RENUNGAN MINGGUAN BAPA GKPS, 27 APRIL 2025 (QUASIMODOGENITI)
Nas : Mazmur 78:1-8
Doding : Haleluya No.248:1-2,6
Tema : Menaruh Kepercayaan kepada Allah
Tujuan : Agar kaum Bapa mampu menaruh kepercayaannya kepada Allah dalam
menghadapi tantangan di zaman yang semakin maju.
MAMBARITAHON PAMBAHENANNI NAIBATA
Hita haganupan
Mardinamika do goluhta on, anggo manaili hita hubani proses ampa sejarah pargoluhanta, dinamika ai boi do iahapkon hita. Salah sada contoh, adong do panorang hubanta sehat jorgit angkula ampa tonduy, tapi adong do homa panorang idompakkon hita parnaboriton. Adong do panorang tongon ibagas na marhatengeran ni uhur hita hubani Tuhan Naibata, tapi adong do homa panorang, sanggah idompakkon hita persoalan, songon agak ragu ma homa hita hubani Tuhan Naibata. Wajar janah normal do ai?
Hita haganupan, renungan mingguan on menjawab sukkun-sukkun na ibabou, pasal sonaha do hita boi berefleksi bani pardalanan ni goluhta on. Renunganta aima salah sada Psalmen na isuratkon Asaf. Ise do Asaf? Ia aima pemimpin pujian janah pemain musik na mangidangi bani rumah panumbahan, bani masa pemerintahan Raja Daud. Humbani sifat Psalmen on, ikelompokkon do Psalmen on sebagai Psalmen pangajarion pakon refleksi pasal pardalannni goluh halak Israel, pakon sosok Tuhan Niabata na tongtong setia hubani bangsa in, pori pe sipata sidea gagal bani na marhatengeran ni uhur hubani Naibata. On ma dinamika goluhni bangsa in, adong do panorang sidea berada bani titik lang setia hubani Tuhan Naibata, agepe Tuhan Naibata totap setia hubani sidea. Peristiwa na paling dominan pataridahkon dinamika goluh ampa uhurni bangsa in, aima sanggah sidea luar hun Masir laho menuju tanoh Kanaan. Pardalanan i halimisan mambahen sipata sidea merasa goluh on borat, marhitei na idompakkon sidea bagei-bagei persoalan, tapi adong do homa panorang sidea mangahapkon pardalanan ai sebagai pardalanan na urah idalani, halani sirsir do haganup na iporluhon sidea i halimisan. Tapi pori pe sonai, adong do homa panorang sidea na lang setia hubani Tuhan Naibata, bahkan adong do panorang tubuh ringis ni sidea hubani Musa sanggah sidea mandompakkon hamaholon, janah manombah naibata na legan, na haganupan on aima salah sada bentuk kegagalanni sidea laho totap setia hubani Tuhan Naibata. Tapi sosok ni Tuhan Naibata totap pataridahkon holong ampa panramotion hubani bangsa in, janah pardalannni sidea hun parjabolonan Masir hu Kanaan lang pitah hal-hal na berhubungan hubani nilai hostoris tumang, tapi lobih hubani Tuhan Naibata na manramotkon sidea.
Hita haganupan warga seksi Bapa
Untuk hal-hal na dob iahapkon bangsa in, mambahen par Psalmen terdorong laho mambere pangajarion pasal sonaha do semestini halak na porsaya na dob mangahapkon gogoh ampa holongni Tuhan bani goluhni. Renungan on, ipukkah marhitei hata, “tangihon”, hata tangihon aima sada sikap na ipataridahkon sasahalak sebagai respon bani sora atap kalimat na ipadas hubani. Hal na parlobei na porlu aima sikap laho manangihon. Tontu sikap on martudu-tudu hubani sahalak na mambere perhatian, fokus ampa konsentrasi. Jadi halak na manangihon aima halak na mambere uhur bani aha na itangihonni. Lang pitah mambere pinggol tapi na lobih porlu aima sikap mambere uhur, pasal pesan na sihol jaloonni. Tontu on ma homa na porlu ididah hita humbani dirinta bani panorang on, apakah hita manangihon pitah mamberehon pinggol, atap hita manangihon marhitei na mambare uhur, pasal hatani Tuhan na ijalo hita bani goluhta. Tapi na pasti kalimat on mangarapkon pambasa Pslamen on mambare uhur bani na manangihon. Lalu pasal aha ma na sihol sitangihononkon?
