Renungan Mingguan Seksi Bapa GKPS, Minggu 27 Juli 2025 (6 Set. Trinitatis)
Nas : Lukas 18:15-17
Usul Doding : Haleluya No. 258:1-3
Tema : Membawa Keluarga Kepada Yesus
Tujuan : Agar kaum bapa senantiasa rindu dan mendorong keluarga untuk mendekat kepada Kristus.
“Gabe Sitogu Dalan Dompak Kristus”
Hita haganupan na hinarga ni Tuhan,
Bani dunia na lambin maju secara tekonologi nuan on, horja na menumpuk, tekanan ekonomi, pakon na legan, lambin buei do bapa na merasa tertekan, magouan arah bahkan merasa gagal ibagas na pataridahkon peranni sebagai pemimpin rohani i tongah-tongah ni keluarga. Studi global pabotohkon hubanta bahasa kehadiran ni bapa secara emosional ibagas keluarga lambin menurun, bahkan bani piga-piga budaya modern, peran ni bapa gati i reduksi pitah sebagai pencari nafkah.
Hasil riset lembaga keluarga internasional manobut bahasa niombah na marbanggal lang ibagas kehadiran ni bapa secara spiritual pakon emosional, rentan do on mangahapkon gangguan kepercayaan diri, depresi, ampa magouan arah bani pargoluhanni. Dunia torus do manuntut ase sahalak bapa ai gogoh/kuat, mandiri anjaha koras/tegas, tapi lupa bahasa kekuatan sejati ni sahalak bapa justru sasintongni taridah ibagas kelembutanni dompak niombah ampa toruh ni uhur ni i lobei ni Naibata.
Bani kondisi na sisonai ai, hata ni Tuhan marhitei renunganta on mambobai hita hubani sada pangajaran na bagas. Sanggah buei halak na mamboan dakdanakni hubani Jesus ase ijamah/ipasu-pasu sidea, ipandang susian ni Jesus ma sidea. Tapi mangidah ai ipasingat Jesus ma susian-Ni ai anjaha ihatahon “Lopas hanima ma roh dakdanak in Bangku, ulang ma pandang hanima sidea, ai bani sisonin do Harajaon ni Naibata!” Jesus mambere pangajaran na penting tumang bani panorang ai, lang pitah pasal dakdanak, tapi das do hubani pasal toruhni uhur, uhur na pitah/ketulusan, sonai homa ketergantungan dompak Naibata. On ma tolu karakter na gati tumang mahol jumpahon bani diri ni bapa sondahan on halani gati ituntut anjaha ibobai dunia on mangunsagahkon gogohni sandiri.
Sungkun-sungkun hubanta bapa, das hubani sadarion, totap do ope hita gabe jembatan na mambobai keluarganta hubani Jesus? Atap justru tanpa sadar gati ope hita gabe penghalang bani niombahta laho manandai Tuhan halani gaya hidup, kesibukan pakon hasomalanta? Panorang on, ibobai do hita laho riap mamparimbagaskon renungan on, sonaha ase hita mulak anjaha totap gabe bapa na sintong, lang mangihutkon standar dunia, tapi mangihutkon usihan na binahen ni Kristus/menurut teladan Kristus, aima gabe bapa na toruh maruhur, mamboan dakdanak hubani Jesus, anjaha marlajar marhaporsayaon songon pangkaporsayai ni sahalak dakdanak.
Bapa na hinaholongan,
Bani panorang ai, secara sosial lang apala ianggap penting anggo dakdanak, lang adong hak suarani, lang adong homa kontribusi ni secara ekonomi anjaha lang adong homa status hukum na kuat bani sidea. Halani ai bani pingkiran ni susian ni Jesus, lang talup sidea ‘mangganggu’ Jesus bani panorang ai. Tapi reaksi ni Jesus mambahen gabe tarsonggot susian-Ni, ai idilo Jesus ma sidea, nini ma, “Lopas hanima ma roh dakdanak in Bangku, ulang ma pandang hanima sidea, ai bani sisonin do Harajaon ni Naibata!”. Jesus justru menyambut sidea. Jesus lang pitah manjalo dakdanak ai, tapi ibahen do sidea gabe contoh utama pasal na masuk hu Harajaon ni Naibata. Iujungi ma hata-Ni marhitei sada pernyataan na penting: “Sintong do na Huhatahon on bennima, ‘Na so manjalo Harajaon ni Naibata songon dakdanak, seng anjai masuk ia hujai.”
