Renungan Mingguan Seksi Bapa GKPS, 2 Maret 2025 (Estomihi)

Renungan Mingguan Seksi Bapa GKPS, 2 Maret 2025 (Estomihi)

Nas      : Ulangan 6:1-25

Doding: Haleluya No. 381:1-2

Tema   : Mendidik anak agar bertumbuh dalam iman

Tujuan : Agar kaum bapa mempersiapkan anak-anaknya bertumbuh dalam iman melalui pengajaran akan firman Tuhan

HAPORLUAN PARTONDUYON NI NIOMBAH

Shalom ma hubani nasiam seksi Bapa GKPS!

Pajumpah use hita bani renungan mingguan seksi Bapa GKPS untuk Minggu Estomihi, 2 Maret 2025.

Bani panorang on sihol ma use hita manrimangi hata ni Naibata na tarsurat bagi 5 Musa 6:1-25.  5 Musa 6:1-25 on isuratkon domu hubani panorang akhir masa pardalanan ni bangsa Israel i halimisan paima masuk sidea hu tanoh parpadanan aima tanoh Kanaan. Ia 5 Musa aima buku na masuk bani bagian Pada Na Basaia na tarmasuk hubani kitab Pentateukh (Taurat). 5 Musa 1:1-25 on masuk do homa gabe bagian banggal na isobut “shema” na mararti parentah ase manghaholongi Tuhan humbani sagala uhur, tonduy pakon gogoh (ayt. 5) janah pahara on porlu tumang bani pangarusion ni Israel bani Tuhan Jahowa. Tuhan pasingatkon sidea bani dua pahara na porlu tumang aima:

• Hinaporluni manramotkon hata ni Naibata bani pargoluhan siganup ari

Manghaholongi Tuhan humbani sagala uhur, tonduy, pakon gogoh mararti bahasa bangsa Israel mangakui Tuhan Jahowa do hansa Tuhan, seng dong Naibata na legan. Ia aima Tuhan na gogoh ni lang tarimbang, na gok holong ampa na lang dos pakon naibata-naibata na dong i sekitar ni sidea. Parentah manghaholongi Tuhan lang sekedar hukum na maningon ibalosi tapi gabe dasar hidup ni sidea. Hata ni Naibata lang pitah iajarhon marhitei hata tapi maningon iajarhon marhitei teladan hidup. On martujuan ase bani tanoh sisolukan ni sidea, sidea totap manggoluh bani dalan ni Jahowa, lang manlembang hu siamun barang hu sambilou, lang mamparaduhon Tuhan pakon naibata-naibata na legan janah ase damei sidea manggoluh bani tanoh sisolukon ni sidea ai. Hata ni Naibata na torus marsora ibagas uhur ni sidea gabe taridah marhitei pambalosion ni sidea bani Tuhan Jahowa. Ase gok pasu-pasu ma sidea manggoluh bani tanoh parpadanan ai. Ase gabe renungan ma homa on banta nuan on tarlobih seksi Bapa GKPS. Hata ni Naibata na torus marsora ibagas uhur, masuk do ai humbani pinggolta.  Songon na sinobut ni Apostel Paulus bani Rom 10:17: “Ai humbani na manangar ambilan do roh ni haporsayaon, anjaha ambilan ai roh humbani hata ni Kristus”. Ase pasomal-somal hita ma manangar ampa marlajar hata ni Naibata marhitei aktifitas pribadi age na manrohi tumpuan-tumpuan ni halak na porsaya ase hata ni Naibata ai na gabe sinjatanta mandalani ari-ari ni goluhta. Untung do banta anggo rajin hita marlajar hata ni Naibata. Hata ni Naibata ai homa mambahen hita menyadari bahwa Tuhan Jahowa do hansa Tuhan, ase lang iparaduhon hita Tuhan marhitei na manghaporsayai sombah-sombahan na legan, janah lang be iandalhon hita gogohta sandiri aima artata, pambotohta atap hapentaranta. Tuhan do hansa na iajamhon hita bani goluh on.

