RENUNGAN MINGGUAN BAPA GKPS, 6 APRIL 2025 (JUDIKA)
Nas : Yohanes 10:1-18
Doding : Haleluya No. 118:1-2
Tema : Menggembalakan Keluarga di Dalam Tuhan
Tujuan : Agar kaum Bapa memahami tugasnya sebagai gembala di tengah-tengah keluarga, di bawah kepemimpinan Gembala Agung, yaitu Yesus Kristus.
IPARMAHANI JANAH MARMAHANI
Kuria hinaholonganni Tuhan
Istilah “Banyak jalan menuju ke Roma”, aima istilah na mempunyai arti bahasa bahat do na boi dalankonon atap horjahononkon laho mencapai sesuatu, atap laho mencapai tujuan. Tontu cara pakon metode sesuai bani konteks masing-masing, ase boi relevan janah boi tercapai tujuan. Ai do homa na boi ididah hita cara ampa metode na gati ipakei Tuhan Jesus bani na mangajarhon pangajarionni i tongah-tongah dunia. Salah sada aima marhitei limbaga. Menarik do limbaga na ipakei Tuhan Jesus, aima segala sesuatu na dohor, familiar bani halak na mangirikkon-Si bani panorang ai, tontu on martujuan ase lambin iarusi halak na managar pangajarion-Ni. Anggo ididah hita teks on, aima pangajarion na ipakei Tuhan Jesus marhitei metode limbaga, na dalam hal on aima limbaga pasal Parmahan ampa na pinarmahanni. Parmahan aima sada profesi na lang asing be bani halak na mabuei bani panorang ai, halani bahat do halak Jahudi na berprofesi sebagai parmahan, na mempunyai pengalaman na bahat janah bagas pasal marmahani. Bahkan strategi bani na marmahani pe domma ibotoh sidea, ase boi jimot na pinarmahanni parmahan bani panorang ai. Maronjolan bani konteks na sonai aima, ase ibahen Tuhan Jesus limbaga pasal parmahan, ase urah ipahami janah ijalo halak na mabuei bani panorang ai.
Warga seksi bapa na hinaholongan
Aha do na gabe penekanan atap poin bani renungan mingguanta bani minggu on?
- Na parlobei hal na itekanhon aima pasal hubungan antara parmahan ampa biri-birini (ay.1-5). Parmahan na sintong, aima parmahan na masuk hun labah laho hu harangni biri-biri, tapi na lang masuk hun labah, mararti panangko atap panrampok do ia ai. Poin na laho ipadas Tuhan Jesus ijon aima bahasa bani fakta atap realitani adong 2 tipikal parmahan, aima parmahan na sintong, pakon parmahan na lang sintong. Parmahan na sintong aima parmahan na mamboan masuk hubani biri-birini marhitei dalan na seharusni, bahkan bani proses parmahanion ibahen do marhitei na seharusni, atap sepatutni. Jadi konteks bani panorang ai bahasa bani harangni biri-biri, adong do labah na gabe dalan masuk atap kaluar biri-biri ai. Labah ai do homa na ipakei parmahan laho pamasukkon ampa padaratkon biri-biri bani panorang laho mamboan sidea kaluar hun harangni ai. Hal on gabe awal pengidentifikasian na binahenni Tuhan Jesus pasal diri-Ni. Parmahan na sintong aima parmahan na mananda biri-birini, janah biri-birini ai pe mananda sorani parmahan na pinarmahanni. Mamboan na pinarmahanni ai hu luar harang ai, mardalan ilobeini na pinarmahanni ai, janah iirikkon biri-birini ai ma ia. Sonai ma hubungan na dohor antara parmahan ampa biri-biri na pinarmahanni ai. Tapi bani faktani, ternyata adong do homa parmahan na mamboan biri-birini lang tiba bani dalanni, janah mambahen biri-biri ai gabe kahou, janah on ma nasinobut sebagai panangko atap panrampok ai.
