RENUNGAN MINGGUAN BAPA GKPS, 20 APRIL 2025 (PASKAH I)
Nas : Roma 6:5-11
Doding : Haleluya No. 73:1-2 “Domma Talu Hamateian”
Tema : Hidup Bagi Allah dalam Kristus Yesus
Tujuan : Agar kaum Bapa menjadikan momen kebangkitan Kristus sebagai kesempatan
untuk hidup bagi Allah.
PARPUHOON AMPA GOLUH NA BAYU
Warga seksi Bapa na hinaholonganni Tuhan
Minggu on, secara kalender gerejawi, imasuki hita do minggu Paskah, janah takkas do hubanta makna Paskah. Anggo bani tradisini halak Israel, Paskah/Pesach aima sada momentum perayaan pardingatan pardalananni sidea luar hun tanoh Masir laho menuju hubani tanoh bagah-bagah, aima tanoh Kanaan. Sadokah 40 tahun ma sidea mardalan ibagas halimilisan, bagei do na idompakkon sidea hamaholon ampa tantangan pardalanan, sipata ijumpahi sidea do ancaman keselamatan, tapi iahapkon bangsa in do bahasa Tuhan Naibata na paradaratkon sidea hun parjabolonan Masir, janah na mamboan sidea hu huta na dob pinasirsirni Tuhan Naibata hubani sidea, Ia do Tuhan na tongtong manramotkon sidea, ase boi sidea das hu tanoh Kanaan. Laho marayahon ai haganupan, ase tiap tahun roh do halak Israel hu Jerusalem manghamalaskon haluahon na binereni Tuhan Naibata hubani sidea, janah aima na itanda sebagai hari Paskah hun tradisini bangsa Israeal. Pori isukkun hubanta haganupan, tontu hita pagori seksi Bapa pe satolop do anggo humbani makna sonari pasal Paskah na ibotoh janah irayahon hita, aima pasal hamonangan na ipataridahkon Jesus, marhitei na manaluhon hamateian, dousa ampa kuasani sibolis, na ipukkah marhitei na igalangkonni diri-Ni, pala matei tarsilang Ia, janah mulak manggoluh do use Ia bani ari patoluhon, hataridahaan hamonangon-Ni manaluhon haganup. Jadi humbani perspektifta sonari, bahasa Paskah aima kisah hamonangan ampa kuasani Tuhan Jesus Kristus manaluhon haganup, laho mangkopkop hita jolma, ase jumpahan hamongan homa hita, on ma hataridahanni holong ampa panramotionni Tuhan Jesus hubanta jolma pardousa. Jadi pori pe marhitei latar belakang ampa persepktif na berbeda, tapi boi do ididah hita, bahasa momen Paskah baik humbani tradisi halak Israel ampa hita sondahan on, aima momen perayaan ampa mangolobkon holong ampa idop ni uhurni Tuhan hubani jolma, marhitei pangkopkopon-Ni hubani jolma na hinaholongan-Ni ai.
Kuria hinaholonganni Tuhan.
Sonai ma holong ampa idop ni uhurni Tuhan hubanta jolma on, janah on ma homa na sihol ipertegas Apostel Paulus hubani kuria na i Rom, atap hubanta warga Bapa bani panorang on marhitei renungan mingguan minggu on. Aha do na sihol padasonni Apostel Paulus hubanta marhitei teks ta on?
