Renungan Mingguan/PA Bapa GKPS, 07 Juli 2024 (6 Set. Trinitatis)
Nas : 1 Samuel 16:7-13
Usul Doding : Haleluya No. 12:1+3
Tema : Tuhan melihat hati
Tujuan : Agar Kaum Bapak memahami bahwa kepemimpinan bukanlah terletak pada penampilan luar tetapi hati
UHUR DO NA MAMBOBAI
Tim Penulis
Horas ma hubani nasiam seksi Bapa GKPS!
Kuria na hinaholongan ibagas goranni Tuhan Jesus Kristus Raja ni Kuria in,
Ongga do ra itangar hita istilah good looking. Good looking artini aima aima tampan, cantik atappe menarik idahon ni panonggor. Age pe kriteria ni tampan pe relatif do homa, adong do tampan bani pangidah ni sasahalak, tapi biasa saja bani halak na legan. Hal na wajar do ai janah lang pala porlu paksaan maningon sapandapot hita pasal ai. Tapi dong do hal-hal na umum na maningon ipenuhi hita sebagai halak na marsaor pakon hasoman jolma, na martujuan ase halak na berinteraksi pakon hita lang merasa terganggu. Misalni porlu do marpakeian na borsih janah rapi, jambulan dear ipangkas janah isurihi, badan pe ijaga lang pe morum marhitei parfum tapi ulang lah namin marbau, ipon pe isikati janah pamangan pe ulang marbau ase ulang targanggu hasoman na mabual pakon hita. Porlu do homa mambotoh na ija do pakeion hu parmingguan janah na ija pakeion hu juma. Irik ma homa parpakeianta idukung norma-norma pakon hasomalan-hasomalan atap pe budaya na berlaku i sekitarta.
Tapi sebalikni, dalam hal menjaga penampilan on, porlu do homa pangkei, na ija do na boi ipenuhi hita na ija do na lang boi, misalni adong do na marpala-pala mamboli jam na mahal, atap pe pakeian na mahal atap pe kendaraan na mahal ase jago idahonni halak, hape lang sanggup namin ekonomi ni memenuhi ai. Ase adong do lirik doding ni Simalungun na idodingkon Jhon Eliaman Saragih: “Mahal do hapeni gaya, bois do marjuta-juta…”. Ase porlu do jaga homa hita pasal on ase ulang halani penampilan gabe marutang. Jaga ma homa hita ase ulang halani memenuhi penampilan, lang be idingat manumpaki halak na mamorluhon janah lupa bani na mambere galangan laho manumpaki horja pararatkon Harajaon ni Naibata. Ase boi sobuton porlu do manjaga penampilan tapi pangkei ma hita ase ulang lobih tu janah ulang homa sama sekali lang parduli pasal penampilan.
Kuria ni Tuhan, dob isuba hita mangidah sonaha do penampilan luar na maningon ibahen hita sebagai makhluk sosial, bani panorang on nas ta patorangkon banta sonaha do Naibata mangidah pasal rupa ni jolma. Ipatorang teks on do bahasa “Jolma mangidah rupa tapi Naibata mangidah uhur na ibagas”. Tuhan mangidah hita sedo humbani rupa, tapi humbani dirinta secara keseluruhan, aima parlahou age paruhuran. Naibata lang songon jolma na boi terkecoh humbani bibir na manis tumang, atap rupa na ganteng tumang, atap angkula na togap tumang, atap jabatan na beteng tumang. Tapi Naibata mangidah hu bagas paruhuranta na borsih atap lang, janah sonaha haporsayaonta marbuah bani parsahap age parlahouta. Irik hujai, tontu on ma sitiruon banta, ase hita pe ulang ma sididah rupa, tapi sididah parlahou ma. Ulang ma rupa ni hasomanta ibahen hita na manontuhon parpambahenanta bani. Halani anggo rupa na laho manroyut do ai, tapi anggo tonduy, lambin jenges do ai anggo irawat hita ibagas haporsayaon.