Na iajarhon Jesus ijon, sedo pitah dakdanak secara biologis, tapi pasal uhur ni dakdanak. Jesus mangajarhon bahasa sikap batin ni sahalak dakdanak ai ‘penuh percaya’, lang sok tau, toruh uhurni anjaha ‘bergantung sepenuhnya’, anjaha on do labah laho masuk hu Harajaon ni Naibata. Hubanta bapa, adong dua sisi ni pargoluhan na taridah ijon, na parlobei, sonaha sikap ampa hauhuronta sandiri dompak Tuhan, adong pe toruh ni uhur banta songon uhur ni dakdanak? Na paduahon, sonaha hita dompak niombahta, gabe penghalang do hita atap gabe jembatan bani sidea laho mananda Tuhan? Dingat hita ma bahasa ipandang Jesus do sidea na mangganggap kehadiran ni dakdanak lang penting, halani dakdanak aima “teladan iman”.
Tindakan mamboan dakdanak hubani Jesus na bani ayat 15 ai, aima tindakan iman atap ojur ni haporsayaon. Tapi justru susian ni Jesus mamandang sidea roh hubani Jesus. Namin ulang dong hita na gabe penghalang bani dakdanakta laho mananda Kristus. Misalni, halani sibukan hita bani pangkorjanan gabe lang adong panorang riap martonggo atap mambasa Bibel pakon niombah. Atap halani bueinan hita mansahapkon pasal nilai dunia, aima soal prestasi, soal duit, soal jabatan tapi jarang mansahapkon pasal Harajaon ni Naibata atap pasal hagoluhan sisadokah ni dokahni. Atap mungkin rajin do hita hu gareja, tapi lang gabe siusihan hita ibagas haporsayaon/teladan iman i rumah ta bei.
Dakdanak marlajar sedo pitah marhitei ambilan na ipadas humbani anjap-anjap, tapi bueinan humbani goluhta sebagai bapani bani hagoluhan ari-ari. Tontu anggo ididah sidea hita sebagai sahalak bapa na marhabiaran dompak Tuhan, sabar, jujur, martanggungjawab, itandai sidea ma Tuhan marhitei hita. Tapi anggo ididah sidea ma hita kasar, urah-urah manggila, munafik, gabe daoh ma sidea humbani haporsayaon.
Jesus lang mangindo hita gabe pemimpin rohani songon halak Farisi bani panorang ijia, tapi nini: “Na so manjalo Harajaon ni Naibata songon dakdanak, seng anjai masuk ia hujai” ayat 17. Artini, bani diri ni sahalak dakdanak, adong rasa percaya total hubani namatorasni atap orangtuani, dob ai lang adong bani sidea pangahap ‘tahu segalanya’ halani ai jumpah do rasa ingin tahu na bagas ibagas diri ni sahalak dakdanak, dob ai lang homa ra sidea dokah manggila apalagi mardomdom, anjaha igoki malas ni uhur ampa saluju do sidea bani goluh hadakdanakonni. Sebagai bapa, gati do hita ituntut atap merasa maningon gogoh/kuat, maningon mambotoh haganup/tahu segalanya, anjaha pantang gabe galek. Tapi i lobei ni Tuhan, maningon do hita patoruh diri pakon uhurta songon dakdanak. Naha, totap do hita martoruh ni uhur anjaha marsigantung hubani Tuhan pasal haganup atap pangahapta botohan do hita pasal goluhta sehingga ninuhurta hita ma mangatur goluhta?
Na mangihut, pakei hita ma panorang, sanggah danak ope niombah laho mangajarhon pasal Tuhan, halani masa dakdanak aima na ginoran masa emas laho mambentuk karakter ampa haporsayaonni. Halani bani masa ai do homa sidea paling urah porsaya anjaha paling terbuka hubani nilai-nilai hasintongan. Sebagai bapa, gabe ‘imam rohani’ ma hita i rumah, mambobai ibagas tonggo tiap ari, boan ma niombahta hu parsikolah mingguan, sahap-sahapkon ma hata ni Tuhan bani hagoluhan ari-ari hubani niombah. Halani aha na isuanhon ham hubani niombahmu humbani hadakdanakon nari, ai do na manontuhon haporsayaonni hu lobeian ni ari.
Usihi hita ma na binahen ni orangtua na bani renungan on, aktif mamboan dakdanakni hubani Jesus. Lang pitah mansungkupkon kebutuhan jasmani hansa tanggungjawabta tapi das do hubani na mansungkupkon kebutuhan rohani, mamboban sidea hubani ruti hagoluhan in marhitei na patandahon Jesus hubani sidea. Lang pitah manuntut nilai na jenges bani parlajaran i parsikolahan atap sukses secara parduiaon, tapi mambentuk uhurni sidea laho mangalo-alo janah manjalo Harajaon ni Naibata marhitei haporsayaon na saluju. Amen.
