Ilustrasi gambar: https://www.cnnindonesia.com/
RENUNGAN MINGGUAN BAPA GKPS, 25 MEI 2025 (ROGATE)
Nas : Yakobus 5:16
Doding : Haleluya No.307:1-3
Tema : Berdoa dalam Iman.
Tujuan : Agar kaum bapa senantiasa berdoa di dalam iman.
GOLUH SIPARTONGGO
Pagori seksi bapa na hinaholongan
Renungan Mingguan ipukkah hita marhitei doding na marjudul “Sejauh Doa” (anggo memungkinhon, ase idodingkon ma doding on).
Bila kau rasa gelisah di hatimu, bila kalang kabut tak menentu hidupmu.
Ingat masih ada seorang penolong bagimu Yesus tak pernah jauh darimu.
Bila cobaan menggodai hatimu, bila sengsara menimpa keadaanmu.
Ingat Yesus takkan pernah jauh darimu, Dia selalu pedulikan kamu.
Berseru dan memanggil namaNya, berdoa Dia ‘kan segera menghampiri dirimu
Percaya Yesus tak jauh darimu, Dia hanya sejauh doa.
Secara sederhana boi ibahen hita benang merah doding na ibabou bahasa tonggo aima dalanta laho roh hubani Tuhan, halani dohor do Tuhan in, bani haganupan halak na mandilo-Si, marhitei tonggo na pinadas hubani Tuhan Jesus Kristus. Hosah ni halak na porsaya do tonggo in, nini Marthin Luther, na secara harafiah boi sobuton, goluhni halak na porsaya aima goluh na martonggo, artini ai, pori lang be ibagas tonggo pargoluhanni sasahalak, mararti lang be ia marhosah (mati secara rohani). Bani doding na ibabou ai, ididah hita bahasa adong konsep hubungan spiritual pakon aksesibilitas, menggabungkan ide spiritual (“Dia/Dia/Itu hanya sejauh doa”) dengan ekspresi kreatif na mempunyai pesan bahasa na manjalo tonggo ai (penerima doa) lang daoh secara fisik (tidak jauh secara fisik), janah boi iakses marhitei tonggo na tulus janah ibagas bulat ni uhur. Janah on ma salah sada poin penting na porlu ihagoluhkon hita ibagas parsaoranta pakon Tuhan Jesus Kristus. Bahasa tonggo aima aksesta laho dohor hubani Tuhan Jesus, janah tonggo aima eksistensinta sebagai halak na manggoluh.
Warga Seksi Bapa na hinaholonganni Tuhan
Anggo naidah humbani latar belakang nas renunganta bani Minggu on, patugahkon bahasa surat Jakobus on sangat terkait bani kondisi halak Kristen Jahudi na adong bani piga-piga ianan aima sapuluh dua morga na merap (Jak 1:1) na mangahapkon risa-risa halani haporsayaonni hubani Tuhan Jesus Kristus, salah sada ma ai na idompakkon Stefanus i Jerusalem. Halani aima ase surat na isuratkon Jakobus (saudara Yesus) on, martujuan ase lambin tambah semangat, toguh ibagas haporsayaon, pori bahat na idompakkon kuria in. Irik hujai ibagas pataridahkon haporsayaon na toguh hubani Tuhan in, kuria ai pe maningon pataridahkon wujud haporsayaonni marhitei perbuatan (parlahou) bani siganup ari, halani ai ma isuratkon do bani Jakobus 2:17. Porlu wujud nyata haporsayaon marhitei sikapni halak na porsaya bani goluhni. Lalu aha do wujudnyata hataridahan haporsayaon hubani Tuhan in? Salah sada aima goluh na tongtong martonggo. Manaili hubani situasini kuria in, na ibagas pangodoh-odohon, tontu berhadapan ma sidea pakon pihak na lang mangharosuhkon hajongjonganni sidea na marhaporsayaon hubani Tuhan in. Secara hajolmaon, anggo idompakkon hita ma sada halak na memposisihon dirini sebagai musuh banta, tontu respon atap reaksi na ipataridahkon hita aima melawan, apalagi domma pala terganggu goluhta halani ai. Tapi bani nas on, justru na porlu ipataridahkon kuria in aima marsisopotkon dousani anjaha marsitonggoan. Ternyata gogohni tonggo ai sangat iporluhon bani haganup situasinta. Sanggah