RENUNGAN MINGGUAN BAPA GKPS, 18 MEI 2025 (KANTATE)
Nas : Mazmur 150:1-6
Doding : Haleluya No. 402:1-2
Tema : Memuji Tuhan Selama Hidupku.
Tujuan : Agar kaum bapa mampu untuk memuji Tuhan selama hidupnya di dunia ini.
HALELUYA, PUJI MA JAHOWA
Warga Seksi Bapa na hinaholongan
Anggo naidah, pori adong martumpu piga-piga halak bani sada ianan, atap kodei, café pakon na legan, marbeda do situasini anggo adong musik atap alat musik bani ianan ai. Bahkan piga-piga café ibagas na sengaja do menampilhon “live music” bani iananni, dalam upaya menarik minat pengunjung ase roh hubani kodei atap café ai, bahkan lang pitah ai, marupaya do homa pengusaha (owner) laho mangontang pandoding (individu-band) na populer, ase bahat pengunjung na roh. Dan memang, bahat do pengunjung na roh, lang pitah halani siholni uhur laho mangan atap minum, tapi lobih hubani santai, rileks laho manangihon musik na adong bani ianan ai. Aima ase kodei-kodei na lang memfasilitasi live music, cenderung sepi. Tontu on gabe sada contoh pasal pengaruh musik/alat musik na ipakei na melekat bani goluhta bani panorang on.
Terkait hujai ma homa, ididah hita pasal hajongjonganni peribadatan na iadongkon itongah-tongah halak Israel na pataridahkon pamujionni sidea hubani Tuhan, janah na mamakei alat-alat musik na adong bani sidea, songon na tarsurat bani renungan mingguanta on.
Hita haganupan
Bani tradisi peribadatan halak Israel, alat musik memiliki fungsi penting, terutama bani upaya pataridahkon pujian ampa perayaan, janah musik ipakei laho memuji Allah. Musik gabe bagian integral humbani ibadah ampa pamujian hubani Tuhan, sonai age alat musik na ipakei, boi mangurupi kuria na maribadah bani na mengekspresihon pujian, malas ni uhur, pakon tarima kasih hubani Tuhan. Bani renungan mingguan on, hita masuk hubani sada situasi pamujian hubani Tuhan Naibata marhiteihon musik ampa alat musik. Psalmen 150 on terkenal do sebagai Psalmen pamujion na penuh semangat. Sada doding ampa pamujion na mangontang haganup na tinompa mamuji Tuhan Naibata marhitei alat musik na adong. Penting do mamuji Tuhan Naibata marhitei segala cara, khususni marhitei alat musik, na pataridahkon pamujion ai lang pitah hata, tetapi das hubani tindakan ampa sora na maragam. Secara keseluruhan bani pslamen 150 on isobut do alat musik na ipakei bani panorang ai laho mamuji Tuhan, aima tarompit, tambur pakon tortor, sarunei pakon sordam, ogung! Haganupan alat musik on melambangkan berbagai cara ampa bentuk pujian na boi ipakei gabe sarana ekspresi laho mambaritahon habanggalon ampa hapasingon ni Tuhan Naibata. Kisah habuangan na ialami bangsa in, kisah pasal panramotionni Tuhan Naibata hubani sidea, aima na gabe onjolanni bangsa in laho mamuji Tuhan Naibata. Jadi Psalmen on aima psalmen na idodingkon dobhonsi bangsa in luar hun habuangan Babel, mulak hu hutani sidea, janah mamungkah peribadatanni sidea. Bani panorang aima itaurhon sidea pamujiaonni sidea hubani Naibata, marhitei uning-uningan na adong bani sidea. Jadi takkas ma pamujion ai berpusat hubani Tuhan Naibata, halani pambahenni Tuhan Naibata na banggal in hubani bangsa-Ni, janah ipakei do uning-uningan sebagi media laho mamuji Tuhan Naibata.
