RENUNGAN MINGGUAN BAPA GKPS, 23 MARET 2025 (OKULI)
Nas : Efesus 5:15-17
Doding : Haleluya No. 102:1-2
Tema : Mengerti kehendak Tuhan
Tujuan : Agar kaum Bapa mengerti kehendak Tuhan dan menerapkannya dalam keluarga
MANGHAROSUHKON ROSUH NI TUHAN
Horas ma hubani nasiam Seksi Bapa GKPS!
Pangarapan nami horas hita ganupan itumpaki Tuhan Naibata.
Kuria ni Tuhan na hinaholongan ibagas goranni Tuhan Jesus Kristus, malas do uhur anggo keluarga atap hasomanta boi mandadap uhurta. Ase dong do istilah ni Simalungun na manobut: “Mata marsihirdopan, uhur marsidadapan”. Ninuhur ai laho makkatahon bahasa adong karakter marsiarusan (saling memahami) agepe lang maningon talar-talar ipatugah. Ai taridah humbani ekspresi wajah pakon sikap tubuh. Contoh, anggo domma naidah hasoman diri lang nyaman ekspresini atap sikap tubuhni bani sada-sada pembahasan, agepe lang adong ia makkatahon ai secara verbal, maka halak na memiliki sensitifitas pasohkon pembahasan ai untuk menghargai hasomanni ai. Ase, adong do hal-hal na memang porlu ihatahon janah adong do na boi itangkap hita lang humbani verbal tapi humbani sikap. Untuk aima porlu kepekaan dalam melihat situasi. Sensitifitas atap kepekaan on do homa na mutlak iporluhon bani relasi pakon Tuhan. Kepekaan terbangun humbani parhasomanon na dohor (relasi yang intim) pakon Tuhan. Relasi yang intim on terbangun humbani komunikasi na gati, na boi terjadi bani aktivitas khusus songon martonggo, mambasa pakon mamparlajari Bibel, marminggu, mar-PA, partonggoan pakon na legan. Irik hujai maningon terjadi do homa ai bani haganup gulmit ni goluhta, halani selaku halak na porsaya, ibere do hubanta Tonduy-Ni, ase totap hita terkoneksi pakon-Si.
Koneksita pakon Tuhan ibagas Tonduy-Ni ai mambahen hita mangarusi pakon mambalosi rosuh ni Tuhan. Bani ayat 15: “Halani ai paruhurhon ma, sonaha patut parlahou nasiam, ulang ma songon halak na so maruhur, tapi songon halak siparuhur ma”. Ayat on ipungkah marhitei hata penghubung “halani ai”. On manghubungkon aha na dob isobut Paulus bani ayat-ayat sebelumni pakon aha na sihol hatahonon ni sonari. Bani ayat 14 isobut do ase gabe panondang sidea. Salaku panondang (terang) maningon mangggoluh do sidea ibagas koneksi pakon Tuhan ase totap gara sondang ai. Gabe panondang lang urah, anjaha ibotoh Paulus do ai. Adong do bahaya na marusaha manggoda sidea, aima kuasa hagolapan pakon godaan parlahou-parlahou hasaparion na lang suman. Halani ai do ase isuruh sidea laho mamparuhurhon (memperhatikan dengan seksama) parlahou ni sidea sandiri. Ilarang do sidea marparlahou songon halak na so maruhur tapi marparlahou ma songon halak na maruhur. Halak siparuhur aima halak na pandei (arif, bijaksana), sementara na so maruhur aima halak na bebal, na lang ra manjalo ajar pakon podah. Maningon ingaton ni sidea do bahasa sidea lang be bangsa sipajuh begu-begu (2:1), tapi bangsa ni Naibata na ipilih janah ipatalup Naibata sandiri ibagas panobusion ni Jesus Kristus. Ase ulang be sidea manggoluh ibagas hagolapan. Ulang ma lolei sidea mamparuhurhon parlahou ni sidea sandiri, ase ulang jiris nahei ni sidea gabe mulak hubani biak pakon bangkou hasaparion. Ase ijon ipodahkon Paulus do hubani sidea ase pangkei pakon jaga. Ulang lansei janah terlalu percaya diri, tapi jaga ma, irik martonggo ase ipargogohi Tuhan tong ase totap gabe halak siparuhur lang gabe halak na so maruhur.