Hita haganupan
Hal na porlu sitangihononkon ternyata lang homa hal na baru, tapi domma ibogei, ibotoh sidea, pasal rusia na sihol sitangihononkonni bangsa in. Aima pasal pambahenanni Jahowa, pasal gogoh ampa halonganganni. Tontu on martudu-tudu bani karyani Jahowa bani bangsaNi in. Sanggah sidea iayak-ayak tantara Firaun, boi sidea lopas, sanggah loheian sidea, jumpahan do sidea bani manna na niondoskon Tuhan Jahowa hubani, sanggah i halimisan sidea, Naibata do na manjagai sidea. Hal on ma na maningon sidingatonni bangsa in, pasal horja ampa karyani Tuhan Naibata na banggal bani bangsaNi in. Pori pe bani kisah ai, mardinamika do homa kesetiaanni bangsa in hubani Tuhan Naibata, tapi na pasti totap do Ia setia hubani bangsaNiin. Hal on ma na sihol ibaritahon mengenang janah mengingat kembali Naibata sebagai sosok na totap adong bani goluhni bangsaNiin. Mengenang janah mengingat kembali, itoruskon marhitei na mambaritahon in hubani ginomparni sidea. Aha do alasan ase maningon ibaritahon on? Nas ta manuratkon ase haganupan ginomparni sidea/bangsa in totap mambahen Tuhan Naibata gabe hatengeran ni uhur ni sidea, janah manghorjahon titah-Ni. On ma na maningon sidalankononni sidea sonai age ginoparni sidea maronjolan bani pambahenanni Naibata hubani sidea. Dinamika goluh ampa sikapni ompung ni sidea hubani Tuhan Naibata, ulang ma namin iulaki, halani anggo roh gati ibaritahon pambahenanni Naibata, lang adong be peluang laho gabe siparbalik anjaha sipanggeori, sundut na so totap uhurni, anjaha tonduyni seng totap bujur dompak Naibata. On ma na gabe tanggungjawabni sidea ase estafet pambaritaan pasal pambahenanni Tuhan Naibata totap idalankon janah ibaritahon, laho menjaga generasini sidea, ase totap martenger ni uhur hubani Tuhan Niabata.
Hita haganupan
Humbani renungan mingguan minggu on, ipangindohon do hita haganupan bapa gabe pewaris hubani niombahta. Pewaris ibagas arti, secara aktif ma hita mewariskon hal-hal na dear bani niombahta. Tontu on lang berhubungan hubani warisan habayakon songon na somal idalankon hita, tapi bertanggungjawab do haganupan bapa laho mewariskon warisan haporsayaon hubani niombahni. Tontu domma buei na ialami janah idaihon hita pambahenanni Tuhan Naibata bani goluhta. Agepe bahat dinamika goluh na idompakkon hita, agepe sipata tartolsu hita, agepe sipata manlembang uhurta dompak Tuhan Naibata, tapi anggo iruji-ruji hita goluhta, tontu tarlopusi hita haganupan in das hubani sonari, aima halani pambahenanni Tuhan Naibata. Sonaha Tuhan Naibata na marhorja bani bangsaNiin, sonai do homa Tuhan Naibata marhorja hubani hita das hubani panorang on. Tontu lang singgan hita na mandaihon pambahenanni Tuhan Naibata, tapi das do hubani niombahta, pahompunta, janah pambaritaan na binahenta i tongah-tongah keluarga merupahon sada upaya hubanta laho totap mewariskan warisan haporsayaon ai, ase niombahta, boi totap marhatengrenga huBani, janah mandalankon titah-Ni.
Bani sondahan on, bani era digitalisasi on, segala sesuatu boi tersaji ibagas na podas, media sosial na menawarhon hal-hal na iporluhon, dear do haganupan in? Tontu hubani haganup maningon boi ididah hita humbani dua sisi, positif atap negatif. Kemajuan teknologi gabe hal na dear, anggo boi hita menyeimbangkon pakon hatani Tuhan, artini ulang gabe halani kemajuan teknologi gabe lupa hita bani hatani Naibata, bahkan menomnorsadahon teknologi sehingga lupa hubani Tuhan Naibata. Hal on memungkinhon terjadi halani memang era na sonai ma sonari. Tapi tontu estafet pambaritaan pasal pambahenanni Tuhan Niabata gabe sada upaya ase generasi sonari lang manlupahon Tuhan Naibata, janah on aima tanggungjawab hita bapa. Ase marhitei renungan mingguan on, gabe sipardihut ma hita haganupan laho mambaritahon pambahenanni Tuhan in i tongah-tongah keluarga, gareja ampa masyarakat, ase generasinta lang gabe generasi na lang mardingat hinabanggalni pambahenanni Tuhan bani goluhni. Amen.
