Minggu : Rogate, 14 Mei 2023
Nas : Kolose 4 : 1 – 6
Usul Doding : Buku Haleluya 307 : 1 – 3
Tema : Bertekun di dalam doa
Tujuan : Agar Kaum Bapa bertekun di dalam doa agar diberi kekuatan untuk setia percaya kepada Kristrus sebagai Juruselamat
Judul : Goluh Sipartonggo
Nasinusunni : Pdt. Liharson Sigiro
- Parlobeini
Bani pargoluhan on, hubunganta sebagai Kuria ni Tuhan pakon Kristus boi do iidah hita ai marhitei tindakan-tindakanta na iterangi bani terang ni Kristus. On ma tandani bahasa hita domma manjalo goluh na baru (hidup baru). Artini, hita domma mangahapkon holong ni Naibata na mamboban hita humbani hagolapan hu hasiangan. Jadi PA-ta santorap on pataridahkon hubanta, “Naha do pargoluhan ni halak na domma manjalo sondang ni Kristus”? Atap,”Naha do parguluhonta, na adong manggoluh bani dirinta Tuhan i nagori atas.
Bani Galatia 5 ayat 22 tangkas do iidah hita aha do luaran ni halak na manggoluh bani Tonduy, aima taridah buah-buah ni Tonduy. Tontu sonai do homa na sihol pataridahon ni PA-ta on banta. Lang adong asap anggo lang adong apuy. Lang adong buah anggo lang adong batang/ akarni. Artini, anggo mangoluh hape sondang ni Kristus in banta, tontu adong ma parlahou sibahenonta. Tapi marhitei ambilan on, Paulus mangidah pargoluhan ni halak Kristen lape botul-botul ihagoluhkon, khususni ma bani hubungan ni Naibata ibagas tonggo. Ijon Paulus sadar bahasa hubungan na dohor bani Tuhan Naibata, berpengaruh do ai bani hubungan hubani sesama jolma. Sahali nari, Paulus ijon sihol mangkatahon bahasa halani hita domma manjalo berkat na humbani Naibata (semangat Kebangkitan ni Kristus), jadi hita pe maningon manggoluh do ibagas kebangkitan ni Kristus ai. Naha ma partording ni ai? Bani ambilanta santorap on khusus ibahas pasal goluh ni halak pengikut Kristus, goluh sipartonggo.
- Goluh ni Halak Kristen Goluh Sipartonggo (ayat 2)
Menurut Paulus, bani goluh sipartonggo, ijai do adong kesiapan (sikap na puho) laho mandalani tantangan ni goluh, laho mandompakkon goluh. Songon sahalak na sihol bertanding (olah raga), ipersiapkon do dirini laho manghadapi lawan atap pe musuh. Halani ai latihan do ia secara torus manorus, laho mempersiapkon dirini. Sonai ma homa goluh ni halak na domma ipaluah Kristus, maningon do ipertahankon hita haluahon na domma ijalo hita ai. Ase boi ipertahankon hita ai, maningon puho (siap siaga) do hita melatih dirinta totap marsaor pakon Tuhan in, in do gogohta laho mandompakkon sibolis in.
Bani goluh sipartonggo on pe homa, taridah do goluh na martarimakasih. Ase bani goluh ni halak na sonon do na ra mangkargahon haluahon na domma jinaloni. Dobni ipertahonkon ma manggoluh ibagas hapansingon, songon Tuhan na pansing. Akhirni on do homa gogohta/ kekuatanta laho manlawan munsuh in (bandingkon hita songon pengalaman ni halak na porsaya nini, “Lintun do si bolis anggo mandoding/ mamuji Naibata hita bani goluhta”. Pondok hatahononta, goluh ni halak Kristen aima goluh siap siaga (goluh na martonggo).
- Goluh ni Halak Kristen Goluh na Mandukung Panrarat ni Ambilan na Madear Marhitei na Martonggo (ayat 3-4)
Ra do tongon bani na martonggo hita, pitah kepentinganta do hansa na itonggohon hita. Tapi marhitei ambilan on ipatangkas do hubanta, ase lang hape pitah dirinta sandiri na sihol sitonggohononta, tapi dihut do sitonggohononta hape panrarat ni Ambilan na madear in.
Ise do na mamboban Ambilan na madear in? Balos untuk on aima parugas/ pelayan na domma manjalo haluahon na humbani Kristus Jesus. Ijon Paulus mangahap do ia parugas/ pelayan na domma manjalo haluahon na humbani Kristus Jesus. Ase sagala siparugas/ pelayan hape na sihol mambobanhon Ambilan na madear in, patut do idukung hita sidea marhitei tonggo.
Dalanta maruji-ruji ma bahan PA on, pareksa hita ma dirinta domma naha nani dukungta bani parugas/ pelayan na sihol mambobanhon Ambilan na madear in? Pondok hatahononta, marhitei ambilan on hape ipatangkas do bahasa goluh ni halak Kristen hape aima goluh na siap siaga mandukung halak na sihol pararatkon Ambilan na madear.
- Goluh ni Halak Kristen aima Goluh na Dos Isi ni Tonggoni pakon Parlahouni (ayat 5-6)
Adong do deba halak na mangkatahon sonon, “Ulang idah nasiam ahu na marambilan/ na marpodah on, tapi idah nasiam ma ambilan/ podah na huboankon on”. Santorap sintong do na hinatahon ni ai, aima podah atap ambilan ai do na tang siporlunan. Tapi bani na santorap nari, boi hatahononta pembelaan do hape bani halak na lang dos podahni pakon parlahouni. On ma na lang pas ai.
Tapi sebalikni, goluh ni halak na domma manjalo haluahon ai, goluhni aima goluh sipartonggo janah isi tonggoni ai ihagoluhkon. Jadi dos do parsahap pakon parlahou.
- Penutup
Halak na domma mangahapkon manggoluh sondang ni Kristus bani, pasti manggoluh do bani goluh si partonggo. Amin.
