Renungan Mingguan Bapa GKPS Oktober 2024
Minggu, 27 Oktober 2024 (22 SET. TRINITATIS)
Nas : Yakobus 5:1-7
Usul Doding : Hal.No. 370:1-3 “Hupaima do Tuhanku”
Tema : Sabar sampai Tuhan datang
Tujuan : Agar kaum bapak senantiasa sabar dan tekun dalam iman menantikan janji
Tuhan
SABAR PAIMAHON
Penulis
Kuria hinaholonganni Naibata
Ipukkah hita ma renungan mingguan on marhitei na mencoba mangidah ampa memahami makna na tarsurat bani judul tulisan on. KBBI mambere pemaknaan bani kata sabar aima: “sikap atau kemampuan untuk mengendalikan diri dalam menghadapi situasi sulit, kekecewaan, atau penderitaan tanpa menunjukkan reaksi yang negatif atau impulsif”. Humbani makna on adong piga-piga na boi igarisbawahi hita, aima: sikap, kemampuan mengendalikan diri menghadapi situasi sulit, kekecewaan, pakon penderitaan. Tontu kondisi on aima kondisi na secara nyata adong bani goluh on. Situasi sulit, gati do idompakkon hita, iahapkon hita kecewa halani situasi, atap halani halak na adong i sekitarta, on pe gati do iahapkon hita, bahkan iahapkon hita ibagas penderitaan, paruntolon hita, on pe pasti ongga iahapkon hita. Halani memang sonai do warna ni goluh na maningon ilalui hita sadokah hita iatas tanoh on. Tontu grafik goluhta marputar do, adong panorangni idompakkon hita malas ni uhur, tapi adong homa panorangni idompakkon hita pusok ni uhur. Sonaha caranta laho mandompakkon ai haganup? Tontu “Sabar”…marhitei mampu mengendalikan diri menghadapi situasi na idompakkon. Lalu anggo ididah hita hata na paduahon, aima Paimahon (Menanti). “Menanti/Paimahon aima situasi atap keadaan menunggu sesuatu yang masih jauh dari depan mata atau bahkan masih dalam bayangan”. Humbani maknani on, mararti na sihol ipataridahkon aima paimahon sesuatu na lape taridah humbani panonggor, daoh ope. Bani na paimahon tontu porlu ma hasabaron, on ma poin na sihol sobuton bani judul renunganta minggu on.
Kuria warga seksi bapa na hinaholongan
Bani surat na pinadasni Apostel Jakobus hubani sapuluh dua morga na merap in, takkas tumang do ibotoh Jakobus kondisini sidea na mandompakkon situasi na lang urah, marhitei na siap bani konsekuensi haputusan pasal haporsayaonni sidea. Bahkan halani haputusan ai, maningon ipataridahkon sidea ma goluh na marbeda pakon halak na legan, dalam hal orientasi ampa tujuanni goluh ni sidea. Mase sonai? Halani masa do homa bani panorang ai, bahat halak na pitah memperjuangkon arta na i dunia on, tongon humbani haduniawion, sobuton do sidea gabe halak na bayak, tapi bani realitani, lape tontu homa sidea bayak ibagas haporsayaon hubani Kristus Sipaluah in. Halani ai ma, ase Jakobus padaskon hubani sapuluh dua morga na merap ai, ase fokus atap orientasini sidea totap ma ibagas haporsayaon hubani Kristus in. Bahkan pori pe maningon manaron sidea halani ai, ulang terpengaruh bani hal-hal na sifatni haduniawion. Latar belakang pernyataanni Apostel Jakobus on, aima halani bahatni halak bani panorang ai, na gabe prioritasni aima patumpu-tumpuhon arta ampa habayakon bani goluhni. Bahkan proses untuk patumpuhon arta ai, aima marhitei na mandalankon goluh na daoh humbani hasintongan, menindas halak na lemah, lang mambere aha na patut sijaloon parhorja, tidak adil, janah haganupan ai idalankon dalam upaya laho patumpuhon arta bani goluhni. Lang sihol sobutonni Apostel Jakobus lang boi bahat arta ampa bayak, artini ai Jakobus lang antu hubani halak na bayak, na bahat artini, tapi na sihol ikritisi Jakobus aima sonaha proses gabe bayak. Hal na lang sintong aima dapotan arta na bahat, jumpahan habayakon, tapi ketidakadilan, penindasan hubani halak na legan idalankon. Takkas tumang do isobut Jakobus na masa ai bani ayat 4-6, na secara gamblang patugahkon kondisi na ihorjahon buei halak bani panorang ai. Halani ai ma Apostel Jakobus manokanhon paboa na adong bani sidea, na bois do in, tasikon do artani sidea (omas, pirak). Poin na sihol sobutonni Apostel Jakobus aima, sagala na dapot marhitei dalan na lang dear, hadobanni aima soya-soya. Halak na lang mananda Tuhan Jesus, cenderung fokus hubani arta na i dunia on, bahkan ganupan dalan ibahen asal ma gok artani, tapi halak na orientasini hubani Tuhan Jesus, janah totap maronjolan ibagas haporsayaon huBani, tontu bani na mandalankon atap manghorjahon atap aha pe bani goluhni tontu sesuai bani harosuhni Tuhan in.
