GABE HASOMAN BANI NIOMBAH: SADA PENDEKATAN PASTORAL ORANG TUA HUBANI NIOMBAH NA PUBERTAS

Buei do orang tua na maruntol mandompakhon niombahni, tarlobih mandompakhon anak usia remaja. Podahni orang tua seng itangihon niombahni. Lambin ipodahi, lambin jungkatni, lambin roh daohni. Gati do tubuh partinggilan ni orang tua pakon anak remaja.  Halani borat ni pangahap ni orang tua, ra do homa isobut orang tua niombahni sebagai anak na bandal, niombah na jungkat pakon na legan. Orang tua maruntol, niombah pe maruntol.

Anggo pasal holong, pasti do holong uhurni orang tua hubani niombahni. Halani holongni do ase ipodahi. Tapi halani cara ni orang tua na lang pas/cocok hubani anak remaja, gati ma gabe soya podah na madear ai. Halani ai porlu tumang do iarusi orang tua ciri perkembangan ni anak remaja. Dob ibotoh ciri ai, ibotoh ma homa sonaha do cara na terbaik laho mangkasomani niombah remaja.

Usia Remaja aima Masa Pubertas

Usia remaja atap pe na somal isobut masa pubertas aima masa peralihan humbani masa dakdanak hubani dewasa.  Peraturan Menteri  Kesehatan RI No. 25 tahun 2014, remaja aima na marumur 10-19 tahun. Somal do homa ibagi use kelompokni aima:  remaja awal 10-12 tahun, remaja madya 13-15 tahun pakon remaja akhir 16-19 tahun. Age pe dos sobutan ni sebagai remaja, lang  homa dos hauhuron ni anak remaja umur 10 tahun pakon na marumur 19 tahun. Lang homa dos cara mandompakhon sidea.Bani masa remaja on ma masa  peralihan; manadingkon sikap dakdanak menuju dewasa. Sikap ni lang be dakdanak tapi lape das bani dewasa. Lang marosuh isobut dakdanak tapi lape boi mandiri songon halak dewasa. Sanggah dakdanak iurupi janah iajari orang tua (orang dewasa di sekitarnya) bani usia remaja sidea lang ra be iurupi halani lang sihol be ia isobut songon dakdanak. Lang ra itogu, sihol ma uhurni mandiri. Contoh: niombah naboru na gati hinan iombah janah iummah bapani, marguro-guro pakon bapani, gabe menjaga jarak ma hubani bapani.

Perkembangan emosi ni anak remaja sangat khas. Emosi ni anak remaja aima emosi na lang manontu,  lang stabil, meledak-ledak, songon badai pakon topan  (storm and stress). Anak usia pubertas urah marah, marosuh lungunan (suka menyendiri), gelisah, gobir, bingung. Pada masa remaja, anak  cenderung tidak realistis memandang dunia seperti apa yang ia inginkan bukan apa adanya.  On ma na mambahen sidea urah marah halani kecewa kenyataan lang sesuai harapan ni sidea. Bani periode on ma homa sidea mencari identitas dan peranannya di masyarakat.

Parhasomanan ni sidea lambin bolag. Anggo berhasil sidea bani pargaulan tambah ma rasa percaya diri sidea. Mabiar do sidea seng ijalo bani pargaulan. Mabiar do sidea hatadingan informasi humbani hasoman ni sidea. Istilah ni sidea sonari aima FOMO (fear of missing out). Ditolak oleh kelompok adalah kegagalan terbesar dalam hidupnya. Tanginan do sidea bani hata ni hasomanni marimbang  orangtuani.

Secara fisik (angkula) pe podas do sidea marbanggal. Halani marbanggal angkulani sidea,  pergaulanni sidea pe lambin bolag ma homa. Marhasoman ma sidea pakon na dewasa. Gati do homa  ianggap sidea sebagai orang dewasa. Ituntut sidea marpambahenan sebagai halak na banggal (dewasa) hape kemampuan ni sidea lape dewasa. Hata “parsuma do banggal angkulamu” gati iluarhon dompak sidea. Ijon ma use lambin martambah ma masalah ni anak remaja. Buei tumang perubahan ni niombah  na masa bani periode on. Niombah domma berubah orang tua pe maningon ma berubah mangihutkon perubahan ni niombahni. Change along with your kids change.

