PENDAMPINGAN PASTORAL KEPADA PASUTRI YANG BERMASALAH

PARLOBEINI

Somalni, paima manjalo pasu-pasu parumahtanggaon adong do tahapan martunangan. Bani tahapan on ma sasintongni dalahi pakon naboru marlajar pasal hajongjongan tunanganni ase boi das ibuat haputusan lanjut das na membentuk rumah tangga atap lang. Proses martunangan ma na tang sipentingan halani ijai do boi ipergumulkan hasirsironta sihol rap atap lang. Ase ulang dong muncul buei parsoalan antara bapa pakon inang ibagas rumah tangga, halani GKPS memiliki prinsip aima lang boi sirang anggo lang halani hamatean (Mat 19: 4–6).

Gabe borat do mandalani rumah tangga anggo buei ope na lang ipatalar sanggah panorang martunangan. Contohni, panorang martunangan dear ganupan hape dob manjalo pasu-pasu marhajabuan baru na botoh parjudi, mabuk do hape pargotongni, atap dob manjalo pasu pasu marhajabuan baru tarbotoh na gok tumang do hape utang ni. Tontu on memunculkan persoalan bani mungkahni parumahtanggaon.

Ongga sahalak Korea mangkatahon sonon “Anggo bannami panorang martunangan do hanami berjuangan mengenal tunangan nami pasal kelebihan pakon hahurangan ni tarlobih, janah panorang martunangan aima hanami bergumul ra atap lang marhitei membentuk rumah tangga, ase anggo ma manjalo pasu-pasu marhajabuan, jarang do adong partinggilan halani domma dear panandaan nami na dua.”  On ma na gati lang serius ipardiatei bani panorang martunangan ase dob manjalo pasu-pasu marhajabuan, ijai ma ipungkah panandaion bani pasangan, halani ai gati do timbul konflik bani rumah tangga.

NAHA DO HATANI NAIBATA BANI PARRUMHATANGGAON NI HALAK KRISTEN?

“… lang bulih sirang anggo lang halani hamateian.” On padanta hu bani Naibata bani na marhajabuan. Anggo sonai naha ma anggo adong konflik, gati bani rumah tangga ni halak Kristen (baca rumah tangga GKPS)? Dong do na mangkatahon maningon patuh do bani pargotong halani ia do pemimpin bani rumaha tangga. Anggo on do prinsip na ipakei hita ibagas rumah tanggata bei, ra do terjadi kekerasan bani rumah tangga halani maningon sipargotong do siihutkonon, agepe lepak pambahenanni. Sonai homa sebalikni maningon inang do sitangihonon halani ia do na horja. Tongon do on? Ise do sasintongni sitangihonta?

Ihaporsayai hita do bahasa bani halak na porsaya “lang adong na kebetulan” ganupan ibotoh janah ihadearhon Tuhan, na artini ai ibere Tuhan do “kebebasan” banta laho memilih janah memutuskan sesuatu khususni na gabe pasangan ni goluhta. Halani ai anggo domma manjalo pasu-pasu marhajabuan maningon sirsir do hita manjalo na roh banta.

Bahat do pergumulan na terjadi bani rumah tangga ni halak Kristen (baca: GKPS). Secara umum memang na juppahi do inang na bergumul masalah rumah tangga tarlobih masalah pargotongni. Anggo on na terjadi, songon na tarsurat bani surat 1 Petrus 3:1–3 “…anggo ididah sidea nasiam marparlahou ibagas hasusion ampa biar dompak Naibata.” Surat 1 Petrus on mangidah dong do pargotong na lang pambalosi bani Hata in (hata ni Naibata) na gati taridah marhitei na lang parduli bani keluarga ase bueian do panorangni marjudi, minum i kodei marimbang bani keluarga, pakon na leganni. Halani ai ijon banggal tumang do peranni parinangon na laho pamonangkon pargotongni marhitei “mangkagoluhkon jolma parbagas na ponop ai, na tongtong martonduy in lambin lamlam anjaha mardamei, ai ma na harga I lobeini Naibata” (1 Petrus 3:4), gabe tertarik uhurni pargotong marhaporsayaon marhitei parlahou ni paringangon, seng pala marhasoman hata (1 Petrus 3:1c). Peranan sada inang na banggal bani na padearhon hubungan suami istri na bermasalah. Tapi memang lang ganup homa parinangon ra mangkorjahon si sonon. Tapi panurat 1 Petrus on mambere sada pilihan bani parinangon anggo memang adong pergumulan domu bani parlahou pargotong na hurang dear.

AHA DO NA PORLU SIBAHENON NI SUAMI ISTRI BANI RUMAH TANGGANI?

Anggo doma manjalo pasu-pasu marhajabuan tontu tujuanni aima ase pasangapkon Naibata marhitei goluh siganup ari, songon na tarsurat bani surat Kolose 3:17 : ”Anjaha sagala horja nasiam marhitei hata, atap pambahenan, horjahon nasiam ma haganup in ibagas goran-Ni Tuhan Jesus, anjaha martarimakasih bani Naibata Bapa in marhiteihon-Si” Adong piga piga makna domu bani ayat on aima na parlobei, anjaha sagala horja nasiam na mararti do ai dob manjalo pasu-pasu parrumahtanggaon maningon jujur, terbuka pasal aha pe ase boi adong panriahan na dear domu bani rosuhni Naibata. Napaduahon, marhitei hata atap pambehenan artini ai komunikasi harus selalu dibangun dalam segala hal sonai age aha pe nasihol sibahenon maningon ibagas panriahan na dear. Napatoluhon, horjahon haganup in ibagas Goran-Ni Tuhan Jesus, anggo ihatahon ibagas goran ni Tuhan Jesus na mararti do ai maningon rosuhni Tuhan Jesus do na gabe rosuhni bapa pakon inang ibagas rumah tanggani bei, janah anggo dong na lepak bani rumah tangga maningon do na hurang atap na salah ai iboan gabe pengakuan i lobei ni Jesus ase dapotan hasasapan ni dosa janah berjuang laho mangambukkon na hurang ai. Na paompatkon, anggo tiap bapa pakon inang bani rumah tangga ni bei mangindahi rosuh ni Tuhan Jesus, rap mangindahi, pasti do gabe rumah tangga na dear halani Kristus do ulu janah pasti do rosuhni Kristus mamboan hadearan bani tiap keluarga. Ambit pe dong pergumulan, justru ai do mambahen hubungan suami istri roh orodni janah rap bertumbuh ibagas Tuhan in, na padearhon ganup keluarga.

PERAN GEREJA

Aha do na boi iupayahon gareja (baca GKPS) laho mendampingi ase memperkecil konflik janah boi mengelola konflik bani parrumahtanggaon?

• Bani seksi namaposo maningon do adong program pembinaan sonaha do martunangan na boi mamboan pemuda pangkei bani mangindahi pasangan hidup
• Maningon adong do konseling pastoral pra-nikah
• Maningon adong pembinaan bani rumah tangga na bayu das marumur 10 tahun
• Gareja membuka ruang konseling pasutri

RIMPUNNI

Boi do ibahen hita sada kesimpulan bahasa ketidakhadiran kuasa Tuhan bani keluarga aido mungkah ni persoalan bani keluargata bei, anggo bapa pakon inang rap mangindahi rosuhni Tuhan Jesus gabe marbanggal ibagas Tuhan janah damei do na masa i tongah tongah keluargata bei. Amin. (bgs/hks)

Pdt. Nirmala Sinaga (GKPS Resort Siantar I)