RENUNGAN MINGGUAN BAPA GKPS, 11 MEI 2025 (JUBILATE)
Nas : 2 Tawarikh 5:2-14
Doding : Haleluya No.471:1-5 “Napansing Napansing, do Ham Naibatanami”
Tema : Bahwa Selamanya Untuk Selama-lamanya Kasih Setia Tuhan.
Tujuan : Agar kaum Bapa mengimani bahwa kasih setia Tuhan itu tetap sampai
selama-lamanya.
HASATIAAN IBAGAS PARSAORAN PAKON-SI
Warga Seksi Bapa hinaholonganni Tuhan
Doding “Mardua Holong” gabe populer, halani syair doding ai padaskon aha na ialami janah aha na iahapkon sipanurat doding ai. Salah sada bagianni syairni aima “Tarsongon bunga naung malos di ladang i, songoni ma rohakki nunga malala. Dang hurimpu songoni, dibahen ho holonghi gabe meam-meammu”, pataridahkon kekecewaanni sasahalak na gabe korban ketidaksetiaan humbani halak na hinaholonganni. Hita haganupan, hasatiaan, aima sada hata na memang iharosuhkon sasahalak, janah sada situasi na sihol jaloonni humbani halak na legan. Sahalak bapa, marosuh do anggo setia parinongonni, sonai homa sebalikni, sahalak inang, marosuh anggo satia pargotongni, sonai homa hubani niombah, tambah ma malas ni uhurni namatoras, anggo niombahni satia bani na mandalankon podah na niondoskonni hubani niombahni ai. Tapi sebalikni, lang adong sada halak pe na marosuh anggo na hinaholonganni, lang setia, atap mardua uhur humbani. Halani memang sonai do hal na normal na secara alami iharosuhkon haganupan halak. Sikap hasatiaan ai do homa na sihol idahonta humbani Tuhan Naibata bani momen Pamongkoton Rumah Panumbahan ai. Manaili hubani idop ni uhur ni Naibata, hasatiaanni Tuhan Naibata hubani bangsaNiin, ai do na gabe onjolan hubani bangsa in, laho mamuji ampa martarima kasih hubani Tuhan Jahowa bani panorang pamongkoton ai. Aha janah sonaha do proses pamongkotan ai?
Hita haganupan kuriani Tuhan
Nas ta on aima marlatar belakang janah fokus hubani pamongkoton Rumah Panumbahan, na pinadearni Salomo, na masa bani panorang hari raya di bulan ketujuh, aima bani masa perayaan Pondok Daun (Sukkot), yang merupakan festival besar dalam kalender Yahudi, na bani proses ai, ibahen do homa sada proses mamboan poti parpadanan hun Sion hu Rumah Panumbahan na i Jerusalem, janah mamboan Poti Parpadanan ai hubani ianani, aima ianan na pansing sahalian. (ay.2- 5,7 laho mamboan tangkog poti parpadanan ni Jahowa hun huta ni si Daud, ai ma Sion. Jadi martumpu ma hu lobei ni raja ai sagala dalahi i Israel bani ari pesta na bani bulan pitu. Jadi dob roh ganup pangintuai ni Israel, iangkat halak Levi ma poti parpadanan ai, iboan sidea ma poti ai tangkog pakon lampolampo partumpuan ai ampa ganup parugas na mapansing, na i lampolampo ai hinan. Iusung malim ampa halak Levi ma ai tangkog.Jadi das ma iboan malim ai poti parpadanan ni Jahowa hubani iananni, hubagas kamar parpudi ni rumah panumbahan ai, ai ma hubagas kamar na pansing sahalian ai, hu toruh ni habong ni Herub na dua ai). Menarik do ididah hita prosesni on, bahasa proses Pembangunan Rumah Panumbahan ai sonai age perpindahan Poti Parpadanan ai sebagai momen sakral do ai hubani bangsa Israel. Ipungkah humbani Daud na patumpuhan bahan-bahan na sihol pakeian laho membangun rumah Panumbahan ai, ilanjutkon Salomo bani na pasaloseihon Rumah Panumbahan in. Dobhonsi salosei Rumah Panumbahan in, ipapindah do Poti Parpadanan ai, halani keyakinanni bangsa in, bahasa Poti Parpadanan aima simbol kehadiranni Tuhan Naibata itongah-tongahni bangsaNiin, janah Rumah Panumbahan aima ianan parjumpahan bangsa in pakon Tuhan Naibata. Halani ai do ase ipapindah Poti Parpadanan in hun Sion hu Jerusalem, halani