Ase on do homa na ipodahkon hubanta age nuan. Ingat hita ma bahasa kebutuhanta do untuk totap menjalin parsaoran pakon Tuhan. Pasobih hita ma panorangta lang untuk memenuhi kebutuhan pardagingon tumang, tapi dihut ma homa adong panorang na sungkup banta laho memenuhi kebutuhan partonduyon. Ase ai na gabe pedoman banta untuk marparlahou salaku halak na porsaya aima sikap ni halak na maruhur sedo na bebal. Hata ni Tuhan na itangar hita masuk humbani pinggol, na ibasa hita masuk humbani mata, tapi lang pitah singgan jai tumang, jalo hita ma ai ibagas toruh ni uhur, ase taridah kuasa ni Hata ni Tuhan ai marhitei na patuduhkon parlahou haliharon.
Salah sada hataridahanni halak siparuhur aima pangkei manggunahon panorang, ai ari hasunsahan do nuan. Bani hata Indonesia, ari hasunsahan iartihon gabe hari-hari yang jahat. Manggunahon panorang aima horja na mendesak na maningon horjahonon sonari, halani ari na jahat on torus do manggoda ase iparsoya-soya hita panorang na mambahen hita mambois-boiskon panorang untuk na lang marguna bahkan na jahat. Marhorja do torus si jahat in secara intens untuk padaohkon jolma humbani harosuh ni Tuhan. Lang marosuh si jahat in anggo jumpahan malas ni uhur pakon haluahon na manongtong in hita. Ase ai do na niusahahon ni si jahat. Sonai do homa Paulus pasingatkon kuria Pilippi ijia ase pangkei manggunahon panorang. Manggunahon panorang mararti manggunahon sadear-dearni situasi selamat na domma ilayak-layakkon Tuhan banta ibagas Ambilan na Madear (Injil). Sahira adong situasi parporangan antara hajahaton pakon hadearon. Halak parpintor aima halak na domma manjalo haluahon na humbani Jesus itu marhorja ibagas panorang na dos pakon parjahat in. Parjahat in aima suruhan ni sibolis manggunahon panorang sadear-dearni untuk hajahaton. Ase anak-anak ni Tuhan in pe maningon marhorja do sadear-dearni untuk hapintoron. Ase barang ise na lang manggunahon panorang halak na oto do ai.
Tontu, hubani seksi Bapa GKPS ipasingat do ase ulang maoto marhitei na manggunahon panorang untuk pahara-pahara na so marguna bahkan jahat. Boi ma use hita mamareksa hadirionta bei. Suba hita lobei use mamareksa manajemen waktu ta siganup ari. Piga jam do untuk marhorja, marsaran, marguro-guro atap berinteraksi pakon niombah atap keluarga, martonggo (hubungan pakon Tuhan), menggunakan HP pakon na legan, i kodei pakon na legan? Dob ai suba hita ma use mengkategorikan ai, na ija ma na marguna pakon na ija ma na lang? Bani na marguna ai, na ija ma na gabe prioritas na ija ma na lang, atap na ija ma na merupakan kebutuhan pakon na ija ma keinginan tumang. Ase anggo domma isuba hita mengkategorikan kegiatan ta siganup ari, suba hita ma use mangidah na ija na maningon ihorjahon hita na ija na sasintongni lang porlu horjahonon halani lang marguna atap bahkan menjurus hubani kegiatan na padaohkon hita humbani keluarga bahkan Tuhan. Irik hujai idah hita ma homa na ija ma kebiasaanta siganup ari na mambahen moru panorang pakon pingkiran laho mansarihon keluarga, mangorui kesehatan pakon padohorhon hita hubani horja na jahat. Penggunaan waktu sehari-hari sangat mempengaruhi kualitas hidup. Anggo pangkei do hita manggunahon panorang, berkualitas ma goluhta, anggo lang, tontu lang berkualitas goluhta. Tapi dingat hita ma homa, kualita goluhta, ulang ma iukur hita marhitei kualitas duniawi, tapi surgawi ma. Ase totap ibotoh hita kualitas sorgawi, totap ma hita mangharosuhkon rosuh ni Naibata. Amen.