- Bani poin na mangihut lambin ipatakkas Tuhan Jesus do pasal hadirion ampa hajongjonganni i tongah-tongah biri-biri-Ni in (ay.7-15). Ia do na gabe labah na mamboan biri-birini ai hubani sampalan. Sampalan aima gambaran goluh na sihol jaloonni biri-biri ai. Ia do na gabe labah na mambare goluh marhitei haluahon na pinasirsir-Ni hubani halak na gabe pinarmahan-Ni. Pamparmahanionni Tuhan Jesus hubani na pinarmahan-Ni ai, sekaligus do homa gabe sada jaminan bahasa barang ise na gabe biri-biri-Ni Tuhan Jesus, jumpahan goluh, ampa haluahon. Eksistensi Tuhan Jesus sebagai Parmahan na sintong, aima marhitei na mambere diri-Ni mangkopkop na pinarmahan-Ni. Jadi totalitas pamparmahanionni Tuhan Jesus hubani biri-biri-Ni, lang pitah sekedar mamboan hubani sampalan, tapi ipasirsirni do hagoluhan ampa haluahon, janah laho mambere haluhaon ai, ibere atap igalangkon do diri-Ni ase dapotan haluahon na pinarmahan-Ni ai. Itandani do biri-biri-Ni, songon Bapa na marsuruh-Ni laho paluahon jolma na mananda Ia. Jadi panandaion na bagas pasal sahalak Parmahan hubani biri-birini, mambahen biri-biri ai manjalo hagoluhan ampa haluahon. Janah bani poin on, lambin itekanhon Tuhan Jesus use pasal parmahan na identik bani panakko ampa panrampok na lang mananda janah manangihon sorani biri-birini, na tujuan ampa motivasini pitah laho pamagouhon, na lang ra bertanggungjawab, janah mangkopkop biri-birini, pori pe adong na membahayahon biri-birinni ai, lintun do ia, itadingkon do biri-birini ai mambur merap, ai ma gambaran parmahan na so ra mansarihon biri-birni ai.
- Bani poin na mangihut ididah hita hagoluhan ampa haluahon na pinasirsrini Parhaman ai sedo ibatasi bani biri-biri-Ni tumang, terbuka do hubani biri-biri na legan, na sirsir gabe biri-biri-Ni. Na sihol tekanhonon bani poin on, aima mardingat pasal pemahaman na berkembang bani panorang ai paboa haluahon in, ipasirsir pitah hubani halak Jahudi na gabe bangsani Tuhan Naibata. Tapi marhitei pernyataanni Tuhan Jesus, terbuka ma haluahon ai hubani halak na iluar bangsa Jahudi. Artini ai, porini pe lang humbani bangsa Jahudi, tapi anggo sirsir gabe biri-birini Tuhan Jesus, jumpahan hagoluhan ampa haluahon do ia. Hal on lambin patakkashon haluahon na pinasirsirni Tuhan Jesus bersifat universal.
Hita haganupan warga seksi bapa GKPS
Humbani hatorangan renungan mingguan on, lambin tangkas ma hubanta pasal Tuhan Jesus na gabe parmahan na sintong bani goluh on, na mamboan hita hubani hagoluhon ampa haluahon, janah haluahon ai lang ibatasi bangsa, gareja, ampa marga. Halak na sirsir gabe biri-biri-Ni aima halak na sirsir ibobai Tuhan Jesus bani goluhni. Tongon bahat parmahan na i dunia on, tapi tontu marhitei penegasan na binereni Tuhan Jesus banta bani renungan on, lambin ibotoh hita ma mambedahon Parmahan na sintong pakon parmahan na lang sintong na mamboan hita hubani hakahouan. Marsahap, marparlahou seolah-olah ia ma na maningon siirikononta, hape faktani justru mamboan hita kahou janah magou. On ma na maningon ibagas hapentaron isikapi hita, ase ulang magou hita, janah iirikon hita ma Parmahan na sintong in, na mananda hita, janah na mamboan hita bani sampalan hagoluhan in. Sebagai bapa itongah-tongahni keluarga, tontu pola parmahanion na binahenni Tuhan Jesus bani goluhta, ai do homa na gabe usihan hubanta bani na marmahani keluarganta. Ase bani na dob iparmahani Tuhan Jesus hita, iparmahani hita ma homa keluarganta, janah kepemimpinan na idalankon hita itongah-tonganhni keluarga aima kepemimpinan na mambobai anggota keluarga hubani sampalan na hadopanni mangkorhon malas ni uhur hubani haganupan. Goran Mingguta aima Judika, (Luluhon ahu, Ham Naibata), ase pitah bani Naibata tumang do boi manggoluh hita, anggo Ia ma na manluluhon hita, jumpahan ma haluahon ai. Halani ai, hubani ma hita roh janah marpangusandeian, halani Ia do na gabe Parmahanta. Amen.