Hita haganupan
Menindaklanjuti pernyataanni ai, Apostel Jakobus manokanhon bahasa, na roh ma ari ni Tuhan in, janah igambarhon do on bani goluhni jolma i dunia on, na totap marhorja janah marhasabaron ibagas horjani ai. Parjuma pe sabar do paimahon buah na maharga hun tanoh in, sabar paimahon udan, janah sabar paimahon pariama. Haganupan mempunyai proses, janah bani proses ai porlu ma hasabaron paimahon das hubani ujungni proses ai. Sabar paimahon lang berarti soh, pasif, tapi sabar paimahon totap ibagas kondisi na aktif, manghorjahon sagala na boi ihorjahon. Siap ibentuk ibagas proses, das hubani ujungni, jumpahan hasil na dob itotapkon Tuhan bani haganup halak na manghaporsayai-Si. Sonai do homa pargoluhanni halak na porsaya, na mandalani proses bani dunia on, bahkan proses menuju kematangan haporsayaon, na gati mandompakkon hal na lang urah, maningon tahan janah sabar ibagas proses, halani ai do justru bagian na maningon idalani halak na porsaya, laho manuju hubani parroh ni Tuhan in. Paimahon parrohni Tuhan marhitei na totap manjaga haporsayaon huBani, manjaga sikap ibagas parsaoran pakon na legan, mandalani goluh ibagas gok hasintongan. On gabe sada hataridahanni halak na dob porsaya hubani Tuhan Jesus, janah goluhni secara totalitas pataridahkon goluh na sesuai bani harosuhni Tuhan in. Paimahon parroh ni Tuhan in, marhitei totap berbenah, pro aktif mandalankon goluh na sintong, marhorja sesuai bani tanggungjawab na ibere Tuhan hubanta. Anggo igambarhon pakon parjuma, pori patar pe parroh ni Tuhan in, sadarion totap ia mandalankon janah manghorjahon horjani, halani horja na dob iondoskon Tuhan hubani haganupan halak, aima horja Ilahi na memang maningon idalankon songon pangindoanni na mambere. Tapi iatas ni haganupan ai, porlu sabar ibagas proses, ase hadopannni boi lulus bani proses ai, janah gabe pemenang.
Hita haganupan warga seksi bapa
Songon na sinobut bani nas ta on, tontu domma boi hita manaili aha do na gabe fokus ampa prioritasni goluhta on. Porlu do habayakon, arta hubanta, tapi ulang halanni ai, gabe terjadi horja na lang sintong na lang iharosuhkon Tuhan in. Kecenderunganni halak na marambisi gabe bayak, aima aha pe ihorjahon asal ma boi tumpu arta na bahat, na mambahen gabe bayak, bahkan marhitei na mambuat na so bagianni, in pe ihorjahon. Keserakahan ampa panrajaion diri na hurang bani hal-hal parduniawion, on ma na gati mambahen jolma in gabe kahou. Lalu Jakobus manobut, bois do in ganup ipangan ngitngit, halani na laho salpu do arta na i dunia on. Sebalikni, patumpu hita ma arta na lang marnabois in, das hubani ari parrohni Tuhan in. Tardalankon hita on, anggo ibagas haporsayaon hubani Tuhan in, pori pe idompakkon hal na borat, tontu hasabaron na porlu bani situasi ai, ase boi jumpahan hita bani kemenangan na pinasirsirni Tuhan in, sanggah parroh ni ai. Selamat berproses ibagas hasabaron, janah semangat torus berfokus bani arta na i surga in. Amen.