Hita haganupan,,secara sederhana boi do ibotoh hita pesan umum na sihol padason bani teksni renungan mingguanta on, aima pasal makna hamateian ampa parpuhoon bani halak na porsaya, janah makna on maronjolan hubani tema haluahon, ampa goluh na bayu na pinasirsirni Tuhan hubani halak na porsya marhitei Tuhan Jesus Kristus. Bani panorang tahun 57 M, isuratkon Apostel Paulus do suratni hubani kuria na adong i Rom, sanggah Apostel Paulus i huta Korint. Surat on itujuhon hubani halak na dob porsaya na marasal humbani kalangan halak Jahudi ampa non Jahudi. Sidea na dob porsaya janah na mangaku mangirikkon Tuhan Jesus na paluahkon sidea, iahapkon Apostel Paulus porlu ipamasmas pasal pambotoh ampa haporsayaonni sidea hubani Tuhan Jesus. Bahasa marhitei na dob porsaya sidea hubani Tuhan Jesus, mararti do homa bahasa sidea domma matei ibagas dousa janaha manggoluh marhitei parpuhoon-Ni ai. Halak na dob manjalo parpuhoon marhitei parpuhoon-Ni Tuhan Jesus, tontu manggoluh ibagas goluh na bayu. Manggoluh ibagas goluh na bayu, mararti goluh na sebelumni, ampa dousa na melekat bani goluhta, domma lang markuasa be, bayu ma tongon, haganupan na lama, na dob salpu domma ipabayu marhitei parpuhoonni Tuhan Jesus Kristus. Bahkan anggo sebelumni hita iparjabolon dousa, tapi marhitei parpuhoon-Ni ai, maluah ma hita humbani dousa. Jadi karya Tuhan Jesus Kristus marhitei peristiwa parmatei ampa parpuhoon-Ni ai, sekaligus do homa ai pataridahkon tahap baru na iberehon hubani halak na porsaya, na sada pakon-Si (sangkabona), sada do homa hita ibagas parpuhoon-Ni ai, dalam kaitan monang do hita manaluhon sibolis janah bergerak do homa hita hubani hagoluhan na sebelumni iparjabolon dousa, gabe maluah humbani dousa marhitei goluh na bayu. Karya Paskah bani sondahan on, maningon ididah hita ibagas rentetan peristiwa, haluahon, hamonangan, janah goluh na bayu.
Warga seksi Bapa na hinaholongan
Sada syair doding pop Rohani na populer aima: Ku telah mati dan tinggalkan, cara hidupku yang lama, semuanya sia-sia dan tak berarti lagi. Hidup ini kuletakkan, pada mezbah-Mu ya Tuhan, jadilah padaku seperti yang Kau ingini. Humbani isi syair doding hita, iboan do hita bani sada situasi pandoding na mempunyai komitmen na toguh bani na manjalo haluahon marhitei parmatei ampa parpuhoonni Tuhan Jesus bani goluhni. Bahasa haluahon na binereni Tuhan Jesus memotivasi penyair masuk ma ia bani sada episode baru bani goluhni. Goluh na dob manadingkon goluh na lama (pertobatan), menyongsong goluh na bayu, menata goluh na bayu marhitei manjaga hasadaon pakon Tuhan Jesus Kristus, na ipataridahkon marhitei manggalangkon dirini ilobeini Tuhan na dob paluahkonsi. Tontu on lang sekedar syair doding na isuratkon penyair, tapi on aima merupahon refleksi haporsayaonni pasal goluh na totap orod hubani Tuhan Jesus. Anggo bani renungan ambilan on, domma takkas hubanta pasal karyani Tuhan Jesus bani peristiwa Paskah, tontu porlu ma sada respon atap feedback, na ipataridahkon hita. Aha na ma boi sibahenonta sebagai warga seksi Bapa itongah-tongah keluarga, gereja, ampa lingkunganta?
Hita haganupan
Manadingkon goluh na lama, manggoluh ibagas goluh na bayu. Tontu on, lang pitah sekedar pernyataan na ipadas hita, tapi maningon das do homa hubani praktik goluh, anggo sadokah on, hita urah tumang marah, tontu goluh na lama ma in, goluh na bayu mararti lamlam maruhur ma hita, sabar, janah lang urah ikuasai sibolis. Anggo sadokah on, hita mandalankon horja na lang sintong, tontu bani goluh sonari itadingkon hita ma in, janah iparayak hita ma goluh na ibagas hapansingon. Haganupan gulmit ni goluhta maningon ma homa merupahon cerminan hasintongan na hubani Tuhan Jesus Kristus, tandani na dob sada do hita pakon-Si. Hasadaonta pakon Tuhan Jesus sekaligus do homa ai pataridahkon marhitei hamateian-Ni ampa parpuhoon-Ni ai, jaloonta ma homa parpuhoon janah parpuhooon ai ma homa na mamboban hita manjalo hagoluhan na sadokahni dokahni na pinasirsirni Tuhan Jesus Kristus hubata Jadi Paskah lang pitah sekedar perayaan, tapi bani panorang on, janah marhitei renungan mingguan on, Paskah aima merupahon sada karya hasadaonta pakon Tuhan Jesus Kristus na paluahkon hita, janah na mambobahaon hita bani goluh na bayu. Ase manggoluh ma hita bani goluh na bayu. Amen.