Hal na Porlu Ipardiatei Orang tua

Adong 3 gambaran topi na ipakei orang tua mandompakhon anak sesuai tahap perkembangan aima:

1. Topi Pengontrol – Sebagai pengontrol bani mandompakhon anak usia 0-10 tahun. Aha na boi pakon na lang boi ibagas control pakon kendali ni orang tua do.
2. Topi Pelatih – Sebagai Pelatih ma orang tua mandompakhon anak remaja 10-19 tahun. Bani masa remaja orang tua berperan sebagai sahalak pelatih. Misalni pelatih sepak bola;  tongkin do hansa ia ibagas lapangan laho mangajari, patugahkon, patuduhkon sonaha sibahenon ni pemain. Dob ai iluar lapangan ma ia memantau pemain marlatih. Sahali-sahali idilo ma pemain  ai laho mambere podah.  Nai ma homa orang tua mandompakhon anak remaja.  Orang tua maningon mambere kesempatan pakon kepercayaan hubani niombahni bertumbuh sesuai talenta na ibere Tuhan hubani. Janah ijai ma anak ai bertumbuh dan berkembang torus.
3. Topi Penasihat – Sebagai penasihat ma orang tua bani niombah na dob dewasa. Sebagai penasihat, orang tua marsahap anggo ipindo pendapat pakon nasihatni.

Orang tua Gabe “Besti” bani Niombah

Andohar ganup orang tua mangasup mambuka janah mambuang topi pengontrol anggo niombahni  domma remaja. Andohar ganup orang tua sanggup mambuang topi pelatih ni ai anggo niombahni domma dewasa. “Niombahmu do tong ia; anak na itubuhkonmu hinan, na ipainum ham hinan, na itogu-togu ham hinan, na isulangi ham hinan, tapi sonari seng be si togu-toguon, seng be sisulangan mangan”. Anak domma marbanggal. Anak domma berubah, orang tua pe maningon ma berubah.  Orang tua yang harus berkembang mengikuti perkembangan anak.

Halani maharga tumang do parhasomanon bani masa anak remaja, orang tua porlu do homa mambere kesempatan hubani niombah marhasoman pakon torbangni (teman sebaya–peer group). Anjaha siporlunan aima orang tua na gabe hasoman bani niombahni janah orang tua marhasoman ma pakon niombahni.

Cara ni  orang tua marsahap pakon niombah remaja pe songon cara ni anak remaja marbual-buali pakon torbangni ma homa. Porlu do ibotoh orang tua aha na gabe trending topic ni remaja sonai pakon istilah-istilah ni sidea. Siusahahonon ni orang tua do ase sodap janah sodapan ma pangahapni niombah mansahapkon atap aha pe pakon bapa inangni marimbang hubani hasomanni na legan. Lang pala maila atap subang pangahap ni orang tua manungkun hubani niombah pasal atap aha pe ase ulang subang (maila) niombah manungkun atap aha pe bani orang tua. Sebagai inspirasi, maningon mampu do orang tua terbuka hubani niombah remaja ase sidea pe ra terbuka hubani orang tua na dob gabe hasomanni halani lang adong na subang sahapkonon anggo pakon hasoman diri. Halani ai porlu tumang do pasirsirhon panorang laho manangihon isi ni uhur ni remaja. Marhitei na ra orang tua manangihon hata ni  niombah, ijai ma lambin  ibotoh  orang tua aha na ibagas uhurni ni niombahni. Orang  tua maningon boi gabe bestie (kawan dekat – kawan kompak) bani niombahni. Porlu tumang do homa adong panorang khusus (quality time) pakon niombah remaja. Ijai ma boi orang tua pakon niombah remaja marsahap-sahapi sebagai “teman terbaik”. Selamat menjadi besti bagi anak remajamu! (bgs/hks)

Pdt. Juniati Saragih, M.Si