MENUMBUHKEMBANGKAN CINTA KASIH PASUTRI BERDASARKAN KOLOSE 3:15

Secara umum bahat do dalahi pakon naboru memutuskan membentuk rumah tangga na bayu halani aima na tang sidearan bani goluhni, termasuk ma ai hubani ise ia sihol “hidup bersama” melewati buei malas ni uhur pakon pusok ni uhur. Atap hata na legan, bahat do halak memutuskan marrumah tangga halani yakin bahasa goluhni lebih baik, lebih maharga anggo berkeluarga. Seiring mardalan panorang, buei do masa bani sada-sada rumah tangga mangkorhon lambin marmalas uhur bani pardalanan ni goluh, tapi buei do sebalikni homa, buei pergumulan, kekecewaan, tangis pakon perasaan lang jumpah na niarapkon songon tujuan awal marrumahtangga, gabe panolsolion bani keluarga. Lang adong rumah tangga na mardalan tanpa masalah, tanpa tantangan. Tapi na tang siporlunan aima naha do carata ase boi bertahan, lambin bagas holong ampa pangarusion, marsijaloon sada pakon na legan, ase boi totap jumpah malas ni uhur agepe buei tantangan bani goluh on.

Paulus mangkatahon bani Kolose 3 : 15; “Anjaha damei ni Kristus ma manrajai ibagas uhurnasiam, ai hujin do nasiam tardilo gabe sada angkula. Gabe sipartarima kasih ma nasiam.”Adong piga-piga hal na menarik bani ayat on, aima:

1. Damei ni Kristus manrajai ibagas uhur nasiam

Buei do na marpingkir bahasa dalahi atap bapa aima kepala rumah tangga. Halani ai maningon ia do pangguruon, sitangihonon. Sahali boi do on tarjalo, tapi bani rumah tangga, sasintongni Kristus do na gabe Kopala. Artini ai, lang maningon bapa na gabe penentu, maningon sitangihonon, sonai ge inang homa lang maningon inang na gabe penentu, maningon sitangihonon. Halani jolma ope bapa pakon inang na boi berubah kapan saja dan dimana saja, jolma galek do sasintongni, janah lang adong jolma na totap. Pitah Tuhan do na totap bani goluh on. Halani ai bapa pakon inang ibagas keluarga maningon rup do mangindahi rosuh ni Tuhan bani haganup situasi, malas ni uhur pakon pusok ni uhur. Anggo bapa pakon inang rup mangindahi rosuh ni Tuhan tontu damei ni Kristus manrajai rumah tangga ai. Mungkin buei do masa bani keluarga ai, tapi halani damei ni Tuhan do manrajai, boi do dear ganupan. Bahkan boi hatahononta: rumah tangga na bertumbuh ibagas Tuhan janah marmalas ni uhur aima keluarga yang totap mengandalkan Tuhan bani ganup panorang. Pangkorhon ni ai lambin matoras ibagas Tuhan, lambin marsihaholongan i tongah-tongahni keluarga. Artini ai, pergumulan hidup bani keluarga gabe “vitamin” holong bani keluarga, halani Tuhan “mangajari, manogu, mangapohi janah mambere gogoh”

2. Ai hujin do nasiam tardilo

Buei do cara na ibahen Tuhan ase boi hita mananda holong-Ni bani goluh on, salah sada aima bani kehidupan marrumah tangga marhitei na idilo dalahi pakon naboru membentuk rumah tangga. Bani kehidupan bersama, riap bertumbuh ibagas Tuhan, lambin mampu pataridahkon holong marsihaholongan bani goluh on. Halani ai, lang mangidah ianan: i huta atap i kota, janah atap aha pe horjata, na hape kondisi ekonomita, bahkan dalam keadaan sehat atap sebalikni, bapa na horja janah inang i rumah atap sebalikni bapa i rumah janah inang na horja, marniombah atap lang marniombah, ganup niombah naboru bahkan pasangan na difabel, lang boi ai mangolati jumpahan malas ni uhur bani rumah tangga. Halani idilo ase dalahi pakon na boru bani parrumahtanggaon bertumbuh bersama ibagas haporsayaon bani Tuhan. Justru bani padan na niakuhon panorang pamasu-masuon ai “eak, sonai do bulat ni uhurhu, janah seng anjai paulakkononku atap sirangkononku ia anggo lang sinirangni hamateian”, gabe bukti totap bani parumahtanggaon, rup mempertahankan ronsi hameteian manirang na dua ai. Homa ambit halani lang adong niombah pe, marhitei padan na niakuhon panorang manjalo pasu-pasu marhajabuan ai (lang boi alasan sirang sobali hamateian na roh hu banta), mambahen bapa pakon inang riap bertumbuh ibagas Tuhan das ujungni halani hamateian. Tontu gabe ikatan na jenges tumang do on ibahen Tuhan hubanta bani rumah tanggata bei.

3. Gabe sipartarimaksih ma nasiam

Bani rumah tangga na tang siporlunan aima mamparnalang diri (ibasa “manrajai diri”), ase ulang bapa atap inang na berkuasa, gabe adong pihak na tertindas, dilemahkan, dibelenggu. Tapi “setara” bapa pakon inang. Age naha pe hurang ni pasanganta, “setara” do hita ilobeini Tuhan. Bani na mandompakkon pergumulan hidup, ibagas hubungan na “setara” on sangat dimungkinkan untuk terbuka, saling menerima kekurangan dan kelebihan, saling marlajar menghargai, saling mendengar, saling mendorong bapa pakon inang bani haganup keadaan. Anggo adong “kesetaraan” pasti do jumpah gogoh, semangat bani rumah tangga, bahkan gabe siboan pasu-pasu do keluarga na sonon, i gareja, keluarga pakon masyarakat pe. Ujungni bani ganup keadaan gabe “sipartarimakasih” bani Tuhan halani ijalo, iahapkon idop ni uhur ni Tuhan bani keluarga. Tarlobih use, anggo bapa pakon inang riap pakon niombah mambangun sada keyakinan manjaga hubungan pakon Tuhan aima hal na tang siporlunan bani keluarga. Marhitei na totap mangadongkon “saat teduh” bersama gabe sada pangajarion bani niobah pasal “biar mangidah Tuhan”. Gabe adong na porlu sisahapkonon tiap ari bani keluarga, saling mambotoh na mangkorhon kepedulian tiap anggota keluarga. Songon na isobut par-Psalmen: ”anggo seng Jahowa pauli rumah, si soya-soya do halojaonni halak na manukkangi.” Na imaksud par-Psalem ijon lang bangunan rumah tapi relasi rumah tangga do. Maningon Tuhan do na membangun relasi bani tiap rumah tangga: suami-istri, namatoras pakon niombah, niombah pakon niombah, keluarga pakon gereja, pakon masyarakat. Hubungan na terbangun ibagas “biar mangidah Naibata” mangkorhon kekuatan, semangat janah malas ni uhur. Gabe keluarga “sipartarimakasih bani Tuhan.” (bgs/hks)

Pdt. Nirmala Sinaga, M.Si

Pendeta di GKPS Resort Siantar I