idompakkon hita pe buei halak na lang mangharosuhkon hita, hataridahanni halak na marhaporsayaon hubani Tuhan, na gabe responta aima lang mambalaskon, tapi justru mencoba laho mengampuni janah menopang ibagas tonggo. Marhitei na ihagoluhkon marsisopotan dousa, marsitonggoan, ai do na mambahen boi malum humbani rasa pahit, sakit na idompakkon kuria in halani hapongkutonni haporsayaonni sidea. Malum ma sidea, hata on mangarah hubani sada kondisi bahasa sada halak boi berdamai, boi mengampuni, janah boi totap menompang pihak na lang mangharosuhkonni ibagas tonggoni sidea, janah on ma mambahen halak na porsaya in malum, lang adong uhur laho mambalaskon hal na lang dear hubani pihak na lang mangharosuhkonsi. Lalu nas on, itutup marhitei penekanan bahasa “Na margogoh tumang do pangkorhon ni tonggo ni halak parpintor, anggo ihabujurhon”.Kuasani tonggo margogoh tumang, anggo ihabujurhon. Nokkan domma isobut hita bahasa tonggo aima hosah ni halak na porsaya, lalu hita mangidah bahasa Haporsayaon in pe sonai do. Anggo seng dong horjani, na dob matei do ai ibagas dirini, mararti porlu tindakan hataridahanni haporsayaon, janah salah sada aima ibagas tonggo, das hubani manonggohon halak na manunsahi, halani ai do dalan laho boi berdamai bani situasi ai. On ma na porlu idalankon kuria in, ase pori idompakkon sidea hal na borat, pihak na lang mangharosuhkon sidea, tapi totap sidea pataridahkon haporsayaonni sidea hubani Tuhan in ibagas tonggo ampa sikapnni sidea.
Warga seksi bapa na hinargani Tuhan Jesus Kristus
Bani panorang sondahan on, boi do homa situasi na idompakkon sapuluh dua morga na merap ai idompakkon hita homa selaku bapa na porsaya hubani Tuhan in. Mungkin lang sarupa songon na iahapkon sidea, tapi adong do sada masa ampa panorang idompakkon hita hal-hal na lang songon ibagas uhurta. Mungkin buei halak na lang mangharosuhkon hita, pori pe dear na ibahen hita. Mungkin ongga do iperhadapkon hita bani sada situasi na maningon ipataridahkon hita konsistensi pilihanta dalam hal on aima haporsayaon hubani Tuhan Jesus Kristus, bahkan mungkin onggo hita berada bani situasi sulit na berhubungan bani horja, relasi, ampa hal na legan na mempertaruhkon haporsayaonta. Hal on tontu menjadi sada situasi na borat, na porlu hatoguhon ni haporsayaon bani goluhta. Tapi justru bani nas ni renunganta minggu on, iarahkon do hita bani eksistensita sebagai bapa na porsaya hubani Tuhan Jesus Kristus, bapa na tongtong pataridahkon haporsayaon na toguh pori bahat tantangan na mandorap hita, bapa na totap manggoluh ibagas tonggo, janah manonggohon halak na lang mangharosuhkon hita, bapa na akhirni das hubani situasi malum-pulih-berdamai bani situasi na lang dear, halani margogoh ibagas tonggo. Tontu on ma homa na mampargogohi hita laho melanjutkon goluhta, lang boi iarapkon hita haganup halak marosuh hubanta, tontu maningon sirsir do homa hita bani situasi bahasa sai na adong do halak na lang mangharosuhkon hita, tapi justru ijai ma teruji sonaha do hita mengatasi ai, marhitei sikapta na gabe buahni haporsayonta hubani Tuhan. Margogoh do tonggo in, janah dohor do Tuhan in bani halak na mandilo goran-Ni ibagas tonggo, halani ai gabe goluh sipartonggo ma hita. Minggu on aima minggu ROGATE (martonggo), ase gabe bapa sipartonggo ma hita, lang pitah manonggohon dirinta, keluarganta, tapi manonggohon haganup das hubani halak na manunsahi hita, halani marhitei ai do malum hita. Amen.
