Renungan PA Bapa Tanggal 30 April 2023 (Jubilate)
Nas : Filipi 2:25-30
Usul Doding : Haleluya No. 376: 1+4
Tema : Bersukacita sebagai saksi Kristus
Tujuan : Agar kaum bapa juga senantiasa bersukacita hidup sebagai saksi Kristus, baik di keluarga, di lingkungan kerja, di masyarakat, bangsa dan negara.
PANGIDANGION GABE DALAN HASAKSIAN NI BAPA
Kuria na ihaholongi Tuhanta Jesus Kristus Raja ni Kuria in!
Humbani mungkahni itompa Naibata do jolma in usih songon rupa-Ni (1 Musa 1:27), janah gati do isobut ai marhitei hata Imagodei. Artini ai salah satu ni aima laho patorangkon paboa jolma in itompa ibagas na harga, marhalanihon ai boi ma sobuton lang boi sumsam hubani jolma tinompani Tuhan in. Jolma lang boi irendahkon halani humbani mungkahni gijang do posisi ni jolma in itompa Naibata. Irik hujai, posisi na gijang na bani jolma ai mararti do ai pasal kuasa ni jolma bani na patundukkon janah manrajai tinompa na legan. Manrajai janah patundukkon tinompa na legan ijon artini aima manramotkon janah mangurus tinompa na legan ai, janah boi ma sobuton posisi na gijang na binere-Ni bani jolma in aima ase adong kemampuan ni laho mangurusi/mangidangi atappe marhorja bani sesama jolma, sesama ciptaan pakon mangidangi Tuhan in. Dob madabuh jolma in hu bagas dousa, rupa ni Naibata na dong ai gabe maseda. Rosuhan ma jolma in iidangi marimbangkon mangidangi. Horahan jolma in manjalo pangidangion, manusia menjadi ambisi terhadap penghargaan. Iukur ma homa hasangapon ai marhitei sadia buei pangidangion na ibere bani. Jolma merasa terhormat anggo iidangi janah merasa ipatoruh anggo mangidangi.
Halani ai do ase marhitei nas PA bapa on, sihol lobei hita mangidah sitiruon pasal mangidangi na ija sihol ididah hita do ai marhitei si Epaproditus. Apostel Paulus manampilhon si Epaproditus, sahalak na palobeihon janah manghaporluhon haporluan ni hasoman marimbang haporluaon ni sandiri. Bani nas on ipatorang do paboa si Epaproditus aima hasoman sahorja janah saparuntolonni Apostel Paulus na sinuruhni kuria Pilippi laho mamboan sagala na porlu bani Apostel Paulus. Selanjutni bani nas on ipatorang do bahasa boritan do ia janah narus matei. Anggo isobut ma narus (hampir) matei, tontu sada parsahiton na parah ma ai janah maningon podas iatasi. Halani ai do ase isuruh Apostel Paulus do ia mulak hu Pilippi, tontu on iarusi hita sebagai cara sonaha ase podas si Epaproditus malum. Dob ai nas on patorangkon bahasa rusak (marhoru) do si Epaproditus halani tarbogeini kuria Pilippi pasal parnaboritan ni ai. Artini, adong do perasaan tidak mau merepotkan bani si Epaproditus on. Tarpingkiran do ia bani kuria Pilippi na mambotoh pasal naboritni ai marimbang na borit/kesakitan bani dirini sandiri na mengalami parnaboritan ai. Dong uhur na totap sihol mambere sidearan, yang paling maksimal bani horja pangidangion. Bahkan bani ayat 30 nas ni bahan PA on ipatorang do bahasa narus matei pe ia halani parsahiton, ai halani na manggoki pangidangion ni kuria Pilippi bani Apostel Paulus. Epaproditus marhoru halani adong perasaan lang maksimal manghorjahon pangidangion halani parsahiton ni ai. Boi iarusi hita lang dong perasaan ni si Epaproditus merasa dirugikan agepe boritan ia halani ma loja tu manghorjahon pangidangion.
Humbani nas on boi homa hita mangidah adong do uhur na sihol mangidangi humbani sidea na itampilhon bani nas on. Si Epaproditus marhasirsiron iutus kuria Pilippi mamboan haporluan ni pangidangion ni Apotel Paulus. Ia marusaha mambere sidearan bani na manghorjahon horja pangidangion ni. Taridah do ijon, si Epaproditus sebagai halak na marhorja di balik layar, janah manganggap horja ai sebagai horja na porlu tumang do homa. Anggo ia mangurupi Apostel Paulus marhitei na mamboan na porlu bani Apostel Paulus, tontu na mangurupi Apostel Paulus do ia ai manghorjahon horja pangidangion. Ia palobeihon haporluan ni Apostel Paulus janah ia mangidangi Apostel Paulus. Apostel Paulus pe homa palobeihon haporluan ni si Epaproditus. Sanggah boritan si Epaproditus, marhoru do ia janah melakukan sesuatu sonaha ase podas si Eparoditus malum. Apostel Paulus manghargahon si Epaproditus janah ia pe mambere pangidangion janah palobeihon haporluan ni si Epaproditus. Sonai do homa kuria Pilippi, sidea pe manghaporluhon Apostel Paulus. Sidea mangutus si Epaproditua laho mamboan na porlu bani Apostel Paulus. Sidea pe homa palobeihon haporluan ni Apostel Paulus. Janah ganup sidea saling mamingkirhon janah manguhurhon na porlu bani hasoman ni, demi boi mardalan horja pangidangion hubani Tuhan in.
Seksi bapa na hinaholongan ibagas goran ni Tuhanta Jesus Kristus,
Bapa itompa Naibata usih songon rupa ni Tuhan. Itompa usih songon rupani Tuhan artini adong kemampuan laho mangidangi. Kemampuan laho mangidangi ai secara khusus ibere Naibata hubani jolma ibagas imagodei ai. Ibagas imagodei na bani bapa ai, ibere Naibata do kemampuan laho mangidangi keluargani, ianan parhorjaanni, i tongah-tongahni masyarakat, bangsa ampa negara. Contoh ni aima, anggo i tongah-tongah ni keluarga, bapa palobeihon haporluan ni istri pakon anak-anak ni. Songon na sinobut ni Epesus 5:25: “Nasiam paramangon, haholongi nasiam ma parinangon nasiam, songon Kristus na mangkaholongi kuria in anjaha ibere diri-Ni mangkopkopsi”. Manghaholongi boi ihorjahon anggo adong pangidangion. Sonaha Kristus manghaholongi kuria in, sonai ma suami manghaholongi istri. Bani Epesus 5:25 ai adong do cara na isobut aima mangkopkop. Mangkopkop artini aima mansarihon janah mengorbankan diri. Bapa mengorbankan diri untuk istri pakon anak-anakni. Bapa mangidangi istri pakon anak-anak-ni.
Tontu gabe sada perenungan na bagas ma on bani seksi bapa, na ija bapa do homa sebagai kepala keluarga janah bapa na martanggungjawab bani Tuhan Naibata pasal panghorjahononni bani tanggungjawabni sebagai bapa i tongah-tongahni rumah tangga ni. Ia memimpin, tapi ia homa mangidangi. Halani ai,iporluhon habotohon na humbani Tuhan sonaha ase adong hikmat bani bapa laho mamboankon kepemimpinan yang melayani keluarga ni, gareja, masyarakat ampa negara pe.
