Renungan Mingguan Bapa GKPS, 9 Maret 2025 (Invokavit)

Renungan Mingguan Bapa GKPS, 9 Maret 2025 (Invokavit)

Nas                  : Efesus 5:1-2

Doding            : Holong na hun bani Tuhan (Hal. 350:1-3)

Tema               : Hidup dalam kasih Tuhan

Tujuan             : Agar kaum bapa senantiasa hidup dalam kasih Tuhan

HOLONG NA BOI IDAI

Horas hubani nasiam seksi Bapa GKPS!

Pajumpah hita use bani Renungan Mingguan Seksi Bapa GKPS bani minggu Invokavit on. Invokavit artini: Diloonni do Ahu, jadi balosanku ma ia, na pasingatkon hita bahasa tinggil do tong pinggol ni Tuhan manangihon dilo-dilonta janah parduli do tong Ia banta. Seng ongga atap sangkidop mata pe Ia lupa banta, halani ai, dilo hita ma tong Ia janah Ia ma Tuhanta janah Ia ma bahen hita pangaduanta, seng dong pangaduan atap pangunsandeian na legan. Irik hujai, haganup gulmit ni goluh pakon aha pe na dong banta bahen hita ma ai laho mamuji pakon pasangapkon goran-Ni, aima marhitei na mandalankon parentah-Ni, salah sada na tang siporlunan bani pandalankonon bani parentah ni Tuhan ai aima manghaholongi.

Halak na so marholong ni uhur,seng itanda Naibata; ai Naibata ai ma haholongan. (1 Joh. 4:8). Naibata aima holong. Barang ise na mandalankon holong, sitiru Naibata do ia ai. Boi do hita marlajar pasal holong humbani jolma na ididah hita bani pargoluhanta siganup ari age humbani tokoh-tokoh na terkenal contohni Bunda Teresa. Ididah hita do homa holong na banggal janah penuh pengorbanan humbani sahalak inang na bertaruh nyawa manubuhkon niombahni atap holong na humbani sahalak bapa na marbois gogoh marhorja mansarihon keluargani. Asal adong na iartihon hita sebagai tindakan holong, selalu do ibagas ai adong pengorbanan. Tapi, hansi pe ididah hita holong na banggal humbani jolma, halani galek do jolma in, maka dong do tong hurangni. Wajar do ai, ra do na marholong banta menyakiti hita, sonai do homa hita, ra do hita menyakiti na hinaholonganta. Ase, lang sungkup jolma na gabe sitiruanta bani na mandalankon holong. Sitiruan na lang martikas aima Naibata sandiri na dob manggalangkon diri-Ni ibagas Jesus Kristus. Yesus adalah teladan kasih yang tidak ada kurangnya (sempurna). Ia tak pernah menyakiti kita, Ia selalu mengasihi kita. Apapun yang Ia lakukan, yang dalam pandangan kita sebagai baik ataupun buruk, sesungguhnya tidak ada tindakan Tuhan yang buruk bagi kita, semuanya bermaksud baik dan akan bermuara pada kebaikan kita.

Ase, ai do na iparlajari hita bani renungan mingguanta santorap on. Nini bani ayat 1: Ai pe, sitiru Naibata ma nasiam, songon anak na hinaholongan! Isuruh do hita maniru Naibata. Bani kuria Epesus ai, bani bindu-bindu sebelumni domma ipatorang pasal doktrin-doktrin na marpardomuan bani ajaran-ajaran na sintong na maningon iarusi sidea. Iajarhon Paulus do bahasa Jesus Kristus aima Tuhan janah Sipaluah na dob mandilo sidea gabe bangsa ni Naibata humbani bangsa sipajuh begu-begu hinan. Iajarhon do homa bahasa lang dong beda ni Jahudi atap Non-Jahudi i lobei ni Naibata, haduasi ipatalup i lobeini Naibata marhitei Jesus Kritus. Irik hujai idilo do kuria ai ase mamparlahouhon parlahou na baru na gabe hataridahanni na dob gabe tinompana baru do sidea. Ase, parlahou na baru ai ipataridahkon marhitei pandalankonon bani holong. Sahalak anak na bujur marosuh anggo ihatahon bahasa ia mangusihi bapani. Sahalak bapa na bujur marginomparhon anak na bujur. Adong saling keterkaitan ijai. Bapa na bujur mangajari anakni bani sahap/podah tarlobih parlahou na gabe sitiruon. Ajar pakon keteladanan ai menumbuhkan anak na marosuh laho pamalas uhur ni bapa ni. Ai ihorjahon marhitei na meneladani bapani. Aima anak na hinaholongan. Ase, sonaima homa seksi bapa GKPS dompak Tuhan Naibata. Lang sangsi hita bahasa seksi bapa aima anak hinaholonganni Naibata. Untuk hita, Jesus domma manggalangkon diri-Ni, marhitei na matei bani hayu parsilang, manjalo risa-risa janah manaron ronsi na rotap hosah-Ni.  Haganupan ai ihorjahon Jesus laho manghopkop hita. Tidak ada kasih tanpa pengorbanan. Ase iarusi janah iahapkon hita holongni Tuhan ai, berkorban do Ia. Ase jalo, ahapkon, janah arusi hita ma holong na humbani Tuhan ai. Janah tarlobih tiru hita ma holong ni Tuhan ai marhitei na ibere hita use holong na dob ijalo hita ai hubani hasoman jolma. Halak na mangahapkon ihaholongi pasti manghaholongi. Halak hinaholonganni Naibata marosuh pamalas uhur ni Bapa na i nagori atas ai.