Kuria na hinaholonganni Tuhan
Aha do isi na gabe pamujion hubani Tuhan Jahowa songon na tarsurat bani renunganta minggu on? Par Pslamen manuratkon “Haleluya. Puji ma Naibata bani ianan-Ni na ma pansing, puji ma Ia ibagas hajangkajang ni hagogohon-Ni! Puji nasiam ma Ia, halani pambahenan-Ni na banggal in; puji ma Ia halani hagogohon-Ni na tarlobih in!”. Teks ta on ipukkah marhitei seruan “Haleluya” (Alleluia bahasa Latin) aima seruan atau ucapan pujian kepada Tuhan yang berasal dari bahasa Ibrani. Secara harfiah, “haleluya” berarti “pujilah YHWH”, di mana “hallelu” berarti “pujian” atau “pujilah”, dan “yah” adalah singkatan dari YHWH, nama Allah dalam bahasa Ibrani. Hata Haleluya, itujuhon pitah hubani Tuhan Naibata, na mempunyai pesan pujian huBani. Puji ma Ia bani ianan-Ni na pansing in, on martudu-tudu bani rumah panumbahan iananni bangsa in beribadah, sekaligus sebagai sebuah gambaran pasal kehadiran ni Naibata i tongah-tongah bangsa -Ni. Ia ibagas hajangkajang ni hagogohon-Ni pataridahkon habanggalon ampa hasangaponni Tuhan Naibata na manggoki langit ampa haganup isini. Mamuji Tuhan Naibata halani pambahenan-Ni ampa halani hagogohon-Ni in! Kisahni bangsa in na mangahapkon pambahenanni Tuhan Naibata hubani sidea gabe alasan na mendasar hubani sidea untuk totap mamuji Tuhan Naibata, marhitei habanggalon ampa hagogohon-Ni ai.
Warga seksi bapa na hinaholongan
Pamujion hubani Tuhan Naibata memiliki piga-piga aspek, termasuk ma ai menggunahon media ampa uning-uningan na adong i tongah-tongahta. Songon na isobut ibabou bahasa marhitei uning-uningan, boi do sada ianan ramei pengunjung, halani sonai ma dorasni pengaruh uning-uningan na ipakei. Sonai do homa anggo i gareja, anggo adong ma uning-uningan, secara tidak langsung iboan do pagorini kuria in bani suasana khusuk, khususni bani pamujion hubani Tuhan Naibata. Anggo doding na pataridahkon malas ni uhur, tontu uning-uningan na ipakei pe mendukung suasana uhur na marmalas ni uhur, janah boi ma iahapkon kuria ini suasana ai. Tapi tontu maningon dingat hita ma paboa na gabe fokus pandodingonta aima Tuhan Naibata, jadi lang hubani uning-unigan ai, tapi Tuhan do. Media do uning-uningan ai, halani domma iahapkon hita panramotionni Tuhan Naibata hubanta ibagas goluhta on. Aima ase bani poin parpudi par Psalmen manuratklon “Sagala na marhosah mamuji Tuhan”, hal on mengandung makna bahasa sonin ma banggal ni Tuhan Naibata, sonin ma holong-Ni hubani bangsa in, pakon hubanta bani panorang on, halani ai haganupan na marhosah mamuji Tuhan. Artini ai, par Psalmen patugahkon bahasa lang adong alasan untuk lang mamuji Tuhan halani habanggalon ampa hasangapon-Ni ai. Anggo manaili hita bani proses goluhta on, adong seribu sada alasan hubanta laho totap mamuji Tuhan Naibata. Media na adong isekitarta boi ipakei hita laho pataridahkon pamujionta. Ekspresi haporsayaonta pe boi do ipataridahjkon hita marhitei pamujionta. Ase goluhta, totap ma gabe goluh na mamuji Tuhan in.
Hita haganupan pagorini seksi bapa
Gambaran uning-uningan na ipakei laho mamuji Tuhan Jahowa aima gambaran na patugahkon, haganupan na adong i atas tanoh on boi do ipakei laho mamuji Tuhan. Jadi mamuji Tuhan lang maningon marhitei alat na modern, na digital, na mahal, tapi mamuji Tuhan boi do menggunahon alat-alat musik na sederhana, na adong isekitarta. Janah aima na gabe media, alat, instrument hubanta laho totap mamuji Ia. Tapi maningon idingat hita do bahasa na terpenting aima uhur laho mamuji Tuhan, janah fokus pamujionta aima hubani Tuhan. Ase puji hita ma Tuhanta, ai banggal do Ia. Songon goranni mingguta, Kantate, na mararti “Mamuji Tuhan”, sonai ma naming goluhta warga seksi bapa, aima goluh na totap mamuji Tuhan. Amen.
