankon holong ni Tuhan in. Ase,pos ma uhur ni Bapa homa bahasa porini pe buei paruntolonta pribadi lepas pribadi halani na mangambilankon holong ni Tuhan in, itatap Tuhan in do hita ase totap gabe siparmonang.
- Nas Ambilan on manobut bahasa halak na tahan bani parlajouan do na talup mandaihon sortali hagoluhan na dob binagahkon ni Tuhan in. Halani ai, gabe apoh-apoh ma on hubani haganup Bapa ase lambin heja mangambilankon holong ni Tuhan in hansi pe maningon marsitaronon janah mandagei buei paruntolon. Pangkawahta tontu sedo fokus hubani parlajouan ai tapi hubani sortali hagoluhan ai do ase lambin termotivasi hita janah lambin margogoh homa laho pataridahkon buah-buah ni haporsayaon (bnd.Sub tema GKPS tahun 2023). Porini pe borat nuan pangahapmu janah tarpunjung hinorhon ni pilihan manggoluh ibagas hasintongan, maningon tenger do uhurta bahasa ihasomani idop ni uhur ni Tuhan do hita; in do na mambahen mangasup hita gabe saksi ni Kristus na tahan bani parlajouan janah talup manjalo sortali hagoluhan nidokan.
