RENUNGAN BAPA GKPS
08 Nopember 2026 (23 Dob Trinitatis)
Nas : Mazmur 33:12-22
Tema : Berharap hanya kepada Tuhan
Mangarap pitah bani Tuhan
Horasma banta haganupan bapa ija pe nasiam marianan! Psalmen on ama sada pengajaran pasal goluh na martuah. Tontu anggo isobut na martuah (bhs. Indonesia berbahagia), haganupan do jolma sihol martuah. Hansa ukuran ni namartuah banta secara umum aima na bersifat materi. Misalni bahat duit, jenges rumah, jenges mobil pakon na legan. Halani sumber kebahagiaan banta aima materi, aido ase marlumba-lumba halak marsikolah, bahkan dob konsi tamat iusahahon do ase dapot horja na jenges. Tujuanni tontu ase boi dapot aha na sininta uhur. Tontu lang salah homa ai. Tapi martuah atap berbahagia bani nas ta on sedo iukur marhitei materi na bahat, tapi nini pemazmur “bangsa mambahen Jahowa Naibata, aima bangsa pinilihni gabe parbagian bani (Psalmen 33:12)”. Ambahani ai alasan ase berbahagia aima: halani Naibata na maha kuasa, pencipta, pemelihara, peneyelamat pakon pelindung ganupan ciptaan ni Naibata. Haganupanan itanoh on, ilangit pakon itoruh ni tanoh tunduk haganupan bani Naibata.
Ayat 13-15 Marpanatap do Jahowa Naibata hun babou
Pemazmur bani teks on mambere gambaran paboa Naibata mangidah hita jolma on, Ia marianan i nagori atas, tapi panonggorni manatap hubani haganupan jolma. On sihol mangkatahon paboa porini pe Naibata daoh do iananni, tapi dohor do bani haganupan jolma. Bahkan porini pe daoh do Ia, tapi boi do ididah ni haganupan jolma in, ipadiatei do haganupan jolma in. Beararti lang adong na lingot bani panonggor ni Jahowa. Halani ai aha pe horjanta talar do ai ilobei ni Naibata. Anggo sonai atap aha pe paruntolon ampa sipingkirhononta ibotoh Naibata do hape, halani ai hubani ma hita mangadu. Na menarik homa ididiah hita bani nas on aima kepedulian ni Naibata hubani haganupan jolma, na menegashon: “ikawahkon do ganup anak ni jolma in”. On sihol mangkatahon paboa dos do haganupan jolma in i lobei ni Naibata. Bahkan haganupan do ihaholongi, angkaru parjahat pe ibere do homa mataniari, udara, tanoh on pakon na legan. Ijon ma taridah Naibata lang ongga mambeda-bedahon jolma, dos do haganupan ilobei ni Naibata. Tontu hita pe maningon sonai do homa dos ibahen hita haganupan jolma in. Tapi justru pandangan on bertentangan bani pandangan Yudaistik, na menggap paboa keselamatan pitah bani halak Israel do hansa. Ase marhitei ayat on hita lambin ipargogohi, paboa holong tumang do uhurni Naibata hubanta haganupan. Hansa porlu isadari hita paboa lang adong na lingot ilobei ni Naibata, talar do haganupan, bahkan uhurta pe ibotoh Tuhan in do.
Ayat 16-19, Haluahon pitah bani Tuhan.
Bani goluhta on bahat tumang do tantangan, ancaman pakon tekanan na ihadapi hita. Sipata tantangan ai sompong roh mandorap hita. Bani situasi na ihadapi hita ai huja do hita laho mangindo pangurupion? Bani na deba laho mangalop gogoh hubani kekuatan dunia on, misalni manjumpahi halak na sangap-sangap, halak na berpengaruh pakon na legan. Tapi ambilan on pasingatkon hubanta paboa kemenangan atap keberhasilan sedo itontuhan marhitei bala atap tantara. Nini bani nas on: “seng monang raja marhitei bala, seng maluah panglima marhitei surung ni gogoh”. On domma terbukti sanggah Daud manlawan Goliath sahalak prajurit pilistin na terkenal gogoh janah berpengalaman bani peperangan. Goliat ganjangni sekitar dua meter janah lengkap marpakaian perang laho manlawan Daud sahalak parmahan. Anggo secara logika pasti talu Daud on, halani ia lang berpengalaman dob ai perlengakapnni laho manlawan Goliat pe lang dong. Tapi kenyataanni boi do monang Daud manlawan Goliat on (1 Samuel 17). Ise do mambahen monang Daud? Tontu Nabata do mangkasomani Daud bani panorang ai. Ase nyata tumang do na isobut Rom 8:31 “anggo Naibata hasomanta ise ma imbangta”. Halani ai bani bagei-bagei sipingkironta hubani Tuhan ma hita roh. Dompak na mangkabiari Jahowa do uhurni Naibata. Halak na mangkabiari Naibata aima halak na setia bani hatani Tuhan janah manlembangi na lang iharosuhkon Tuhan in.
Ayat 20-22 Marhatengeran bani Jahowa do Tonduyhu.
Bagian patoluhon humbani renungan on mangajarhon hita pasal hasabaron. Bani menghadapi bagei-bagei paruntolon pemazmur mangajarhon ulang podas putus asa, mandolei janah lang berpengharapan bani goluh on. Totap ma marhatengeran bani Jahowa. Ia ma ibahen gabe gantarta. Goluh on usih songon sada peperangan, bahat musuh roh mandorab hita. Halani ai porlu do adong gantarta atap perisai bani goluh on. Perisai ai boi gabe senjata laho membentengi diri humbani musuhta ai. Tontu bentengta aima Tuhan Naibata ai sandiri, hataNi ai ma gabe gantarta. Anggo domma sonai marhamonangan ma hita bani goluh on. Dobni halak na mangajamhon Naoibata boi ma ia marmalas ni uhur. Ase hubanta bapa haganupan bahen hita ma Jahowa gabe gantarta bani goluhta on. Amen.
About the Author