Dob ai use, bani ayat 2 renunganta on isobut sonon: “Anjaha marparlahou ma nasiam ibagas haholongan, songon Kristus na manghaholongi nasiam, anjaha ibere do diri-Ni manghopkop hita, gabe siluah ampa galangan bani Naibata, gabe uap na misbou.” Marparlahou ibagas holong aima manifestasi (pewujudnyataan atau penciptaan sesuatu dari ide menjadi kenyataan) humbani identitasta salaku halak na domma manjalo holong pakon idop ni uhur ni Naibata. Ijon Paulus manokanhon ase kuria Epesus panorang ai age hita nuan on mandalankon pandiloon ai. Idilo do hita marparlahou ibagas haholongan. Jadi on aima pandiloon, inisiatifta mandalankon holong itubuhkon holong na humbani Naibata na dob dong bani dirinta. Anggo hajolmaonta do, lang sanggup mandalankon holong. Ningon holong na humbani Tuhan aido na ibahen hita manjalir humbagas dirinta. Dob ai, ase boi hita mandalankon holong ai sintong-sintong, maningon torus do ididah janah idingat hita holong ni Kristus ai. Holong ni Kristus aima pengorbanan. Ase gati do itangar hita hata on: “tiada kasih tanpa pengorbanan”. Seksi bapa pe domma ra bagas pengalamanni pasal mengorbankan diri. Salaku suami untuk istri pakon bapa untuk niombah, sahalak seksi bapa maningon berkorban. Sahalak bapa berperan sebagai provider, na ija ia mambere kebutuhan finansial pakon non-finansial hubani keluargani. Bapa na bujur bertarung di luar rumah atau di dalam rumah, turak-turak hadogas marbois gogoh mansarihon keluargani. Sahalak bapa menomorsatukan kebutuhan keluargani marimbang kebutuhanni sandiri, menomorsatukan kenyamanan ni keluargani marimbang kenyamananni sandiri. Contoh ni aima, sahalak bapa ra do mamakei pakeian sederhana halani palobeihon pakeian ni niombahni pakon istrini, mangankon sipanganon na sederhana demi mangirim duit bulanan ni niombah ni na sedang sikolah i luar kota. Ihorom do hu kodei demi berhemat ase sungkup bagion i rumah. Dihut do ia manghorjahon pekerjaan rumah tangga laho menciptakan suasana rumah na nyaman. Agepe buei hasoman na mengejek sahalak suami  na patuduhkon holong ni bani istrini, lang parduli ia halani ai ganup ihorjahon ni untuk hinaholonganni. Seksi bapa aima anak hinaholongan ni Naibata, na maniru Naibata untuk berkorban demi orang lain.

Bani Epesus 5:25 isobut do: “Nasiam paramangon,haholongi nasiam ma parinangon nasiam, songon Kristus na manghaholongi kuria in anjaha ibere diri-Ni manghopkopsi,”. Manghopkop mararti mansarihon pakon mengorbankan diri. Ase anggo suami berkorban untuk istrini pakon niombahni, itu adalah hal yang normal dalam rangka menjalankan panggilan Tuhan untuk seorang suami dan seorang ayah. Ase sahalak bapa na sadar bani pandiloonni, tidak merasa menjadi super hero ketika dia berkorban untuk keluarganya. Biarlah istri dan anaknya yang menganggap dia sebagai super hero oleh karena pengorbanannya. Anggo domma sonai, sahalak bapa lang bahat manuntut, halani ia pitah mandalankon hawajibanni. Dob ai, anggo dong pe hal-hal na mambahen kecewa na hinorjahon ni istri atap niombahni, urah ma uhurni mangampuni, halani ia maniru Jesus. Anggo sonai, hu bani Tuhan Jesus ma tatap hita, ase marulak-ulakan tong gogohta ase sanggup mandalankon holong na boi idai isepe na dong i sekitarta. Amen.