• Pasirsir generasi (ginompar) na sihol roh

Dob jonam hata ni Naibata ai bani goluhta salaku orangtua, tontu aima simamahkononta bani Niombah. Adong do ongga manghatahon sonon: “Kamu tidak dapat memberikan apa yang tidak ada padamu”, atap dong do homa na manghatahon sonon: “borit do tangan manggijigkon na lang dong”. Artini aha na dong bamu do na boi ibere ham. Anggo arta na dong banta ai ma na tarbere hita. Anggo kepahitan do na dong banta, aima homa na tarbere hita. Anggo kemarahan do na dong bani uhurta, tontu manggila-gila (marah-marah) ma homa hita bani ise pe na dong i sekitarta. Anggo somal hita manangar hata na masambor janah lang ipilah-pilah hita na ija sipamasukonta hubagas uhurta, hata na masambor aima homa na luar hun pamanganta. Ase nas renunganta on mangajari hita homa pasal mangisi dirinta bani hal-hal na dear ase ai na luar humbanta. Irik hujai pasal na madear ai maningon do ipamasuk hita hubagas dirinta marulak-ulak, lang sungkup sahali-sahali atap sahali tumang. Salaku sahalak anak hita humbani orangtuanta, memang lang ibagas kendalinta sonaha sidea mangajari hita. Lang boi hita mamilih ise orangtuanta, sonaha pendidikan, ekonomi pakon sosial ni sidea. Malas ma uhur anggo tubuh hita humbani keluarga na cukup memadai bani ganup bidang. Tapi lang tarpungkiri bahwa adong do homa hita na tubuh humbani orangtua na hahurangan secara ekonomi, pendidikan age parugamaon. Ra do homa adong hubani seksi bapa na girah magouan orangtua sehingga lang ibotoh naha sodap ni na marorangtua. Ai ganup pitah boi ijalo hita ibagas na lapang dada irik marusaha sadear-dearni memperbaiki hidup ase ai na iwariskon hita hubani ginomparta. Ase memang hata ni Naibata do na margogoh tumang laho padearhon pargoluhan pakon parlahou ni jolma. Hata ni Naibata do na mampu mangubah uhur pakon parlahounta. Ase langkah pertama ase boi gabe bapa (orangtua) yang baik aima mamparlajari hata ni Naibata.

Dob marisi bani hata ni Naibata, melangkah ma hubani langkah selanjutni aima mangajarhon hata ni Naibata. Anggo bani bangsa Israel ijia ihatahon do ase igogohkon mangajarhon hata ni Naibata bani niombah. Ijai adong hata “maningon gogohanmu do” (ayt.7). Lang boi sambil lalu, atap anggo dong panorang atap bani teba-teba ni panorang pakon gogoh. Bani na mangajarhon hata ni Naibata lang boi ipakei hata “anggo sompat”, “anggo lang repot”, “anggo tingki lang dong horja” tapi maningon “isompatkon” do. Maningon adong waktu na ipasobih untuk mangajari niombah bani hata ni Naibata. Tontu nuan boi ma ibahen hita panorang ibadah keluarga untuk memfasilitasi waktu khusus mangajari niombah on.

Leganni waktu khusus na itombei laho mangajari niombah, bani Israel na ijia pe homa isuruh Tuhan do laho mengoptimalkan setiap momen untuk mangajari niombah pasal hata ni Naibata. Bani nas ta ipakei hata “sanggah hundul”, “sanggah i pardalanan”, “sanggah laho modom”, “dob puho”. Tontu anggo domma sonon, orangtua gabe guru hubani niombahni bani hata na niluarhonni, bani pangabakni, bani tanggung jawabni, bani kesetiaanni, bani kerajinanni pakon na legan. Ase bahen hita ma keseimbangan antara membuah waktu khusus untuk mengajarkan firman Tuhan dengan mengoptimalkan semua momen untuk mengajar anak.

Dasar pembentukan karakter ni sada-sada halak aima keluarga. Anggo na jenges do na sinuan ni keluargani bani sada-sada halak, payah tumang do ai iorbat pengaruh-pengaruh luar. Tapi sonai do homa sebalikni, pangajaran na lang dear humbani orangtua, atap ketidakhadiran ni orangtua mangajari niombah, on pe payah tumang padearon. Orangtua adalah garda terdepan dan terutama dalam mengajar anak. Anggo jenges do pangajaran ibagas keluarga-keluarga, manjalir ma on hubani ganup bidang. Pembentukan bangsa yang besar dimulai dari rumah yang kecil. Rumah na etek on menjadi sistem pengaruh na banggal tumang efek ni bani pertumbuhan karakter anak. Otak manusia akan sangat mudah dipengaruhi oleh kebiasaan yang terjadi dimana dia tinggal. Parlahou pakon hasomalan aha na ididah niombah ihorjahon orangtuani, daoh gogohan pengaruhni marimbang aha na ihatahon orangtua ni. Ase ongga do itangar hanami hata sonon: “anak adalah pendengar yang buruk tapi anak adalah peniru yang sangat baik”. Ase iojur renungan on do hita ganup ase gabe sitiruon na dear.

Ase pasomal-somal hita ma marlajar pakon mangajar hata ni Naibata. Boan hita ma homa niombah hubani ianan ija adong hata ni Naibata iajarhon. Age etek ope sidea, songon na lang iarusi sidea. Tapi situasi atap nuansa komunitas na jenges ai, anggo ipasomal-somal ipaparhon hubani niombah, tontu aima na idarami sidea ronsi magodang sidea. Mereka akan mencari komunitas yang baik ketika mereka di perantauan dan akan terus merindukan firman Tuhan dalam hidup mereka. Amin.