Woman hands praying for blessing from god on sunset background
PA Bapa, Minggu, 10 Maret 2024 (Letare)
Nas : Markus 14:3-8
Usul Doding : Haleluya No. 299:1-2
Tema : Menyambut Keselamatan
Tujuan : Agar kaum bapak lebih sungguh-sungguh menyambut Kristus
Paima iparsilangkon Tuhan Jesus, adong do sada peristiwa na jenges tumang na iahapkon Tuhan Jesus. Sanggah buei halak na sihol manangkap ronsi mamunuh Jesus, dong pe hape na patuduhkon holongni hubani Jesus. Ia aima sahalak naboru na patuduhkon ekspresi holong pakon penghargaan hubani Jesus.
Peristiwa ai masa i rumah ni si Simon na gadamon hinan ai i Betania. Panorang ai sanggah na laho hundul Jesus laho mangan roh ma naboru ai mamboan sada botol , na marisi minak nardus na maharga, na so maragu. Bani nas on ipatorang do bahasa ibolahkon naboru ai do botol ni minak nardus ai, iuseihon ma minak ai bani uluni Jesus. Ijon hata na ipakei aima “iuseihon” lang isapuhon atap iteteskon. Padahal minak ai arga ni kira-kira 30 juta rupiah (upah harian bani panorang ai sada dinar kira-kira 100 ribu rupiah). Tindakan ai mandapot respon negatif humbani simbuei. Isobut: “Mase ma iparsoya-soya minak in?” sanggah na iuseihon naboru ai minak na sonai mahal ni ai, ianggap sidea do ai sebagai bentuk “pemborosan” na ija sarupa pakon buang-buang uang untuk sesuatu yang tidak berharga. Janah isobut do homa: “Jadi igilai sidea ma naboru ai”. Alasan ni sidea mangkatahon ai sebagai bentuk pemborosan, porini ijual ma minak ai, dapotma lobih 300 dinar, janah lebih marguna ma ai anggo ipakei laho mangidopi na masombuh. Ra sekilas masuk akal do nasinobut ni sidea ai. Tapi, irik hujai ipatorang Jesus do bahasa maningon paturuton do naboru ai. Jesus manobut: “Na dear do na binahenni ni Bangku”. Janah nini Jesus do homa: “Ai tongtong do adong na masombuh i tongah-tongahnima, anjaha sadihari marosuh hanima, boi do bahenonnima na madear bani sidea, tapi anggo Ahu seng tongtong rap pakon hanima”. Mangidopi na masombuh boi do ihorjahon ai age antigan pe, halani dong do torus na masombuh. Sedo laho manlarang mangurupi na masombuh, janah harga do homa namasombuh bani Jesus. Domma ipatuduhkon Jesus ai sadokah pangidangion-Ni. Tapi, patuduhkon holong hubani Jesus bani panorang ai tarbatas do waktuni. Halani lang piga dokah nari iparsilangkon ma Jesus. Halani ai taridah do humbani nas on bahasa holong na tubuh humbani uhur na borsih mandorong sasahak laho manggalangkon sidearan, lang hitung untung rugi. Horja ni naboru ai mangajari hita bahasa borsih ni uhur aima daya dorong banta laho mangidangi Tuhan sadear-dearni janah semaksimal mungkin halani tarbatas do panorang banta laho mangidangi Tuhan. Tingki dong ope panorang laho mangidangi Tuhan, marhitei pangidangion i kuria in atap aha pe bentuk ni ai, mangidangi keluarga pakon pangidangion-pangidangion na legan, horjahon hita ma ai ganup humbani borsih ni uhurta, ai dong do holi panorang ni lang boi be hita marpambahenan atap aha pe. Mangidangi Tuhan aima salah sada bentuk hataridahanni bahasa hita menyambut haluahon na binobanni Tuhan Jesus.
Jesus Kristus roh hu dunia on laho paluahkon dunia on tarmasuk ma ai paluahkon bapa GKPS humbani hamagouan. Seng adong na dapotan haluahon anggo lang ibagas Jesus Kristus na dob mambere diri-Ni matei iparsilangkon. Bapa na domma manjalo haluahon aima bapa na manjalo Jesus Kristus ibagas uhurni janah pataridahkon horja na madear bani goluhni. Bapa iojur marhitei nas on ase gabe bapa na lang hitung-hitungan bani na mangidangi kuria, keluarga ampa hasoman jolma. Jesus Kristus ma na gabe guru janah sitiruon bani bapa pasal pengorbanan. Jesus ibere do diri-Ni gabe tobus ni jolma. Lang hitung-hitungan Jesus bani na mambere diri-Ni, hosah-Ni pe ibere do. Jesus ma bahen ham gabe panutan mu bani na mandalani goluh janah manghorjahon perananmu sebagai bapa, ase margogoh ham. Amen.