Bani nas on ididah hita do kecenderungan bahasa memang kenyataan do anggo jolma sididah rupa. Bani panorang ai sanggah na mangindahi raja panggantih ni si Saul do si Samuel. Domma ibere Naibata petunjuk hubani bahasa raja selanjutni aima humbani anak ni si Isai. Ase, ididah ni ma si Eliab dob ai si Abinadab, si Samma janah teks ta on manobut bahasa ipabontaskon si Isai ma anak ni na pitu ai i lobei ni si Samuel, tapi seng dong humbani sidea na ipilih Jahowa (ayt. 10). Si Daud lang adong ijai halani marmahan biri-biri do ia (ayt. 11). Lang ibotoh hita mase ma lang dihut si Daud ijai, mase ma maningon ia na marmahani biri-biri ai humbani haganup sidea na marsanina. Tapi hunjon ma ibotoh hita bahasa sonaha pe pangolatini kondisi bani sasahalak jolma na sihol pilihon ni Tuhan, anggo ia do nini Tuhan, bahenon ni Tuhan do cara sonaha ase totap na pinilih ni Jahowa ai tampei gabe raja, janah ididah hita do ai bani teks on. Irik hujai ijon ma homa tangkas bahasa memang Tuhan lang sididah rupa tapi sididah uhur do. Mungkin lang panagaman ni si Isai bapa ni sidea ai bahasa si Daud maningon riap pakon sidea. Ase sanggah haganup saninani ipabontaskon bapa ni sidea i lobeini si Samuel, sahalak si Daud ma na lang. Tapi ibagas cara ni Tuhan marhitei si Samuel, ialopi ma si Daud hun parmahanan ai janah iminaki ma ia.
Kuria na hinaholongan ni Tuhan,
ayat 7 nas ni renungan on manghatahon sonon: “Tapi nini Jahowa ma dompak si Samuel, “Ulang ma tonggor rupani barang togap ni badanni, ai seng ia sipilihon-Ku; ai seng songon pangidah ni jolma pangidah ni Jahowa; anggo jolma rupa do iidah, tapi anggo Jahowa uhur na ibagas ai do iidah.” Halani ai dalam hal kepemimpinan, adong do na manombei-nombei parsahap ni ase songon na berwibawa ase segan atap mabiar halak na mangidahsi dengan tujuan ase iakui ia sebagai pemimpin. Lang hubotoh atap na satuju do hita pasal on: “seorang ayah harus menjaga dirinya, bicara harus keras dan tegas, harus mengatur jarak dengan anaknya supaya anaknya takut pada dia.” Tapi nas on pasingatkon hita bahasa uhur ni bapa na borsih na mempunyai tujuan yang murni laho mambobai keluarga hubani Tuhan pasti menggerakkan parsahap ni atap pe pambahenanni irik ibagas hikmat laho mandompakkon istri pakon niombahni. Irik hujai porlu ibagas toruh ni uhur ra marlajar ase ibotoh attigan janah bani situasi na sonaha do bapa tegas atap pe mungkin karas, attigan do penuh pengertian janah manganju. Na pasti, mambahen setting mangatur jarak, mambahen sora na karas, rupa na sangar, pilihan kata-kata na karas janah mengancam dengan tujuan ase mabiar niombah lang sibahenon ai.
Bani Podah 4:23 isobut: “Tang siporlunan, jaga ma uhurmu, ai hunjai do luar hagoluhan.” Untuk menjadi bapa na bujur, iporluhon komitmen na sungguh-sungguh. Godaan kekuasaan banggal do tumang. Anggo ihabiari (dalam artian negatif) ma bapa, ra do adong na bangga. Tapi, sasintongni anggo mabiar halak banta, sedo ibanggahonon ai. Halani ai, jaga ma hita bani uhurta, ase ulang das gabe inikmati hita menindas pakon memperalat halak termasuk keluarganta untuk memenuhi nafsu menguasai na dong banta. Kepemimpinan bukan tentang membuat orang takut pada kita, tapi bagaimana orang dipengaruhi (secara positif) sehingga dia dengan kesadarannya sendiri dan bukan dengan paksaan melakukan maksud kita sebagai pemimpin. Bapa na bujur aima bapa na memimpin dengan hati bukan dengan tangan besi. Halani ai jaga ma uhurmu. Amen.