ijai do pusat peribadahan bangsa in. Lalu sonaha do proses perpindahan Poti Pardanana ai? Martumpu ma hu lobei ni raja ai sagala dalahi i Israel bani ari pesta na bani bulan pitu. Jadi dob roh ganup pangintuai ni Israel, iangkat halak Levi ma poti parpadanan ai, iboan ma ai hubani ianan na pansing sahalian, ianan na lang haganup halak boi masuk hujai, janah sanggah mamboan ai hubani iananni, mamuji martarima kasih do haganupan halak bani ianan ai. Seng adong atap aha ibagas poti ai, sobali na dua batu panuratan ai, na ninahkon ni si Musa hujai sanggah i Horeb, sanggah na marpadan Jahowa hubani halak Israel, sanggah na luar sidea hun tanoh Masir. Peristiwa na menarik na mangihut bani momen ai aima: Anjaha sanggah na manompul tarompit ampa na mandoding ai sidea, songon sada sora do ai bogeion, laho mamuji ampa mangkatahon tarima kasih bani Jahowa; anjaha sanggah na tarbogei doding ai, marhasoman tarompit, arbap pakon parsora na laingan na legan, bahen puji-pujian bani Jahowa, “Ai pardear layak do Ia, ai ronsi sadokah ni dokahni do idop ni uhur-Ni, jadi gok ma Rumah ni Jahowa ai ibahen hombun, gabe seng be tahan malim ai jongjong marugas ibahen hombun ai; ai hamuliaon ni Jahowa do manggoki Rumah ni Naibata. Hita haganupan, kehadiran hombun na manggoki Rumah Panumbahan ai, bermakna bahasa sirsir do Tuhan Naibata hadir bani ianan ai, i tongah-tongah bangsaNiin. Janah on tontu merupahon sada panorang laho mardingat bahasa bani pardalananni sidea i halimisan, sanggah luar sidea hun Masir laho menuju hu tanoh bagah-bagah in, sirsir do Tuhan Naibata hadir itongah-tongahni bangsaNiin. Ihasomani, iramotkon, janah iparmudu-mudu Tuhan Naibata do sidea bani pardalananni sidea. Janah bani konteks Pamongkoton Rumah Panumbahan on, hombun gabe tanda bahasa Naibata manjalo Rumah Panumbahan ai, gabe ianan-Ni, janah hadir itongah-tongahni bangsaNiin. (Hal ini juga mengingatkan bangsa itu pada awan yang memimpin umat Israel di padang gurun dan turun di Gunung Sinai). Doding ampa tarimakasih na idodingkon bangsa in, maronjolan bani idop ni uhur ni Tuhan Naibata sonai age hasatiaanNi hubani bangsaNiin. Idai janah iahapkon bangsa in do hasatianni Tuhan Naibata na mambahen sidea mamuji, janah mandodingkon tarima kasihni sidea hubani Tuhan Naibata.
Hita haganupan warga seksi bapa na hinaholonganni Tuhan Jesus Kristus
Songon doding “Mardua Holong” ai, tontu lang adong sada halak pe na marosuh bani sikap ketidaksetiaan na ipataridahkon marhitei na mardua holong songon na nidokan. Marhitei renungan mingguan minggu on, lambin takkas ma hubanta idop ni uhur ampa hasatiaanNi Tuhan Naibata bani bangsaNiin. Hasatiaan ampa idop ni uhur na lang ongga pudar, pori sipata hita ongga do homa lang setia huBani. Hasatiaan ampa idop ni uhur na berlaku kekal ronsi sadokah ni dokahni, agepe sipata marpangkolangi do hasatiaanta huBani. Humbani bageini pengalaman ampa kisah pargoluhanta, tontu domma idai hita hasatiaanni Tuhan Naibata in. Ai ma homa na gabe onjolan hubanta laho pataridahkon pamujion ampa tarima kasihta huBani. Sonaha hita pataridahkon ai? Marhitei totap hita manjaga relasi ampa parsaoranta huBani, bani ibadah-ibadahta. Anggo Salomo mamboban galangan biri-biri ampa lombu, anggo hita uhur ampa goluhta ma galanganta huBani. Bani galangan na borsih janah tulus, marosuh do Tuhan Naibata, halani ai boan hita ma uhurta huBani. Anggo idaihon hita holong na tongon humbani Tuhan in, tontu hita pe mencoba ma ulang mardua holong humBani, tapi ibagas hasatiaan ma hita tongtong beribadah huBani. Amen.
