Minggu 29 Oktober 2023 (21 Set. Trinitatis)
Nas : Ibrani 12:12-17
Doding : Haleluya No. 115:1-2
Tema : Hidup damai dengan semua orang
Tujuan : Agar kaum bapa hidup damai dengan semua orang
DAMEI MA BAMU, DAMEI MA BANTA GANUPAN
Tim Penulis
Horas ma hubanta haganupan bapa, adong sada kata mutiara humbani sada teolog na margoran J. Ligon Duncan mangkatahon sonon “perjalanan hidup orang Kristen dalam dunia ini bukanlah perjalanan yang menyendiri, walaupun kadang-kadang kita merasa sendirian dalam perjalanan itu, tapi sesungguhnya perjalanan kita tidak pernah sendirian, karena kita tidak pernah bisa melanjutkan perjalanan kehidupan Kristen tanpa saling mendukung, karena itu kita semua membutuhkan orang lain untuk menguatkan iman kita yang lemah. Hata on mangkatahon paboa goluh ni halak Kristen lang goluh na individulis tapi sobalikni aima goluh sosial na saling berhubungan pakon tergantung hubani halak na legan.
Halani aido, ase ciri khas goluh Kristen aima goluh na saling mendukung pakon solider hubani halak na legan. Fakta sejarah membuktihon paboa halak Kristen boi totap eksis agepe sanggah mandompakkon buei ni pangarsik-arsikon aima halani adong sikap saling marsiurupan bani sidea. Janah bani teks on pe suruhan ai totap do ipagolpa panurat Heber hubani kuria panorang ai ase totap pagostongkon tangan na galek anjaha patotapkon towod na hitir-hitir. Tontu tujuan ni on aima ase sidea sanggah mandompakkon sitaronon na borat ulang mundur janah menyerah, tapi totap margogoh. Taridah do ijon pesan na bagas agepe riap do marsitaronon tapi lang isuruh mamingkirhon dirini bei, tapi sebalikni ningon sari do hubani halak na legan. Somalni anggo goluh dunia on sanggah mangalami sitaronon pasti do mamakei jurus selamatkan diri masing-masing. Anggo sonon pitah na gogoh mando na selamat, na galek lalab ma lambin galek.
Leon Morris mangkatahon halak Kristen sanggah mandompakkon sitaronon usih songon ibagas sada pardalanan, anggo adong halak na repat, halak na gogoh ma mangurupi sidea ase pardalanan ai boi itoruskon, dasarni aima halak Kristen rahut “tarikat” do antara na sada pakon na legan, songon sada badan, anggo tangan boritan dihut do angkula na legan manaron halani ai porlu marsiurupan ase boi idompakon haganupan na masa.
Dobkonsi ai isuruh do ase halak Kristen papintorkon dalan sidalanan ni sidea ase ulang puhei dalan ni na repat. Suruhan on mangkatahon paboa halak Kristen in maningon sirsir do papintorkon dalan sidalananni naheini artini goluhni pe maningon mardalanan ibagas na pintor ase halak na mardalan ijin seng madabuh ibagas dalan na salah. Jadi selaku halak na porsaya pe maningon totap ma ibagas dalan na pintor ase na mangirikkon pe ulang kahou. Halani anggo sipambobai pe domma kahou na mangihutkon pe boi gabe kahou janah magou.
Dobkonsi ai suruhan na satorusni aima maningon ihorjahon halak na porsaya do mardamei hubani haganupan halak (ay. 14). Mardamei lang pitah hubani sada golongan tumang, sa marga, sa huta, sa arisan, sa suku, pakon sa agama, tapi hubani haganupan do, halani defenisi damei bani mangihutkon ajaran Kristus lang sompit tapi bagas janah bolag do maknani aima mardamei hubani haganupan halak. Janah, ase adong damei halak Kristen maningon sirsir do mambangun relasi pakon haganupan halak, termasuk ma hubani halak na mamusuhi hita, halani aima identitas murid na sejati na domma ipodahkon Tuhan Jesus. Haholongi hanima ma musuh nima, anjaha tonggohon hanima ma halak na marburu hanima (Mat. 5:44). Sirsir ma mangkaholongi haganupan halak lang sitonggor jumbak, sirsir mengampuni halak na marsalah, janah sirsir ma homa martoruh ni uhur, tolu hata on ma gabe kunci ase tercipta damei i tongah-tongah ni goluh on. Anggo lang adong holong, pengampunan, pakon toruh ni uhur lang adong damei, porini pe dong damei lang sintong ai damei.
Halani ai bapa anggo mahol do ham laho mangkaholongi, mangampuni, martoruh ni uhur mahol do homa terjadi damei. Sahalak bapa berperan utama do mamboan damei ibagas rumah tangga, halani ai maningon do gabe bapa na sirsir mambon kata kunci on ibagas rumah tangga ni. Ulang holi hu luar songon na jago hita mangkampanyeihon damei sejahtera hape ibagas rumah tanggta sandiri pe lang adong damei, parinangon pakon niombah mabiar do mangidah bapa halani bapa sering gabe pelaku kekerasan. Dobkonsi ai ulang adong na liah bani idop ni uhur ni Naibata ase ulang martumbor urat na paet. Anggo bani bahasa Indonesia ihatahon sonon “Jagalah supaya jangan ada seorang pun menjauhkan diri dari kasih karunia Allah agar jangan tumbuh akar yang pahit”. Artini ai maningon totap ma hita manggoluh ibagas idop ni uhur on ase ulang irajai hisap-hisap ni daging uhurta on gabe urah adong domdom, uhur paet pakon na legan.
Ulang adong homa gabe halak sipariah-riah songon si Esau na ra manjual hakni sikahanan.
Artini on gabe bapa na marintegritas ma, ulang ra ma “manjual diri” demi keuntungan sesaat, sanggah masa-sama Pileg/Pilpres. Dong do halak na sai tergoda manjalo “serangan fajar” manjual diri demi duit hape akibatni itarongkon ma kepemimpinan na tidak adil (korup). Halani ai totap ma gabe bapa na marintegritas, janah boan hita ma uhur damei ai hujape ase riap totap adong damei. Amen
