RENUNGAN BAPA
06 September 2026 (14 Dob Trinitatis)
Teks : 1 Korintus 16:13-18
Thema : Bapa yang teguh
Parlobeini
Nasiam hasoman bapa hinaholongan ibagas goranni Tuhanta Jesus Kristus.
Anggo ikawahkon hita bani pardalanan ni goluhta mungkin ongga do hita gentar, mabiar pakon kuatir bani goluhta on. Tontu manusiawi do ai, hansa gobir na berlebihan boi do gabe naborit. Apalagi itongah jaman na semakin maju on, informasi na cukup maju, egoisme na semakin berkembang, sonai homa persaingan bani segala bidang. Suang sonai do homa podah ni Rasul Paulus hubani kuria Korintus bani panorang ai. Paulus mangkasiholhon ase kuria Korintus ulang gentar menghadapi berbagai masalah na terjadi itongah-tongah kuria Korintus. Anggo ibasa hita bani ayat-ayat sebelumni bahat tumang do maslah na ihadapi kuria Korintus, aima: perselisihan, perpecahan, persembahan berhala sonai homa bani pangidangion i tongah-tongah kuria. Halani ai Paulus mangkasiholhon ase kuria Korintus menjadi orang-orang Kristen na lang gentar age sanggah masa-masa susah. Aha do sibahenon ase ulang cemas, ragu pakon gentar menghadapi masalah itogah jaman na semakin tidak baik-baik saja?
Parobei, halak Kristen na totap puho. Kata puho gati do ipodahkon Tuhan Jesus hubani murid-muridni bani paimahon parrohni paduahalihon. Kata berjaga-jaga (puho) gati homa ikaitkon pakon parporangan na mengantisipasi parrohni musuh na so pinagaman. Sonai homa pasal parrohni bahaya na lang ongga martugah-tugah pasal parrohni ai. Kata jaga, boi homa ihatahon songon halak na lang modom ibagas na renges tapi modom songon podom-podom leto, maksudni setiap saat maningon jaga. Suang sonai do halak Kristen maningon do setiap saat puho janah jaga. Halani bahat masalah na sihol mandorap hita janah parrohni tiba-tiba. Masalah ai parrohni pas songon parrohni banjir bandang na terjadi i Nepal baru-baru on na iperhitungkon saribuan halak na marujung goluh pakon na magou. Lang martugah-tugah banjir ai roh, ambit martugah-tugah do, boi do namin korban ai mengungsi atap pindah untuk sementara. Tujuan podah on lang pitah hubani halak Korintus, tapi dihut do homa banta bani panorang on. Ase pori pe roh tantangan ai ke depan lang be tarsonggot hita, tapi boi ma ihadapi hita marhitei haporsayaon na toguh. Songon na ihatahon 1 Petrus 5:8 “Torang ma uhur nasiam anjaha puho ma nasiam, ai mawat-awat do imbang nasiam, sibolis in, songon sing ana maraum mangindahi sibondutonni”. Ase jelas bahwa imbangta lang pitah kuasa na idunia on pakon situasi ekonomi pakon sosial, tapi sibolis pe gogoh do laho mambondut hita. Halani ai maningon do ibngun hita hubunganta pakon Tuhan, anggo Tuhan hasoamanta ise ma imbangta?
Napaduahon, totap ma jongjong ibagas haporsayaon. Totap jongjong onma istilah parporangan, ija sahalak prajurit maningon jongjong mempertahankon posisini lobei ni musuh janah lang boi goyang, lemah pakon tidak boleh mundur. Jadi hita sebagai halak Kristen pas songon sahalak tantara na maningon jongjong janah lang boi lemah menghadapi musuhta. Tontu sahalak tantara maningon do hape totap menjaga staminani ase totap dirgas lang lemah. Tontu hita pe maningon do mangisi imanta ase lang boi talu. Iman na marisi firman Tuhan aima sinjatanta. Songon hata ni Naibata bani Psalmen 119:105 “hata-Mu rigapan bani nageihu, panondang bani dalanku”
Ase sonaha pe dorasni alogo na sihol mandorap hita lang boi talu, tapi monang do maratup hatani Tuhan in.
Napatoluhon, gopas songon dalahi anjaha margogoh. Tontu podah on lang pitah itujuhon hubani dalahi tapi hubani haganupan do baik dahali age naboru. Jadi sedo persoalan jender na imaksud ijon. Dalahi tontu sada sifat na berani, lang cengeng, tegas janah na gogoh. Lang berarti naboru lang memeliki sifat na sonon. Tapi na pasti halak Kristen idilo ase berani, lang murah mandolei pakon pag menghadapi berbagai situasi bani goluh on. On sihol mangkatahon bahwa hidup on lang na mudah, lawan-lawanta kuat do, halani ai maningon do gogohan hita marimbang musuhta ai. Ase hubanta bapa idilo ase dirgas ma hita mamboban keluarganta hubani Tuhan. Ulang adong bapa na talu, maningon monang haganupan bapa. Bahat do ididah hita contoh-contoh bani bibelta, halak na marpangusandean bani Tuhan monang do, contohni: Musa sanggah mamboban bangsa Israel kaluar hun Masir. Anggo secara logika lang mungki sidea monang, halani tentarani Masir gogoh janah buei homa. Tontu wajar do anggo halak Israel mabiar halani musuh inggot, ipudi, isamping kiri kanan ilobei laut merah paimahon. Tapi terjadi halongangan korah do dobni laut sigerger ai, maluah ma sidea. Ase hubanta bahat do tongon habiaranta bani goluh on, tapi porsaya ma hita bahat do homa dalan ibahen Naibata ase maluah hita.
Paompathon, Halak Kristen na totap mandalankon holong. On sada podah na bertentangan pakon hukum ni dunia on. Biasa ni anggo adong lawanta sonai homa imbangta maningon do ilawan hita marhitei gogoh atap marhitei kekuatanta. Tapi Paulus mambere podah ase sidea totap mandalankon haganupan ai ibagas holong. Memang Paulus sihol mangkatahon paboa holong do na paling utama bani goluh on. On tangkas isobut Paulus bani 1 Korintus13 ijai ihatahon porini pe hubotoh bahasa mailaikat, ibere sibere-bere panjahaion, hubotoh rusia, hulayak-layakkon haganupan artangku, huondoshon badanku itutung, tapi anggo lang dong bangku holong sisoya-soya do ai. Rajin do tongon sidea mangidangi, berbadah, tapi lang sempurna ai anggo lang dong holong.
Ase hataridahanni holong ai, taridah ma ai bani keluarga si Stefanus, halani lang mardua-dua uhurni laho marugas bani halak na mapansing in. Ipangindo Paulus ase kuria ai pe homa hormat bani halak sisonai ai. Tontu on dilo-dilo do hubanta bapa haganupan ase maningon hormat ma hita bani halak na botul-botul setia bani horja pangidangion. Amen
About the Author
