Renungan Seksi Bapa
Tanggal, 30 Nopember 2025
Teks: Kolose 1:28-29
Thema: Kesempurnaan dalam Kristus
Sub Thema: Agar kaum bapa semakin dan dewasa di dalam Kristus dalam hal bekerja, melayani dan memberitakan Injil Kristus.
No perfect body on ma sada istilah na gati iluarhon hasoman na mararti lang adong na sempurna. Memang anggo irenungkon hita sonai age ikawahkon hita bani lingkunganta age das hu negaranta on memang sintong tumang do istilah on. Lang adong hape na sempurna atap gokan dear. Bahkan anggo irimang-rimangi hita goluhta on, hita pe hape daoh do humbani kesempurnaan ai. Anggo marsahap hita, tanpa isadari hita ra do mamborit pangahapni halak domma hape menyakitkon bani halak na legan. Dobni rado sipata uhur parbagasta mangkatahon au lang sempurna. Anggo sonai ise do na sempurna? Na sempurna aima Yesus Kristus na dob iutus Tuhan Naibata hu dunia on. Kesadaran akan ketidaksempurnaan on gati do muncul bani uhur pakon pikiranta, tapi pos ma uhurta kita sempurna di dalam Kristus. I lobei ni Naibata domma isempurnahon Yesus hita, bahkan hinan jabolon do hita tapi halani Yesus domma gabe anak hita on.
Mungkin bani goluhta dousa ketidak sempurnaan on gati do menghantui pikiranta, halani domma sompat daoh hita humbani Tuhan. Halani ai mungkin ra tubuh ibagas uhurta au lang talup be ilobei ni Tuhan in. Dobni hita roh daohni hubani Tuhanta Naibata. Tapi sasintongni porini pe daoh hinan hita humbani Tuhanta, sir-sir do Tuhan in manjalo hita. Ai lang ongga do ihatahon Tuhan in: ‘age pe ger-ger dousamu songon hasumba, putih do bahenonku songon salju”. Halani roh ma hita hubani Tuhanta ai ijalo do hita. Ibotoh Tuhan do sonaha keberadaanta. Bahkan ibotoh Tuhan do hita on lang sempurna. Contoh hita ma Paulus sahalak juak-juak Naibata domma ipaubahni pargoluhonni. Hinan sanggah margoran Saulus ia iarsik-arsih janah iayak-ayak do halak Kristen. Tapi dob konsi “pajumpah” ia pakon Tuhan Yesus, gabe mubah ma ia bahkan goranni pe margantih ma jadi Paulus. Ia salah sada apostel na paling gigih pararatkon Ambilan na Madear bani awal-awal kekrirtenan. Dob konsi gabe Kristen Paulus, apakah tantangan ai moru. Tontu langf tene, bahkan bahat tumang do tantangan ihadapini ibagas na praratkon hatani Naibata. Sipata mangkar modom, sipata lohean, bahakan ihatahon podoan pe ongga. Tapi lang ongga surut semangatni padaskon ambilan na madear in hu sab dunia on.
Domu hubani pegalamanni ai Paulus sihol mangkatahon pakon mangojur kuria Kolose ase bani haganupan parlahou ase gokan dear atap sempurna. Kata sempurna ijon sarupa pakop]n kata “lengkap” ( teleios ) na bearti domma das hubani tujuan aima: tuntas, lengkap, dan sempurna. Gagasan na imaksud Paulus aima jolma na dob dewasa na dob boi mambedahon na ija na madear pakon na ija na sambor. Paulus membayangkon sahalak na dob dewasa sarupa pakon sahalak bapa na dob bertanggung jawab, lang songon anak muda na punya semangat tinggi tapi kadang tanpa Kontrol. Bapa na dewasa iman tontu ia dewasa ma homa secara mental pakon spritualitas.
Memang mangkatahon ase dewasa janah sempurna memang murah do, tapi mangkorjahon ai memang agak mahol do tene. Halani ai satu-satuni cara ase lambin dewasa janah sempurna bani goluh on aima marhitei hasadaon pakon Kristus. Paulus manokanhon bahwa halak na porsaya na dob dewasa iman maningon do mangajamkon Kristus, janah Kristus do na gabe sumber kekuatan pakon sumber kemenangan bani goluhta. Onma satu-satuni cara mengatasi godaan, pakon tahi-tahi ni dunia on.
Nasiam Bapa hinaholongan
Domu hubani renunganta bani minggu on, ase idilo hita haganupan bapa ase semakin sempurna bani haganupan horja, melayani pakon mambaritahon ambilan na madear in. memang bahat tumang do godaan age tantangan sanggah hita sihol sempurna. Tapi nini ambilan on ontang hita ma Tuhan Jesus, ase boi hita marhamonangan. Ise na siholan bani Tuhan Yesus sasintongni ia domma dewasa bani iman. Porini pe lape dapot hita kesempurnaan ai lang pala mandolei hita, halani memang kesempurnaan ai hanaya milik Tuhan. Tapi horjanta pitah marpala-pala do ase semakin sempurna. Amin
