Renungan Mingguan/PA Bapa GKPS, 23 Juni 2024 (4 Set. Trinitatis)
Nas : 2 Tawarikh 26:1-5
Usul Doding : Haleluya No. 9:1-3
Tema : Pemimpin yang takut akan Tuhan
Tujuan : Agar kaum bapak menyadari perannya sebagai kepala keluarga
Horas ma hubani nasiam seksi bapa GKPS!
Pangarapan nami horas-horas hita ganupan.
Nasiam seksi bapa GKPS, salah sada tantangan siboratan na idompakkon sahalak dalahi aima sonaha ia berperan sebagai sahalak bapa, paramangon pakon kepala keluarga. Ra, boi do urahan memerankan peranan sebagai sahalak direktur, manager, kepala bani sada lembaga atap ketua organisasi atap pe peranan pelayanan termasuk ma ai sebagai Pandita, Sintua, Syamas, PMJ pakon peranan pelayanan na legan, sonai homa mungkin sebagai ketua STM, arisan marga pakon na legan ibandingkan memerankan peranan sebagai sahalak bapa, paramangon pakon kepala keluarga. Agepe keluarga boi sobuton aima lembaga sietekan, tapi peranan ni keluarga manontuhon karakter ni sasahalak janah karakter ai manontuhon sonaha ia berhadapan pakon masyarakat. Janah anggo ikembangkon hita parsahapan on, peranan ni keluarga manontuhon kondisi ni sada bangsa.
Halani ai peranan ni bapa sebagai kepala keluarga banggal tumang bani na manontuhon pargoluhan ni keluarga ai. Halani ai do bani panorang on isuba hita laho mangidah janah marlajar sonaha do kepemimpinan bani nas ta on. Ipatorang do bani nas ta bahasa marumur sapuluh onom tahun do si Usia sanggah na bangkit ia gabe raja. (ayt. 3). Umur sapuluh onom tahun aima usia na poso tumang ope. Nuan, bani sistem pemerintahan i negaranta on, lang mungkin be ai tarjadi, janah marlegan do homa konteks ni nas on pakon zamanta sonari on. Tapi, na sihol idahonta ijon aima sonaha Naibata mamakei raja Usia na marumur sapuluh onom tahun ai manrajai bangsa Juda ijia. Adong kata kunci na boi sobutan sebagai kata kunci keberhasilan kepemimpinan ni raja Usia bani panorang ai, aima na tarsurat bani ayat 4: “Ihorjahon do rosuh ni Jahowa….”. Sada siporlunan bani raja Usia bani panorang ai aima manghorjahon rosuh ni Jahowa. Marhabiaran bani Jahowa aima kunci sukses. Janah sukses bani bidang aha pe na positif, dos do kuncini, aima biar mangidah Jahowa. “Biar mangidah Jahowa do parmulaan ni habotohon; halak na bodoh teos do uhurni bani hapentaran pakon pangajaran.” (Podah 1:7). Biar mangidah Jahowa mararti manghaporsayai Jahowa, manghaporsayai bahwa aturan ni Jahowa aima aturan sidearan janah na maningon sihorjahonon janah lang pitah manghaporsayai tapi manghorjahon parentah ni Jahowa. Iulaki do use pasal ai bani ayat 5: “Sai iporluhon uhurni do mangidahi Jahowa…”. Hata “sai” boi iartihon “selalu”. Artini mangindahi Jahowa aima sada hal na parlobei janah siporlunan bani.
Anggo sonai on ma homa salah sada perenungan banta. Sonaha, mabiar do hita bani Jahowa? Mabiar bani Jahowa maksudni sedo songon na mabiar bani Ulog, na mambahen hita merasa terancam janah sihol menyerang atap melarikan diri. Tapi biar bani Jahowa artini hormat, takjub, segan janah adong haporsayaon bahasa parentah ni Jahowa pasti sintong janah manghorhon hadearon. Biar mangidah Jahowa berarti mengakui bahasa Jahowa markuasa janah pentar, na pentar tumang mangatur pargoluhan ta ase atur janah banjei. Nas on mangojur hita ase marhabiaran bani Jahowa ma hita bani mandalankon peran sebagai kepala keluarga. Mamakei habotohon na humbani Jahowa aima habotohon ibagas holong. Memimpin dengan kelemah lembutan bukan dengan tangan besi na mamaksa janah na mangancam. Tapi ibagas holong halani Naibata pe memimpin hita ibagas holong do homa.
Janah hunja do dapotsi pambotohni pasal Jahowa? Humbani si Sakaria na mangajarisi marhabiaran bani Jahowa. Ijon ididah hita do bahasa raja Usia marlajar hata ni Naibata. Ia mambere uhurni, ia mangaku bahasa anggo pambotohni jolma do ipakei, seng anjai mampu ia mamarentah bangsa ai. Adong do istilah na manghatahon sonon: “belajar itu dimulai dari kandungan dan berakhir di kuburan”. Artini, agepe sahalak bapa domma matua atap ia ma na paling berpengalaman i tongah-tongah ni keluargani, ia maningon ra torus marlajar. Marlajar sedo pitah bani ianan na formal, tapi boi do homa marlajar humbani na legan. Maningon iakui hita do bahasa jolma on memiliki sifat pelupa. Lupa parlajaran i sikolah, lupa hata ni Tuhan na ongga itangar, lupa podah na ongga itangar pakon na legan. Halani ai, porlu tumang iulaki-ulaki bani na marlajar pakon mambasa atap manangar na madear, ase idingat torus. Lang sungkup sanggah poso tumang marlajar, age domma matua, porlu tumang ope tong marlajar tarlobih ma ai marlajar hata ni Naibata. Anggo sonai ididah hita ma use aha kunci sukses ni keberhasilan ni kepemimpinan aima kemauan ni pemimpin untuk terus menerus belajar, tarlobih marlajar pasal hata ni Naibata. Apalagi nuan on, zaman terus berubah, teknologi domma mangubah cara hidup ni jolma, tontu marubah ma homa karakter pakon kebiasaan ni jolma. Lang ganup cara-cara ni orangtua ta sapari dompak hita relevan bani niombahta nuan on. Bahat tumang siparlajaron ni sahalak bapa ase boi ia gabe pemimpin i tongah-tongah ni keluarga ni.
Na mangihut use ihatahon do “sadokah ipindahi Jahowa, itumpak Naibata do ia”. (ayt. 5). Tanpa Tuhan kita tidak berarti apa-apa dan tidak bisa melakukan apa-apa. Sipanganon, siinumon, parhiouon, rumah age horjanta, humbani Tuhan do ai. Anggo lang manumpak Tuhan bani horjanta, lang marbuah ai. Anggo lang Naibata na manghasomani niombah na i perantauan age na marsikolah i luar kota, pasti magou do sidea. Jika Tuhan menyertai maka semua hal bisa dilalui dengan baik, tapi tanpa Tuhan semua pasti berantakan. Panumpakion na humbani Jahowa do na mangirik-irik bapa ase boi ia mandalankon perananni. Halani ai, sai pindahi hita ma Jahowa, dalankon hita parentah-Ni, Ia ma hasomanni haganup bapa GKPS, Ia ma na memperlengkapi haganup bapa GKPS mandalankon horja ni sebagai kepala keluarga i bagas rumah tangga ni bei. Amen.
